ومـا كـل مـن يبكـي مـن النـاس مقـهـور !! بعـض الدمـوع رخـاص مـن شــان حـاجـه..!

[شمالى.]

قصيدة أعجبتنى وللأسف ماعرف اسم شاعرها
منقوله من احد المواقع
أن شاءلله تعجبكم

مــا كــل مــن يضـحـك بدنـيـاه مـســرور=
=لـــو ضـحـكـتـه دايــــم تــحــرك حـجـاجــه

ومـا كـل مـن يبكـي مـن النـاس مقـهـور=
=بعـض الدمـوع رخـاص مـن شــان حـاجـه

وما كـل صـادق لـو حكـا لـك مـن شعـور=
=يــا كـثـر مــن زيـــف المـشـاعـر خـراجــه

ومـا كـل مــا يخـفـا مــن الـسـر مسـتـور=
=بعـض الوجيـه ابيـن مــن ارهــف زجـاجـه

وما كل بيـت ( ن ) بابـه انصـك مهجـور=
=كـم بيـت ( ن ) اطفـا الشـح واهـج سراجـه

ومـا كـل ورد ( ن ) تزرعـه ينثـر عطـور=
=لـــو مـــاه صـافــي مـــا يـخـالـط هـمـاجـه

ومـا كـل مرهـف قلـب لـو يــزرع زهــور=
=قـلــب يــحــب الــــورد وجــــواه صــاجــه

ومـا كـل مـن يخطـي مـن النـاس معـذور=
=الـبـعـض يـخـطـي مـــن عـلــوم الـعـواجـه

وما كـل مـن يسكـت علـى الظيـم مجبـور=
=لـجــل الـغــلا سـاكــت ويـدعــي انـفـراجـه

وما كل راس ( ن ) ضيع الفكـر مسحـور=
=كــم راس سـحـر الـحـب جــاب ارتـجـاجـه

ومــا كـــل عـلــه فـادهــا طـــب دكـتــور=
=كـم مـن عليـل ( ن ) وصــل خـلـه عـلاجـه

وما كل من شاور حكيم ( ن ) خذا الشور=
=بـعــض الـبـشـر مــــا يـقـنــعه الا مــزاجــه

ومـا كـل مـن سمـي صقـر يشبـه صقـور=
=كــم مــن صـقـر وقـــت الـشـدايـد دجـاجــه

ومـا كـل فـزاع ( ن ) لجـل مـدح مشكـور=
=الـبـعــض مـرجـلـتــه وســامـــه وتــاجـــه

[غرنوق]

وما كل من سمي صقر يشبـه صقـور
كم من صقـر وقـت الشدايـد دجاجـه




صح لسانك ياالشمالى

[ولد راكان]

الله يعطيك العافيه على القصيده الجزله

[عيد بن شدقان]

وما كل من شاور حكيم ( ن ) خذا الشور =بعـض البشـر مـا يقنعـه الا مزاجـه

صح السان شاعرهاا وناقلهااا


ولاهنت يالشمالي اختيار رائع وجزل

الله يعطيك العافيه

[قبلةالعجمان]

وما كل راس ( ن ) ضيع الفكر مسحور =كم راس سحر الحـب جـاب ارتجاجـه
ومـا كـل علـه فادهـا طـب دكتـور =كم من عليل ( ن ) وصل خلـه علاجـه

لاهنت على اختيارك

[سند]

صح الله السانك

وماقصرت ياطيب

تقبل تحياتي,,,

[شمالى.]

شكرااا على مروركم الكريم

[ناصرالعبدالهادي]

الله يعطيك العافيه يا الشمالي
اختيار رائــــــــــــــــــــــــــــــع

[شمالى.]

الله يعافيك ويبارك فيك
ولاهنت على مرورك الكريم