هنا للشعر وقفه؟؟؟ مع الجزاله؟؟؟

[حمود بن فطيس]

السلام عليكم ورحمة الله وبركاته



أسعد الله جميع أوقاتكم بكل خير وسـعاده



اقدم لكم هذه " التوجدات " الرائعه / الـنـادره



لـ الشاعر الكبير " حمد بن قريان الخويطري " ((( بــارود )))




عسى أن تنال على اعجابكم وأرضاكم :

وجودي وجود اللي تراكم عليه الديـن=حدوه المقرّد لين حـرّج علـى بيتـه
يبي طرحت ديونن تعدّت على الميتيـن=ولا وفّـت البيعـه وكمّـل بوانيـتـه
وقالوا تشيل أغراض بيتك قبل يوميـن=تباكـو وراعينـه وكثـرت تناهيـتـه
على اللي حياتي دونها ما سوت قرشين=تباطـا القصيـد ويحسبنّـي تناسيتـه

--------------------------------------------------------------------------------

وجودي وجود اللي حلاله غدا بالموج=طبع محمله وأقفا على لوح شلمانـه
تقبض بلوحه وأزرق اليم ساجه سوج=تذكّر عجوزه وأخزنه صغر غلمانـه
على واحدن كل المداخيل دونه عـوج=ظلمه الزمـان ولا أتجـرّا بظلمانـه

--------------------------------------------------------------------------------

وجودي وجود اللي حبيسن ورا الشباك=تذارف دموعه كل ما شـاف شيبانـه
عليه الحكم صادر بمرسوم من "ذولاك"=ترقّب قصاصـه والوساطـات تعبانـه
على واحدن لامر صاب الضمير ارباك=أسلّم عليـه ويستمـع ورع جيرانـه

--------------------------------------------------------------------------------

وجودي وجود اللي على أوّل مفز صباه=يتيمن وإخيه ملاحظن كـل ماجوبـه
وقف عند لمّة حادثن ما درا بأقصـاه=تفكّر وإلـى سيـارة إخيـه مقلوبـه
كشف منّه لحافه وصـوّت ولاحاكـاه=درا إنّه توفّا وإعتزا ثـم مـزع ثوبـه
وجودي وجوده والحشا فيه مـا كفّـاه=على واحدن شـدّو عربهـم وقفوبـه

--------------------------------------------------------------------------------

وجودي وجود اللي طمع والطمع منحوس=تراكم عليه الدين قرضن وسيّاره
دفع في "هبتكو " كل ما جمّع من فلوس=على نيّته والناس تنصب وعيّاره
خذا عقدن مزوّر والعبو عليه هيوس=غدا المصري بحقّه وهو يطرد أخباره
عقب ما أعلنو الاقلاس كثرت عليه هجوس=فلا يبغي النشده ولو جات من جاره
وجودي وجوده يا عرب موجة "المنكوس"=على واحدن عيني ليمّته سبّاره
قتلني قتله الله وجرّح حشاي بموس=ترا أن مت ياربعي فالاسباب من (....)

[دوسري يحب العجمان]

صح السان شاعرها ابن قريان

ولاهنت اخوي ابن فطيس على الاختيار الجميل والتوجد المؤثر

وابيات قويه ورائعه ومؤثرة من شاعر كبير مثل ابن قريان

وتقبل مروري ......

[سلطااان العتيبى]

حمود بن فطيس






لاهنت على النقل الراقي وبيض الله وجهك وصح لسان الشاعر






وتقبل مروري

[@الشيــــــــــــنه@]

وجودي وجود اللي على أوّل مفز صباه
يتيمن وإخيه ملاحظـن كـل ماجوبـه
وقف عند لمّة حادثن مـا درا بأقصـاه
تفكّـر وإلـى سيـارة إخيـه مقلوبـه
كشف منّه لحافـه وصـوّت ولاحاكـاه
درا إنّه توفّا وإعتزا ثـم مـزع ثوبـه
وجودي وجوده والحشا فيه مـا كفّـاه
على واحـدن شـدّو عربهـم وقفوبـه


صـح لسان الشاعر : حمد الخويطري


ويعطيك الف عافيه ع نقل القصايد الرائعه

ولاهنت

[مناحي الصميل]

عز الله انه توجد




صح الله لسانه



لا هنت ياحمود

[حمود بن فطيس]

المشاركة الأصلية كتبت بواسطة دوسري يحب العجمان

صح السان شاعرها ابن قريان

ولاهنت اخوي ابن فطيس على الاختيار الجميل والتوجد المؤثر

وابيات قويه ورائعه ومؤثرة من شاعر كبير مثل ابن قريان

وتقبل مروري ......

ولاانت يالسنافي ولاهنت على مرورك الرئع



تقبل تحيات مودعك



حمود بن فطيس

[صـــبـــــــــا]

قصيده رااااااائعهـ
أبيات شعريه متميّزه ..
صح لسان شاعرها حمد الخويطري
حمود بن فطيس
تسلم يديك .. اختيار موفّق.. بإنتظار جديدك

[حمود بن فطيس]

المشاركة الأصلية كتبت بواسطة معانق حزن

حمود بن فطيس






لاهنت على النقل الراقي وبيض الله وجهك وصح لسان الشاعر






وتقبل مروري

الاخ معانق



لا هنت يالسنافي في مرورك




تقبل تحيات مودعك




حمود بن فطيس

[حمود بن فطيس]

المشاركة الأصلية كتبت بواسطة @الشيــــــــــــنه@

وجودي وجود اللي على أوّل مفز صباه
يتيمن وإخيه ملاحظـن كـل ماجوبـه
وقف عند لمّة حادثن مـا درا بأقصـاه
تفكّـر وإلـى سيـارة إخيـه مقلوبـه
كشف منّه لحافـه وصـوّت ولاحاكـاه
درا إنّه توفّا وإعتزا ثـم مـزع ثوبـه
وجودي وجوده والحشا فيه مـا كفّـاه
على واحـدن شـدّو عربهـم وقفوبـه


صـح لسان الشاعر : حمد الخويطري


ويعطيك الف عافيه ع نقل القصايد الرائعه

ولاهنت

الشينه لاهنتي وتسلمين على مرورك الطيب



تقبلي تحيات مودعك



حمود بن فطيس

[الصنفره]

حمود بن فطيس
لاهنت على النقل الراقي
وبيض الله وجهك وصح لسان
الشاعر / حمد بن قريان الخويطري
وتقبل مروري