للهواجر

[الصحيح2222]

السلام عليكم يااهل المنتدى اريد معرفه شي عن الهواجر يقولون انه بعد توحيد المملكه كان عبد العزيز رحمه الله امر ان لاتنقطع يد هاجري او يقتص منه ماهو السبب ارجو من له معرفه ان يجيبني

[ابن الاجواد]

هذي طال عمرك طلبه امير بني هاجر الشيخ شافي بن سفر رحمه الله عليه

يوم قال اطلب ياشافي قال شيوخ القبايل ماعليهم قصور خلني اخر واحدن فيهم

ولما اخذ طلبات شيوخ القبايل وخلص قاال الملك اطلب ياشافي بالي تبي

قال اقولها ولا تردني قال ابن سعود مايرد احد يا شافي

قال ابي ايد الهاجري ماتنقطع ولا يقااد بالسووق قدام العالم وكان بجوا ابن شافي شيخ قبيله شمر الموجود وقته والله ناسي اسمه اضنه ابن جربا قام وعض لسانه من القهر قال سبقتني ياشافي وهي قصه مشهوره .....

وهذا شي عظيم فعله ابن شافي وجعل الهاجري عزيز نفس قدام الخلق مهما صار واخطأ


المهم قال الملك بس ياشافي هذا مخالف لشرع الله قال هذا طلبي ولاعندي غيره وكان بجوار الملك عبدالعزيز ابن جلوي وقاال ابن جلوي للملك هذا شافي يا عبدالعزيز هو وربعه معناا قال اجل تم ياشافي ......


وهذا اكلام ساري الي حد يومنا هذاا وشكرا اتمنى اني قد وفقت في الرد

وهناك قصايد ذكرت لنا هذا الكلام ولاكن لاتحضررني الان وسوف اجمع البعض منها في اقرب وقت ممكن وشاكر كلم جميعاااااا

[ابن الاجواد]

واليك اخي الكريم قصيده ناصر بن سعود ال جدي التي تثبت كلامي انشاء الله:

ما حط بشيوخ القبايـل قواذيـر

كم شيخ قوم ياخـذ الحـق وافـي

وكم شيخ قوم مقـدم للطوابيـر

يثني وراء الهزله ويروى الرهافي

هداج تيمـا باليالـي المعاسيـر

شيـال لثقـال الحمـول الردافـي

لا شك كل لـه نوايـا و تفكيـر

ولا اكتمل فكر مثـل فكـر شافـي

شافي اليا عدت شيوخ مشاهيـر

اسمه يسجل مـا عليـه اختلافـي

مقدم بني هاجر على الشر والخير

وزيزومهم لا صار موج و عصافي

يوم الملك قال اطلبوا دون تفسير

وهو الـذي لاقـال بالقـول يافـي

قال ابن شافي قدموا طلبت الغير

شيوخ القبايل ما عليهـا مطافـي

وكل خذا مطلوبه بدون تقصيـر

لا فيـه تنقيـص ولابـه إخلافـي

قال ابن شافي باحترام و تقديـر

لي مطلـب مالـي وراه إنحرافـي

الهـاجـري مــا تـدبـونـه

لـــو كــــان جــافــي

ولا يـقـود فــي خصيـمـه

والمال دون الحال لا وجـد كافـي

وعاده بشوش للوجوه المسافيـر

وكريم لاجاء في الزمان إختلافـي

ويثنى اليا اختفت توالى المظاهير

لا صاب خطوات الهدوق إرتجافـي

وصلاة ربي عدد وبـل شخاتيـر

على شفيع الخلق يـوم المطافـي

وشكرا

[الصحيح2222]

شكرا لك يابن الاجواد على هذي المعلومه ونعم بني هاجر وونعم بن شافي اللي عز ربعه

[booa7]

يا سلاام عليكم يا الهواجر يا سلااااااام

الله يعطيك العافيه على المعلوومه يا ابن الاجوااااااااد
ويسلموووووو يا الصحيح على الطرح المثمر

تحياتي

[المخيـال]

والنعـــــــــم والله بالهواجـــر....

ومشكوورين على الموضوع المفيــد...

ابوعيد...

[معرب الجدين.]

نعم السالفة صحيحة وانا سمعتها من قبل من الشيبان ؟


بس ماأدرى الى اليوم هى مطبقة والا لا؟؟؟؟


تحياتى

[الجير]

بن الاجواد السالفه سارت عندما ووحد الجزيره المللك عبد العزيز

وقال المللك طلب ياشافي فقال الي في خاطره فقال له المللك تم يااشافي وكان هذا الكلام في وقت عبد العزيز ولكن بعد مامات

الله يغفرالله لم يعد القرار ساري المفعوووول حيث الي يسير للقبايل الثانيه يسير للهاجري

في وقت الحالي

[ابن الاجواد]

شاكر لكم يالربع على هذه الردود الداله على طييييييب اصلكم والله ونعم بالكل

بالنسبه لسريان مفعول الطلبه فهي نعم الى يومنا هذا والهاجري ماشيه عليه هذا الكلام لان ابن شافي ينظر لها نظره مستقبليه يلتمس بها العز لربعه


ولاهنتو يالربع

[مـحمـد]

السلام عليكم ورحمة الله وبركاته

انا سمعت بهذا الكلام منذ زمن ، ونعم كانو بنى هاجر دائما خلف الملك عبدالعزيز في اغلب حروبه ونعم فيهم وجيه محلف ، ولكن اعتقد ان هذا لم يعد ساري في وقتنا الحالي ، حيث انه اولا مخالف لشرع الله ، وثانيا لا سمح الله لو سرق هاجري وطلبو ان تقتص يده وذهبو به الى المحكمه وقال القاضي تقطع يده فيقولون له لا هذا هاجري .!
السالفه هذى ماهي اللي يفتخر فيها الشخص فهذا مخالف لشرع الله
وبنى هاجر عندهم من العلوم الطيبه والكرم الزايد ما يفتخرون فيه على غيرهم .