ناصر الزقيع الحبيشي العجمي من الرجال المحبوبين عند العجمان
وهو رجل كريم الله يرحمه ويغفر الله .
وكان الكرم فيه طبيعه وليس تطبع .
وتوفى وعمره يناهز التسعين
وهو أيضا شاعر كبير لكن من الخطأ هو عدم تدوين
أشعاره وحبيت إني أكتب هذه القصيده من قصائده وهي غزليه من قصايد
الشباب ويسندها على ابن عمه فهيد بن محمد القراش الله يرحمه ويغفر له
وفهيد بن قراش من الرجال الطيبين والمعروفين عند العجمان
وفهيد هو أبن محمد بن قراش الفارس والعقيد المعروف .
أنا ليا منه طرا اللي طرالي = دكت هواجيسي وهاض(ن) الأمثال
البارحه واليوم ياما جرالي = واليوم يومي راح كله تملمال
يابو محمد يازبون التوالي = يا شوق مجمول(ن) مشيه تخلخال
يا عيد أهل هجن طواها الجفالي = إليا أقبلت قدها مناكيف وهـزال
يا فهيد كنك عن أحوالي اتسالي = وأنك معي ما تسمع لشور عذال
يا فهيد بن قراش يكفيك حالي = غديت كني من بعارين جمال
لو لا السبيل ومزتي له اتشالي = لا من شربت العظم وصبيت فنجال
خطرا يقولون العرب وش جرالي = أسباب ملهوف الحشا سمح الاقبال
شف ما تشوف بحالتي والعجالي = ولا تراني في خطر موت واذهـال
أسباب من هو من حلايا الغزالي = عليه من وصف المها لون واشكال
لا أقبل يسير وسيرته بالعدالـي = ومنسف(ن) شقر الذوايب ولا سال
قد هو يعاندني ويبغي زوالـي = عليه رسم الموت قصاف الآجـال
فزيت له فزت حيبب لغالي = قمت أتخشع له عسى القلب يحتـال
ليته ولد عمي ولا به اشكالي = وأصير أنا القالط على كــل رجال
والا يحــد بحـــد وأسوق مالي = بســوق ذودي كلــها دق وجلال
وإلا غدا ما بيننا بالقتالـي = أبزهم ال حبيش ذربين الافعال
اللي سوالفهم جنوب وشمالي = لا حل بقطي السبايا تجيـوال
وأنا من العجمان يا سر بالي = اللي فعايلهم عريضات وطـوال
للصاحب أحلى من حليب المتالي = أحلى من السكر على در الاجهال
وألذ وأحلا من حلا كل حالي = وسم(ن) على كبد المعادي وسلال
يردون حوض الموت ورد النهالي = كم طوعوا برماحهم كل عيال
قلته وأنا اللي صادق في مقالي = ولا خير في اللي ما يصدق إليا قال
ويشهد لنا التاريخ أول وتالي = يشهد لنا التاريخ والكتب مـا زال
تمت بذكر الله عزيز الجلالـي = أعداد ما هلت من المزن همـال
وسلامتكم
27-06-2004, 07:35 AM
العرض العادي
