|
للمعجبين بالشاعر العظيم بندر بن سرور العتيبي فقط
الصراحه يا رب تحووز هالقصيده اللي تهز شوارب على اعجابكم لانها مو طبيعيه بصفه عامه .....
الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي
وسلامتكم يا احلى ناس
__________________
إنكان كشّر قاسي الوقت وأدبر ....
لا تستضيق من الدهر وإنص ابن فردوس
فعل الرجال كبار لاكنه أكبر ....
رآس (ن) شمخ بالعز ما تنطحه روس
كبار الهموم بفزعته ترجع أصغر ....
للطيب عنوان وللمجد قامووس
أحــــمـــد بــن نــاصــر آل فــردوس الـعــجـــمـــي
|
05-03-2004, 01:48 PM
العرض العادي
