يامسرج احساسي

[السلاطين]

نـص شــعري يحتــاج لقـــراءته ، أكثـــر من مـــرة

صالح الظفيري
يا مسـرج بليـل القصايـد هقـاوي=خبّـر بساتيـن المشاعـر يهـرجـن
يا موقـد بلحظـة جنونـي ،غنـاوي=كم كنت أظن! وكم غزا خاطري ظن!
علمّنـي أزهـمْ للنهـار ،الخطـاوي=وأعلمك ليه السفـر بالمـدى ،فـن!
شفني سراجٍ يشبـح البـاب ضـاوي=في شهقتي مرّنْ سنيني ,, ولا ..جن!
تفتّقـن سمـل المواجـع... بـلاوي=كنْ الطعون ،نيـاق جـربٍ يلوجـنْ
فالصدر ذيـبٍ يقنـب الليـل عـاوي=كثر الحنين أرخيت له,مير ما حـنْ!
وكم كنت أقول ،إن الطريق متسـاوي=وكم جرح، عذربني , ولا قلت له كنْ
كنت السواد, وكان حلمـي سمـاوي=الله ! يا أجمل وهم ،صحت به غـنْ!
غنيـت ،عـذري بالكتـابـة ،أداوي=ذود الطعون اللي بصـدري ،يسجّـنْ
يا كثر مـا لاحـن بعيني..رجـاوي=في طيشهن..خرش الهواجيس يرعنْ
وياكثـر مـا ودّن وقلبي..شـفـاوي=شفهن,تخطّنْ في ذهولـي, وعـدّنْ!!
أقفن مناوي ...وسافرن بـي منـاوي=مـا عمرهـن قـدّام عينـي تلاقـنْ!
كثر البكا ،كثر أختصـار الحكـاوي=وصيتهنْ.. يطون شعـوري إذا عـنْ
مـا هيجنّي!!!،لكـن اللـيـل داوي!=تعبت أسايـس وحشتـه ،ويتفرعـنْ
يا موقـد الليلـة ،بحزنـي لغـاوي!=أرخ بيدينك ..نزعة الشوق الأرعـنْ
صب القصايد ،نرجس الروح خـاوي=ياما أنزوى من سود الأيـام وأنجـنْ!
في قاصي ضلوعي يصيح الخـلاوي=كان يتهجي صـدق الأشعار..ويكـنْ!
وصّاني أقرا كـل الأشيا..وأسـاوي=كل الجهـات بنظرتي...وأشتكيهـنْ!
يا مسرج إحساسي..وش القيظ ناوي؟=العمر يزحف !..والغرابيـل يدبـنْ!
أخترت أبكي!...مير ما نيب قـاوي!=زيف القصايد ...زيف!..يا سيّد الجنْ!