(( رساله للي ما يخافون الله ))

[ريمة البنات]

السلام عليكم

أشلووونكم حباااايبي

عساكم طيبين

اليوم راح أتكلم عن اللي ما يخافون الله

ادخلوا المنتديات لمغازل البنات

يبدأ بداية معانا بالمنتدى

قمة في الأخلاق مع شويت فرفشه (( وهذا السم ))

وشو شو شو

يبدأ يربط علاقة بالرسائل الخاصة

(( فاقدينك / وينك / المنتدى من غيرك ما يسوى ... ))

والبنت فقيرة تتجاوب معاه

(( ما تفقد غالي / والله إنك عزيز وغالي / وأنت الوحيد اللي يسأل عني ... ))

وتبتدي أتفضفض معاه

ما أتخلي مشكله عندها اللي قالتها له

وعشان ياخذون راحتهم بالكلام

طبعاً مافيه غير المسنجر

وشوي يسوي حركات للمايك ويشغل الكاميرا

ولا تسأل بعدين شصير كلنا عارفين السالفه

.
.
.
.
.

وفي نوع من اللي ما يخافون الله

ما عنده سياسة بالمغازل يحب يضرب الحديد وهو حامي

بسررررعه رسالة وكلام غزل

تحت مبدأ يا صابت يا خابت

ولما ينكشف أمره على طول يسوي خروج ( خرج ولم يعد ))


.
.
.


وحتى لا أكون متجني على الشباب

هم بعض البنات مو هيناااات عندهم سوالف

وفيه بعض البنات تقول لربعها

تبين أطيح هذا العضو اللي مسوي نفسه قمة بالأخلاق

أعوذ بالله الشيطان راكبها ومسيطر عليها

عندها أسلوب غواية مو طبيعي

.
.
.


على فكره في أمور أحب أقولها لكم أحياناً تكون سبب في لمغازل :

* الغشمره الزايده بين الجنسين .

* الصور الشخصية والتواقيع (( بنت تحط صورة غير لائقة ))

أحياناً تعطي انطباع للولد إن البنت ممكن تتجاوب معاه .

* بعض الردود يعبر أو تعبر فيها البنت عن حبها لسين من الناس .

* بعض الترشيحات فيها كلام تعطيك إنطباع غير مرضي .

** قسم عذب الكلام (( بعض الردود يستحي اللسان ذكرها ))

** قسم الألعاب (( بعض الألعاب تعطي مجال للتقارب بين الجنسين ))

** ا بالسوالف (( بعض الردود لا تطاق ))


أنت يا للي ما تخاف الله

لو كانت أختك مشاركه بالمنتدى هل ترضى لها ما ترضاه لبنات الناس .

وأنتي يختي

أهلك اتعبوا عليك وربوك أحسن تربيه ووثقو فيك وخلوك اتشاركين بالمنتديات المختلطه

هل يستحق أبوك هذا الشى ؟ !

هل تستحق أمك هذا التصرف المشين ؟ !

هل أخوانك يقدرون يرفعون راسهم قدام الناس إذا انفضحتي ؟ !

هل ترضين على زوجك اتمارس معاه وحده من البنات الغزل ؟ !


أخواني خواتي

فلنتقي الله عز وجل

ونخاف يوم لا ينفع فيه مالٌ ولا بنون إلا من أتى الله بقلب سليم

وأعلم أن من تعرض لعرض الناس تعرض الناس لعرضه

أسأل الله السلامة لي ولكم

وأن يحفظنا بحفظه

وأن يهدي الجميع لطاعته

اختكم في الله ريمة البنات ,,,

[محمد العبداني]

ا

لحب مثل السهم مخطي وصايب
احد خطاه السهم واحد يصيبة


طاوعت فيني كل عاذل ولوام
وشدخل العذال بينك وبيني



اشتقت لك يازين وانت اشتقتلي
لا قبلي احد في بحر حبك وداعي
حبك سكن قلبي ونساني هلي
يالله عسى شملي وشملك يجتمع


وفرقت الاقدار بيني وبين اغلا حبيب


يمر الدار مايسلم
ولا يوقف يدق الباب
ويزعل دون مانعلم
ولا ندري وش الاسباب


احب كل الناس حتى عدوي
والله يجازي كل فاعل بفعلة


يغرون بالكلام مع التزيين والتلميع بمثل هذه الابيات والله يهدي الجميع
مشكورة على الموضوع الاحسن من الرائع

[جذاب]

ما ودي اخالفكم بس انا شخص عندي وجهة نظر ؟

اقول اذا شفنا على احد شي خلونا نخاطبهم باليسر ؟

يعني مو تفظيح وتشهير .. يعني رسائل خاصة نصائح سرية ؟

الا الا اذا فيه تصفية خلافات شخصية هذي مو من طبعنا ؟

سيدتي ريمة البنات .. المحترمه

اختصار للكلام طال عمرك ( دعو الخلق للخالق)

تحياتي للجميع ولكي اختي العزيزة ... جذاب من الشمال ؟

[وحيد الغربه]

موضوع لابأس فيه

[No Comment]

الله يجزاج الف خير يا اختي ريميه

وانشالله انها في ميزان حسناتج

والله يهدي شبابنا وشاباتنا الى الطريق الصحيح

ووالله انك صدقتي .. ولاتحزني اذا شفتي رد فيه من العصبيه من احد من الاعضاء .. لان الي يدخل موضوعج ويحس بمعنى الموضوع .. من ذلك يقيم نفسه انه صالح .. ام فاسد والعياذ بالله .. فبذالك اما ان تكون ردة فعله ايجابيه ام عكسيه ... ومن يتحمل غير صاحب الموضوع ..!!

ولكي خالص التقدير والاحترام

[عبدالمجيد]

تذكير حلو ومفيد

تشكرين عليه أختي الكريمة

[المعالى]

الاخت الكريمة / ريمة البنات

لا يوجد إنسان مثالى...

ولكن

ما نراه فى بعض المنتديات...

* الغشمره الزايده بين الجنسين .

* الصور الشخصية والتواقيع (( بنت تحط صورة غير لائقة ))

أحياناً تعطي انطباع للولد إن البنت ممكن تتجاوب معاه .

* بعض الردود يعبر أو تعبر فيها البنت عن حبها لسين من الناس .

* بعض الترشيحات فيها كلام تعطيك إنطباع غير مرضي .

** قسم عذب الكلام (( بعض الردود يستحي اللسان ذكرها ))

** قسم الألعاب (( بعض الألعاب تعطي مجال للتقارب بين الجنسين ))

** بالسوالف (( بعض الردود لا تطاق ))




وخاصة منتدى العجمان -قسم- الترفيه - الشعر- السوالف
مواضيع وامور يستحى اللسان عن ذكرها كما ذكرتى بل أجدها ( تفشل ) ونستغرب تواجدها فى هذا الصرح للأسف .



يستحق موضوعك الترشيح لفائدته العامه

بوركـــــــــــــتِ ...







.

[ذيب الخزامي]

السلام عليكم ورحمة الله وبركاته
أختي الريميه موضوعك بصراحه في قمه ألأهميه والاخلاق والله يعطيك على
قد نيتك وأنا اتمنى من جميع الناس المروور عليه ويعتبرون وهذا حال الشباب والبنات ما غير المغازل بس ريميه أعتقد للحين في ناس محافظين على اخلاقهم ورياجيل فيهم شيمه ونخوه
وما يسمحون لانفسه في التفاهات هذي لاكن ما أقول ألا الله يهديهم ويصلحهم
ولاهنتي على موضوعك ألي لفت نظري وقلت في خاطري للحين الدنيا في خير
وجزاك الله الف خير ومشكوووره ولا تحرمينى من هل العبر والمواعظ

[ناصر بن فالح]

موضوع رائع ويجسد الوضع في المنتديات

للاسف الظاهره هذي ماهي بس في المنتديات فقط بل هي متشعبه

في مجال العمل وفي مجال الدراسه .....الخ الخ

الله يجزاج خير على ماسطرتي بالفعل كتبتي وابدعتي

تقبلي ارق التحايا

[الباشا]

الأخت القديرة

ريمة البنات

جزاك الله خير والله لا يحرمك الأجر والثواب