رحلتي الى ( المانيا / النمسا / سويسرا / ايطاليا )

[سعود بن مهدي]

السلام عليكم ورحمة الله وبركاته

اسعد الله اوقاتكم بكل خير اخواني واخواتي اعضاء هذا البيت الشامخ اللي اطلب من الرحمن يديمه منبرا للتواصل والحب


حبيت اشارككم في هذا القسم الجميييل جدا وخصوصا اني من عشاق السفر والاستجام

برحلتي المفاجأه اللي جات مابين ليله وضحاها ورغم هذا اجزم انها من اجمل السفرات في عمري

ويعلم الله اني ادين لأخي / مناحي الصميل بهذا التفصيل عن الرحله وهو من شجعني بموضوعه الرائع

وتقريري هديه لبو فهاد ولايهون الجميع

,,,, <<< طبعا اتمنى ماتواخذوني على الاسلوب لأني ماملك مقومات الكتابه والشرح لكن كل شي جا بعفويه

البدايه

كنا اربع اشخاص نتحدث في مجلس ونسمر بالاحاديث وتطرقنا لموضوع السفر

فلان يمدح هذا المكان وفلان يمدح ذاك واخذنا نتبادل اطراف الحوار بتشويق الى ان دخلت الجديه في الموضوع والحماس المفرط

فتفقنا ان يذهب كل شخص ويفكر مليا بالفكره

بعد يوم التقينا ومن الدهشه انا الجميع متأهب <<< ومابأذنه ماي

لكن الطرف الرابع اعتذر لظروفه

فجلسنا بهدؤ نتشاور اين نذهب ؟ اي طيران؟ اي مطار نهبط ؟


الكل اضاف اقتراحه ورغبته بالمدن اللتي يود زيارتها

وبعد التفكير العميق قررنا ان تكون الرحله منوعه

خصوصا ان اكبرنا سنا له خبره في اوروبا وفي ايطاليا تحديدا

فكان الجدول كالأتي :



ميونيخ المانيا / 3 ايـام

الذهاب لي النمسا ساعتين ونصف بالقطار

زالمسي النمسا / 4 أيـــام

الذهاب لي ميلان 5 ساعات بالقطار

ميلانو ايطاليا / 5 ايــام

كـومـوايطاليا / يوم واحد والعوده لي ميلانو والمسافه نصف ساعه بالقطار


لوقانو سويسرا / يوم واحد والعوده لميلان والمسافه ساعه بالقطار


رومـا ايطاليا / 4 ايــام



وحجزنا طيران الامارات الذهاب الى ميونخ تاريخ 12 / 8 / 2008 والعوده


27 / 8 من رومــــأ

سعر التذكره 250 دينار


وطبعا حجزنا فندق ميونيخ وميلانو وروما من الكويت مكتب حجز فنادق

وكلها كانت 4 نجوم مع الافطار وجيده جدا لكن افخمها فندق ميلانو ومالقينا حجز بزلمسي

فقررنا نحجزه من هناك لاوصلنا زلمسي

سعر الليله ميونيخ 56 دينار

سعر الليله ميلانو 46 دينار

سعر الليله روما 45 دينار

والغرفه ثلاثيه

______




وللحديث بقيه

[محسن بن خميّس]

سعود بن مهدي
لا تعبت .. ومبارك عليك الشهر

وحمدالله على السلامه .. ,


رحلة رائعه بالفعل
شوقتنا على البقيّه ..

تـآبع وأنا من المتابعين
ولاهنت ..






/\

/|

ღ

[سعود بن مهدي]

مرحبا ومسهلا يامحمد

لاندمت والله يسلمك وجزاك الله خير

ومتابعتك تضيف لي فديتك


وتحت امرك ابشر كل شي بالطريق

اسلم وسلم

[مـزعـّلـة ـآلـنـسآـآ]

السلام عليكم ورحمة الله وبركاته

:

سعود بن مهدي

:

الحمد لله ع السلآمـه ..

يآخي لا تقهرني .. عز الله إن فـ خآطري سفرهـ ..

:

عسآكمـ بس استآنستوآ.. وليتكـ صورت لنآ كمـ مكآن .. < المرهـ الجآيه صوّر اووكي

:

بإنتظآر البقيّه

:

تحيآتي لكـ

[سعود بن مهدي]

هههههههههههههههههههه


هههههههههههههههه


السموحه يامزعلة النسا وانشالله عادش بتسافرين

ولاتستعجلين على رزقش الصور جايه وبتعجبش انشالله




بحفظ الله

[سعود بن مهدي]

اطلالة فندقنا من الدريشه في ميونيخ

طبعا ماكنا ساكنين بالسنتر بس مكانا هادي وحلو ونروح للسنتر بالمترو 5 دقايق



الغرفه




وصلنا السنتر



طبعا في ميونيخ تشعر انك بالامارات لكثرة اخوانا الاماراتيين مشالله عليهم




متحف اثري جميل زرناه بعد ماخذينا تور بالباص السياحي





تكاسي المانيا متبقطين



ياليت يعذرني الجميع في صور كثيره بميونيخ بس ماودي احرج الشباب اللي معي

لكن ابشرور بالعوض في باقي المناطق لن الروعه تصاعديه




بعد ليلتين جميله وممتعه في المانيا غبشنا الضحى واتجهنا الى محطة القطار الرئيسيه الساعه 11 صباحا وتوكلنا على الرحمن



الطريق الى زالمسي

[مـزعـّلـة ـآلـنـسآـآ]

الله الله الله ع الصور ..

مآ شآء الله .. يآخي قطعت كبدي ودي أسآآآفر ..

مآ صدمني إلا الجو عندهمـ الضحى < يآ لبييييييييييييييييه أمطآر مهب هنآ سمومـ ورطوبه تفقع الكبد .. بس يلا الشتآ بالكويت مآفيه مثله ..< مآلنآ إلآ الصبر

مشكور ع الصور ..

< متآبعه + حرقة كبد << عيونهآ بندق تصيب مآ تخطي


:


.

[سعود بن مهدي]

ااااه كم تمنيت ان ازورها وتحقق الحلم



طبعا وصلنا بحمد الله الساعه 2 الظهر الى زالمسي النمسا وكانت درجة الحراره بميونيخ 17

وكان الجو ممطر طول الطريق من المانيا لي النمسا




شوفوا الغيم فوق هذا اول ماطلعنا من باب المحطه

طبعنا كنا مرتبكين شوي ونحاتي السكن واول مره نجي الديره

لكن تيسرت الامور اول ماطلعنا لقينا اماراتي وسعودي بقهوة المحطه ورحبوا فينا

والديره كان مبين عليها انها قريه وصغيره جدا محد يضيع فيها

سولفنا مع الشباب شوي ورحنا الانفرميشن الاستعلامات 50 متر مشي ودورنا فندق

وقالت لنا الموظفه فنادق السنتر فول المهم لقت لنا فندق 2 كيلو من زالمسي بحيث ان نجيه بالباص 10 دقايق قلنا مو مشكله



هذا الفندق في مكان هادي ومناظره خلابه



كافيه الفندق انا فحطت على المنظر كان فيه رش خفيف وكان خاطري اتقهوى بالمكان هذا




هذا من الناحيه الثانيه الفندق على الشارع شي رهيب

المهم دخلت على الرسبشن انا والخبير الايطالي بحيث انا الافضل بالانجليزي ورفيقنا الثالث

غادي مافيه طب لدرجة اني حاط بمخباه كرت كاتب فيه بالانجليزي معلومات عشان لاضاع يعطيها اي واحد


كلمت موظفة الاستقبال وكان السعر 90 يورو تقريبا 35 دينار

وقالت لي مع شديد اسفي الغرفه توها ذا الحين جات عايله وخذتها

خويي أييس وانا ضحكت وقال شقومك قلت الظاهر جات عرضة آل صالح


المهم تقبلنا الموضوع بروح رياضيه وخذينا تاكسي وسحبنا شناطنا وردينا السنتر للاستعلامات

ولقينا فندق موقعه ممتاز افضل من ذاك وطلعت خيره

كان موقعه الجه المقابله للسنتر يطل على البحيره من الناحيه الثانيه



وصلنا الفندق وهذي بلكونته اطلاله مميزه




وااااااااااااو منظر البلكونه يبهج سبحان الخالق





خذينا غرفتين وحده دبل ب 80 يورو اللي على البلكونه اللي انا فيها طبعا

والثانيه سينقل لخوينا مقابلتنا ب 40 يورو والافطار مجاني


عقبها تروشنا ولبسنا والساعه كانت حروة 4 العصر

وقلنا بنروح السنتر مشي يعني بنلف حول البحيره لين نوصل


وكان المشي قمة المتعه والاستجمام جو رهيب ومناظر خلابه وسوالف وضحك











ممارسة الهوايات والصيد



لاتعليق الصوره تعبر



وصلنا السنتر بعد 25 دقيقه مشي ممتعه



القهاوي والمطاعم والأزقة الرائعه والبسيطه



منارة زالمسي ورمزها في وسط السنتر ونقطة تجمع السياح والاطفال والعشاق تكثر المسميات









هذا اول يوم ادري اني قصرت بالصور لكن ماودي اضع صور الاصدقاء اللي فيها الاماكن منعا للاحراج


وغدا نكمل بأذن الله اليوم الثاني

[مـزعـّلـة ـآلـنـسآـآ]

قلت الظاهر جات عرضة آل صالح

8

ههههههههههههههههههههههههههههههههههههه


مآ شآء الله .. الجو خيآل والأمآكن روووووعه .. مآ شآء الله تبآركـ الرحمن ..

: أمآ البلكونهالورد اللي عليهآ يهبل شكله يآ لبيه ع المنظر ,,من قبل لا تصورهآ من دآخل الغرفه ( يعني المنظر من برآ ) ..

نكمل معكـ بكرهـ إن شآء الله ..


شكـرآ أخوي ع الصور .

[ام العصافير]

يابري حال عصفوره برياه

< بتبكي والله

سعود ليش تهيضني على ذالمناظر

تدري لو انا مكانك وقاعده في ذالمنظر اقعد ابكي من الوناسه

ماشاء الله انا راح ادخل جمعيه وبسافر نفسك

يلا متابعينك يا سعود