سلام الله على ظلـم الفـراق وقسّـوة الأيـام

[جرح العنا]

السلاام عليكم ....
هذي اول مشااركة لي بالمنتدي واتمنى اتحووز على اعجاابكم...


سلام الله على ظلـم الفـراق وقسّـوة الأيـام
عسى ربي يسهلّ لك طريقـك وتحيـا وتـدوم
رح ووجهك بياضه من بياض الصبـح ماينـلام
وانا من مدّة ايدين البخـت يرضينـي المقسـوم
وش بيدّي وقف حظ الفقير وماتـت الأحـلام
إذا حبّك من أوّل يوم وفراقك مـن أوّل يـوم
رقبتي قفلتين وسيف هجرانـك مسيـرة عـام
جلدني وأنكرتي ملحـة العشـره وربعـي قـوم
يهونها لو أن الحـظ يسّلـك مسّلـك الأقـدام
ماكان أوصل حدود الأرض وأعوّد وأنا محـروم
تصافق لك معاليق الضماير يـا بعـد مـن قـام
وخلاني خصيم لوسعة الصـدر ولذيـذ النـوم
أداري عبرةٍ ضامـت عيونـي والعيـون تضـام
وأكبّر هقوتي لا كبرت الشرهـه وكبـر اللـوم
ياويلي من مناديب الضنـون وطرقـة الأوهـام
تساويني معك فـي خانـة المحمـود والمذمـوم
تشوف أنّك على حد اليمن وتشوفني في الشـام
وأشوف أنّا على وجه الحياه أثنيـن تـوم وتـوم
تذكّر وأنت عنّـي بعـد الأبـوّه عـن الأيتـام
رهين الغربه اللـي مـن ديـاره ماتجيـه علـوم
بعد مادار عام مـن المفـارق يـا غـرام العـام
وروحي مابقـى الا زفرتيـن وتبلـغ الحلقـوم
لا ترخص قيمتي لامن تذكرتـك وأنـا قـدام
وجيهن تذكر الظالم ولا تـدري عـن المظلـوم
مابعتك بالسحايب والبروق السمـر والأنسـام
وساموني بتلويحـة وداع وبعـت بـأوّل سـوم
سئمت العيش (نون وصاد) واللذات (سين ولام)
بنـادم والبنـادم حيلتـه ماتوجـد المـعـدوم
مادام الصحف جفت وأنت رحت ورفعت الأقلام
على حبٍ من أوّل يوم وفـراقٍ مـن أوّل يـوم

وسلاااااااااااامتكم......