رائعه من روائع فيصل العدواني

[الـ ـشـ ـقـ ـا ويـ ـه]

صبّحكم بالخير
جيتكم اليوم يااهل الشعر ومعي قصيده لفيصل العدواني واتمنى تعجبكم

كلمتك عدت بكيفي لا تحسبنها شطاره
والله اني ما نويت اجازي السيه بسيّه

ولانويت اقسي عليك وانت ما عندك جساره
وش لك اتكثر حطبها دام مالك مقدريه

من عرفت العلم واسمع بالخبل هرجه دماره
وانت ثبت المقوله ميّه في صف ميّه

ليتك اللي ما تكلم وحتفظ بأقصي قراره
ولافتشت علومك اللي عرضتك المهمهيّه

يوم شبت نارها والنار مبداها شراره
جيت مثل اللي تهبد جوفها والنار حيّه

عندنا للخبل منها ميسمٍ ينطق حراره
نلحق بعلباه كيه ولاصرخ زدنا بكيّه

ان صحا نفرح بشوفه.. وان غدا ماهي خساره
ماهو باغلي طروش جدي وروحهٍ من غير جيّه

بس انا عندي نصيحه خذها من باب الاعاره
لاتعزوا دام مالك لاشداد... ولا مطيّه

جيت يمي بالقشر وبلاك ربي بالقشاره
والا انا مارضا الاهانه لاعليك ولا عليّه

حاشمٍ نفسي وحشم اللي حشمني في وقاره
واحدٍ لا جاك فازع يا سعد منهو خويّه

واحدٍ حافظ مقامه ولا لتفت في بنت جاره
وان نصيته بالحذيه قال تبشر.... بالعطيّه

ذاك لو تعطي يمينه ما درت عنها يساره
اجوديٍ ما يجالس كود ناسٍ اجوديّـــــــــه

كل رجل وله ميول وكل نجمٍ له مداره
وكل سيفٍ له جفيره من عصور الجاهليّــــه

والرجال اشكال وادري عرفهم مثل التجاره
بعضهم يغنيك عرفه... وبعضهم لارحم حيّه

والزمن نفس الزمان ولاتغيّر في مساره
الاوادم هي تغير طبعها صبح وعشيّه‍‍‍‍‍‍‍‍‍‍‍؟؟؟؟

بس انا با خر كلامي بختم بهاذي العباره
(الاصابع في يدينا لاحشي ماهي سويّه)

وتقبلو تحيات اختكم ::

[جطلي بن فهد]

الله الله


نقل رائع

لاهنتي يابنت راكان وصح لسان فيصل وصح نقلك

قصيده رائعه

[سلطااان العتيبى]

بنت راكان



تسلمين اختي على النقل الرائع وصح الله لسان الشاعر



تقبلي مروري

[هتلر اليامي]

بنت راكـــان قصيـــــــــدة رائعـــــــــــه وجــــــزله
لاهنتي علا النقــــــل وصـــــح لسان شاعرهاااااااااا
وتقبلي مرورررررررررررررررررري

[الجوود]

اختيار جميل ورائع

((يابنت راكان))

والزين ما يجي منه الا كل الزين

وصح اللسان الشاعر فيصل العدواني