يـاالله يامـن كلنـا لـه مطيعيـن=ياجازي انفـوس العبـاد ابعملهـا
رحمـاك ياربـي وحنـا ظعيفيـن=نطردهواء نفسٍ على الذنب ولهـا
قلوبنا زينه ودرب الخطـاء شيـن=وعيوننـا دمـع الخطايـا كحلهـا
جينا نبي رحمتك ياحافـظ الديـن=جيناك ندفن روسنـا مـن خجلهـا
لنا ثلاث اسنيـن اواربـع اسنيـن=نرجح علـى داراً تطـاول محلهـا
ياالله ابغيثً يظرب القاع شهريـن=على الديار اللـي تشـرف بهلهـا
تقريب من حايل شمال الشريفيـن=دارً تظـم ابطيبهـا مـن نزلـهـا
يعلها الوسمي مـن الحيـن للحيـن=والنفس عن ضيق الهواجيس دلهـا
المي ناقع تحت سـرب الكراويـن=اما الارانـب لعبهـا فـي دحلهـا
تلقاء الزبيدي مثل روس الصعانين=لا الارض قابلتـه ولاهـو قبلهـا
تقطف زبيديه ومـن بعـد يوميـن=في نفـس مقطفهـا تعيـن بدلهـا
والعشب فوق الارض تقريب مترين=متخالـطٍ نوارهـا مــع نفلـهـا
ياوجد حالي ياالرجـال الحشيميـن=اللـي قليلـه فـي المخـاوى زللها
نمشي على سلم الرجـال القديميـن=من مرته عوجـا رفيقـه عدلهـا
ميعادنا بكـره علـى وارد الفيـن=جيـوب شـاصٍ مانحـرك دبلهـا
عيونهن تشبـه عيـون الشياهيـن=كـن الريـاح الذاريـات تحملهـا
واول مايطري مع زنين الشكاميـن=زنه خليـات النحـل مـن نحلهـا
واليا انتهى المشوار بين الضحاوين=والنفس تدفع في رضاهـا زعلهـا
طاح الحطب والنار دخانهـا زيـن=اليـا تمكـن باالعيـون ايغسلـهـا
وقرب لها الرسلان ابو ختم قوسين=في يد شغمـوم الرجـال وبطلهـا
وتشنكـر اولاد السنـه بالكراعيـن=شعيـره الفـلاح مـاقـد اكلـهـا
اليا سكر هب الهوا جاك صوتيـن=يبـرن كـبـدٍ مرمـسـات عللها
والارض مد الشوف مثل البساتيـن=والبل تعطف فوقهـا فـي مهلهـا
اللقح والفطر مـن الشعبـه ايميـن=ويسارها الخلفات باالـروض تلهـا
وابكار عام العام بيـن الجهاميـن=ترعى تحت حشمه وهيبـه اهلهـا
يبرالهن راعي تبعهن مـن اسنيـن=اموالفـات لصيحـتـه لانتلـهـا
واليـا بغـا درهامهـن المليعيـن=حول عن اوروك الرحول وعقلهـا
واليا ضوان اليل بحسـاب ليليـن=ونفوسنا وسـع الفيـاض وسهلهـا
ثم استوى الفنجال بين الصلاتيـن=وقامت سواليف القصيـد بعملهـا
هذي مناة القلب والـروح والعيـن=قـدام روحـي لاتوافـي اجلـهـا
اخير من قولت حكم صن خمسيـن=وهـذا مشكلهـا والاخـر دبلـهـا
قال ابشر ابميه وتـردف سراويـن=وان قالهـا الله غيـر نلـقـا حللها
جمع ورق بلـوت زاتيـن زاتيـن=وقل للمـوزع رح دامـه شخلهـا
وعطني هنا ياموزع الزات ثنتيـن=وشلها اذا تقدر عمـا عيـن شلهـا
لجه وصجه تقل جمعت مساكيـن=اكبـار سـن وزود الله جهلـهـا
للشاعر الكبير الشاعر مطلق فهد النومسي العنزي
03-10-2006, 04:25 PM
العرض العادي
