ذلــــول الشمالــــي

[حمد]

هذه القصة جرت على عبدالله بن مفرح الغييثي الدوسري الملقب بالشمالي كان له ذلول طيبة محسن من عسفها وموالفته مسميها الهدية وكانت مشهورة بالجري ولا يستنكر محبة صاحب الناقة لناقته وايضا بعض الابل تعرف راعيها وتعرف صوته وتحن اليه .
والشمالي اصيب بمرض الجدري ولزم الفراش حوالى شهرين وكانت الناقة الهدية أحست بفقد صاحبها عبد الله بن مفرح الدوسري الملقب بالشمالي فصارت كل ما وردت تجي على البيت وتنهض الرواق برأسها ولا تجده ثم تسري فصارت ابنته ساره تعقلها حتى لا تسري في الليل ومضا نصف شهر وهي تهجرع بالحنين وكان عندهم جار اسمه حصيبان من قبيلة عنزة وفى ليلة من الليالي توقض وهى تهجرع بالحنين عند مشب النار وهاضت قريحته بأبيات طويلة من الشعر بهذه المناسبة منها قوله:
مل قلبه هيضه حس الهديه
هجرعت بالصوت من عقب الشمالي
ياذلول القرم حماى الرديه
اصبري عقبه على ســـــقم الليــــــالي
ذكرت بالحب من عينه شقيه
ذاكر فــــــــــــي نــــــــجد خلان غالى
عقب فقده ما توالف للرعيه
تطرده ساره عـــــــــلى روس المفالى
عزتى للقرم حطوا له بنيه
عزتى للقرم مــــــــــن قــــــــبر هيالي
عادانه بالكون يثني للرديه
ينسم الحافيات ريــــــــف للـــــــهزالي

[فيصل بن حجرف]

السلام عليكم

لاهنت اخوي حمد على القصه والقصيده الرائعه

وياليت نشووف المزيد من مشاركاتك الجميله

تحياتي

[الخويطري]

لأهنت ياحمد

وسلمت وسلمت يمناك على القصه والقصيده الطيبه

ووننتظرك

تقبل تحياتي

الخويطري

[أبو الوليد]

لا هنت ياحمد

طييب وما يطلع من فاك الا كل طيب

[اليامي]

لاهنت اخوي حمد

على القصه والقصيده الرائعتين

شاكر لك جهودك


تحياتي

[بخـــــــــــوت]

سبحان الله الناقه با الذات غريبه لها صفات سبحان خالقهاا

يعطيك العافيه حمد

بخــــــوت

[عمهوج]

السلام عليكم ورحمة الله وبركاته

لاهنت ياحمد على القصه والقصيده

شاكرلك أخوي العزيز

تحياتي

عمهـــــــوج