^&% تــفــاخـــر لــعنــبــــو غيــــرك %&^

[أميره بكلمتي]

غريبـه يامعاندنـي , تجـي واتقـول جــاك امـنـاك
تجـي يوميـن ثـم تبعـد , وقصـدك بـس تذبحـنـي

غريبـه كـل هالعالـم , تلفّـه لــف فــي يمـنـاك
ولا لـك بيـن كـل النـاس , غيـري وانـت خابرنـي

تعوّذ من بليـس وهـاك , دام القلـب , راضـي هـاك
( عراق ) القلب واسكن ( دجلته ) , واحتـل واشربنـي

أنـا والله لـولا الله , وخوفـه قلـت لجـل ارضــاك
وحبّـك جيـت فـي الدنـيـا , ومِـنـك الله خالقـنـي

أنا ( قارون ) برموووشك , وانـا ( فرعونهـا ) لـولاك
انا المذنب , وانا المؤمـن , بشوقـك وانـت تكفُرنـي

أنا يجتاحني رجفه , لـو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي

أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ووجـهـك لا تضيّعـنـي

انا من وين ماوجهـت وجهـي , فـي الوجيـه ألقـاك
أحـس انـك تبعثرنـي , ولا ادري كـيـف تجمعـنـي

أجي لك شرق يسرقنـي , جنوبـك , وانسحـب منّـاك
وأجي لك غـرب يسرقنـي , غروبـك وانـت تشرقنـي

أحـس انّـك معـي دايـم , واتـوه بعالمـك واحيـاك
وافوق احيـان واتسائـل , لـك الله كيـف سخّرنـي ؟؟

تفاخر ( لعنبوا غيرك ) , ترى غيـرك , يمـوت اهنـاك
وربـي ينتظـر كلـمـه , وأصــد وهــو يكلمـنـي

ومادام الله عطا لـك شـي , فاشكـر واغتنـم ماجـاك
ومـادام اتشوفنـي سـاكـن , نصيـحـه لاتحرّكـنـي

أنا لو قلت لك بانسـى , ورب البيـت , صـدق انسـاك
لذا : , لـو شفتنـي بانسـى , فانـا طالبـك تمنعنـي

واذا قـررت تمنعنـي , وشفـت ان الـقـرار أعـيـاك
مـا بيـك اتقـول وش تبغـى , تـرى والله تضايقنـي

انَـأبغى ؟؟ , قول وش ما ابغى , على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي

أنا ابغى كل مايطـري , عليـك اسمـي يهـز اقصـاك
وابيـك ان شفتنـي مذنـب , بحبـك تـوب واغفرنـي

أبيه ايصير فـي عينـي , منامـك والرمـوش اغطـاك
وأبيه ايصيـر فـي عينـك , منامـي وانـت تسهرنـي

أبي حبّـك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبـي لـو طلـت تجرحنـي

أبيـك ان قالـوا الشاعـر , تقـوم اتـفـز دون ادراك
أبيك اتحس بـي دايـم , أنـا اقصـد وانـت تسمعنـي

وانا شاعر مـادام انّـك , مـن الغاويـن بـس أهـواك
تقول آقول مـالا افعـل ؟؟ , بسيطـه , بـس جرّبنـي

وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تمنعنـي

وسلامتـكـم


منقـــــــــــــــــــــــول