الوضع ذا مزعجني ولا نيب مرتاح/// بروح واخلي لك ادبي كله

[عبدالله بن جفن]

ما نشرب إلا البن الأشقر إلى فاح

شاعر سعودي يقال له ابن الذيب كانت لديه استضافه في برنامج اذاعي في الامارات وكان الشخص المرافق له شاعر اماراتي اسمه جراح وبعد ما انتهت الاستضافه قام الشاعر الاماراتي جراح ودعا الشاعر ابن الذيب للعشاء ، ولبى ابن الذيب الدعوة لكنه لما ذهبوا للمكان وجد أن المكان عباره عن مرقص ولأن المكان لا يتناسب مع اخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيره إذا بأحد موظفي الفندق يأتيه برساله من الشاعر جراح متضمنة أبيات يقول فيها





مرقص دبي اللّي له القلب يرتاح

حتى سلاطين الجزيره تدلّه

لاصار ما في شربة البن مصلاح

غرشه من الويسكي بفنجال دلّه

وان كان يابن الذيب منته بمزاح

فــانا عقدت الحبل وانته تحــلّه

هذي بداية معرفتكم بــجــراح

إما شربت الكاس و الا فــخــلّــه





رد عليه ابن الذيب بقصيدة رائعة يقول فيها






ماهوب صح الله لسانك ياجراح

يكفي من العلّه ثلاثين عـــلــّه

أنته وحكامك هل الكاس لا لاح

والا سلاطين الجزيره لا بــلّه

حكام نجد اللّي ورا هضبة رماح

ضـلالهم مــثـل الجبال المضلّه

صغيرهم يلعب بكم لعب مسباح

ويسد فـــاه أهل القلوب المغلّه

إن مد كف الطيب ماهوب شحاح

والى تـعزوا دولــةٍ مــســتـقـله

مانيب أزكيهم من جـــا ومن راح

يــمكن يـجي في صفة القوم خلّــه

وان كان هرجك لي ولا انته بمزاح

يما حلا بعض الحكي في محلّه

ما نشرب إلا البن الأشقر إلى فاح

والا حليب بــكــار في وسط ملّه

رجل وطموحي من ورا النجم لا لاح

أكــبــر من اني أشتــهر في المـجـلـه

يكفيني من المـعـرفــه والـتـمــداح

إني إلى ضاقت علي قلت : يــــــالله

الوضع ذا مزعجني ولا نيب مرتاح

بــروح واخـــلي لك دبـي كــلـــّه





وسلامتكم

عبدالله بن جفن

[قرناس]

اخوي ( عبدالله جفن ) بصراحه هذي رديه جميله وعزالله ان ابن الذيب ذيب وانه مقدي فيه واشكرك على هذي الرديه الجميله وانا بانتظار جديدك







تقبل تحياتي اخوك: & قرناس &

[ال محفوظ العجمي]

صح لسان ابن ذيب كفى ووالله الذيب......


وشاكر لك سردك للقصه ردود الشعار .........

تحياتي

سفير عجمان القصيم

[عيد بن شدقان]

بن جفن
لا هنت وصح السانك والسان الشعار

[عبدالله بن جفن]

القرنااااس



المحفوظي

الرااااااكد



اشكركم على المرور والشرطه




اخيكم : عبدالله بن جفن

[سلطان بن جفن]

صح السانك والسان الشاعر ابن الذيب
ولاهنت على النقل الطيب

عمك سلطان

[مـحمـد]

لاهنت يابن جفن

[عبدالله بن جفن]

اشكركم على المروووووور


وتحيييييييه خاااااااااااصه لعمي سلطان

وتو ماتبارك الموضوع


وبوجود الكل طبعععا


تحياتي

عبدالله بن جفن