علي بن حمري و( هلا بصوتن سامح الله تجافيه )

[alajmiali78]

بسم الله الرحمن الرحيم

مساكم الله بالخير جميع وارجوا انكم تقبلون اهدائي المتواضع عقب بطا واسمحولي على الغيبه وهي قصيده لابن حمري واتمنى انها تجوزلكم .

يقول :

ماهو غريب ان صوتها سامع(ن) فيه=اللي تغط الراء وتشدد اللام

هلا بصوتن سامح الله تجافيه=والله يبيحش يا خطيات الاقدام

هلا بغالي ما شحني تغليه=لوكان تمره من يمن وبلحه شام

هلا بغيث (ن) ما معي قاع ترجيه=انا ضماه الارض وضلوعي حطام

هلا بجرح(ن) مشهرتني معانيه=ماهيب شهرة من شروا حبر الاقلام

هلا هلا يا معطي القوس باريه=من عقب واجهت الحقيقه بالاوهام

هلا بعد ماراح من حال غاليه=ثلثين حالي راح والموت قدام

لا تنشدين الحال حالي خذيتيه=واللي لحقتي من علي جلد وعظام

وقصايد(ن) يسمع بها الحي وتجيه=بلا وسيله من وسيلات الاعلام

يا انسه مات الغرام ودفنتيه=وسنين مرت بس يطري على هام

اموت واعرف كيف رقمي ذكرتيه!=ومن حفظك شعري من التام للتام

قلتي على طول اتصل قلتلك اييييه=الله يبارك فالقصايد والارقام

لو ان قلبي مثل رقمي حفظتيه=ماكان ضيعت من الزمن خمسة اعوام

وسلامتكم .

[الغريب]

اللة اللة عليك انت نادر وهديتنا نااادرة فلك الف شكر

وعلي من الشعراء البارزين


هو من قال

فلو كان تضحك بي فنا ماعلي خلاف = ابو زيد في قصرة وبو ذيل في جحرة

من اعذارك اضحك وذكر محمد الصحاف = يقول ان قواتة على العلج منتصرة

جيوش التحالف وسط بغداد بالالاف = والاخ الوزير يقول ما دشت البصرة

[حبيب]

الاخ العزيزalajmiali78 من طول الغيبات جب الغنايم


يعطيك العافيه ماقصرت


وتقبل تحياتي

[cool]

السلاااام عليكم ورحمة الله وبركاااته

الحمد لله على السلاااامه alajmiali78 ومرحباااا برجوعك لنا الغاالي .

ومن قاال سااالم وصح لسااان الشاااعر علي بن حمري على احد قصااائده

الرااائعه .

تسلم اختيااارك الزين مثل ماتعودنى منك .

يـا انسـه مـات الغـرام ودفنتيـه
وسنين مرت بس يطري على هـام

اموت واعرف كيف رقمي ذكرتيـه!
ومن حفظك شعري من التـام للتـام

كـووول

[alajmiali78]

يا مرحبا يا الغريب الله يحييك وصح لسانك .

هلا بك يا حبيب الله يعافيك .

cool الله يسلمك وحياك الله .

اسمحولي اخواني على التاخير بالرد عليكم لاني كنت مسافر والله واشكرلكم مروركم الكريم .

تحياتي لكم .