" اي و الله إنــي حـزيــن و ضايــق(ن) صــدري ,,, و بعيني ( الضيقه ) المجنون يقراها "

[محمد العزام]

مسا \ صباح الخير للجميع
اقدم لكم آخر ما كتبت للتواصل في هذا الصرح الراقي و بذن الله تجوزلكم

فرحات الايام فيها خافقي عبري=و يا طيبها لا وقفت له لا تمنٌاها
ملْيت من كثر ما أجامل و من صبري=حزن(ن) و ضيقه وأشوف القلب خاوها
إي و الله إني حزين و ضايق(ن) صدري=و بعيني ( الضيقه ) المجنون يقراها
حسبي على رماح بقعآ نيشنت ظهري=وقتي رماها نواها بي و لا أخطاها
سهرت ليلي وله توُ ما جبر كسري=حسبي على الليل يومه جآب طرياها
إللي غلاها سكن بي و اعتلى قصري=شعب المشاعر لحكم القلب زكْاها
هي قمُة العشق,,,هي شمسي,,,و هي بدري=هي عذبة الطبع,,,و أغلى الغيد,,, وأحلاها
إحساسي,,, و كل ناسي,,,نبضي,,,و شعري=بأنفاسي ,,,لو زاد يآسي صعبه أنساها
من برد الايام جاني بردها بدري= و البرد توٌه و لكن برد ذكراها
هي تدري إن الغلا بآقي و أنا أدري=إنها على العهد ما خانت و لا جاها
و إن القصآيد تباكى كل ما تطري=و إللي ذبح عزم صبري...حرقة بكاها
ما أقول حالي عقبها نآحل و مبري=لكنْي أقول : إن الــمــــــوت فرقاها
أسامر النجمه اللي ضوُها يسري=و اليا برق طيفها.. ذا الدمع حيٌاها
(عزْااه) قد قلتها و قد قالها شعري= و ببقى أقوله الين اموت (عزْااها)
ما أظن به اوفى من ايديني على جمري=ما تبغي ( الجمر ) بس ( الجمر) يبغاها
و ياللي تقول المحبٌه نزٌلت قدري=الراس مرفوع عن نفسك و شرواها
لا تقول : عادك صغير و منت في كبري.= الكبر فالرجل عقله << جآك معناها
يسقى زمان الغرام ,,,الوافي,,, العذري= يالله عسى من كثير الهم ترعاها
عليه انا وجد حالي وجد إبن حمري=لا جرٌها ( يا وجودي ) و إنتثر ماها

و سلامتكمــ

اخوكم : محمد العزام

[محمد العزام]

ارجو من المراقبين حذف هذا الموضوع لانه مكرر

[فلاح بن ملبز]

مكرر