يالفورد سواقـك عـذاب المطاريـش ...حب النشاما ماكـنٍ وسـط جاشـه

[سلالة الجـــــود]

مســــــــــــــــــــــاكم الله بالرضــــــــــا




يالفورد سواقـك عـذاب المطاريـش
.............................حب النشاما ..ماكـنٍ وسـط جاشـه

امـا مسـاري ليـل ولاّ مغابـيـش
...........................قطـع الفيافـي منوتـه وانتعـاشـه

يامـا سهجنابـك مـداً مابعـد نيـش
..........................والقلب ماناشـك مـن الوجـد ناشـه

ابغيـك فـي لازم فـدوك الدراويـش
.............................اهـل العـذل والمهزلـه والخباشـه

لبى رديتـر مويتـك ..والخراطيـش
..............................ومحركـك والكهـربـا والقمـاشـه

ولبيك في عيـون امهـات النقاميـش
.........................ولبيك مع وَعْـر الطريـق ودشاشـه

سيدان ..لكـن صانعينـك مخاريـش
..............................للـي مـع طيبـه تزايـد خـراشـه

وقف وشيك في "محطات ابا الجيـش"
........................واخذ الوقود اللـي لجوفـك اعاشـه

والى فهقـت (عريعـره) والتفاتيـش
........................و(ام العراد) ايسـار والسـور ماشـه

وابن خليفه والقصر واسفـل الريـش
........................ايمين..وامن الطرق سـوق وتحاشـه

مشوارك خصوصي وممشاك بشويش
............................شفقـان لكـن ماتـحـب الدفـاشـه

القلب مولـع ..والمعالـق معاطيـش
............................والفكر صار لصـورة الريـم شاشـه

يابقيق مايذكر بك الا ابيـض العيـش
.....................وشلون صرت العشق ..بحره وطاشه

جيتك وانا وافكار راسـي مشاويـش
......................للجادل اللـي وصلهـا لـي خشاشـه

واللي حمى (راكان) في معتقل ( نيش)
.....................لين ألتفت له (مدحت الصـدر باشـه)

يستر عليّ من الرمـوش المعاكيـش
........................والوجه ابو ملـح وجمـال وبشاشـه

الين ابل الريـق ..واروض الطيـش
....................واروى تمام الوقت من عقـب ماشـه

حبيبتي وانتـي بقلبـي " ومافيـش "
................يعني "مافيش " الا انتـي أم ارتعاشـه

اللي الى منـي ذكـرت الوشاويـش
.......................واقبلـت يامـزن الغـرام ورشاشـه

شفتك بعيده عـن يديـن الطواويـش
...................وعرفت قلبك عاصف الحـب حاشـه

جيت اكتبك وانتي جنـون وخرابيـش
..........................وام الــدلال وللمزايـيـن بـاشـه

مانيب لاش ,, وطامعٍ فيش وابغيـش
....................وانتـي سنافيـه ولا انتيـب "لاشـه"

واذا دعيتينـي وانـا قلـت: لبـيـش
................تدرين رومنسـي ..وكبـدي هشاشـه

ياويش ابين لك مـن القلـب ياويـش
..............وانتي بوسط القلب صرتـي حشاشـه

ياحشاشة القلـب المعنـا كـذا ليـش
....................نعشق..ومر البعـد نشـرب قراشـه

والفورد شارينـه لعسـر المطاريـش
.....................وانا حبيبـك والغـلا وسـط جاشـه


للمــــــــــــــــبدع / ماضي العضيمان

..

[الهنــــــــــوف]

سلالــــة .. تسلم الايادي على النقل الطيب
وحياك الله اخيتي .. الى الامام دائما ..
بانتظار جديدك ..
تقبلي مروري المتواضع ..

[خالد بن نفل]

صح لسانش ولسان شاعرها

[العــــديم]

يابقيق مايذكر بك الا ابيـض العيـش
وشلون صرت العشق ..بحره وطاشه
جيتك وانا وافكار راسـي مشاويـش
للجادل اللـي وصلهـا لـي خشاشـه
واللي حمى (راكان) في معتقل ( نيش)
لين ألتفت له (مدحت الصـدر باشـه)
يستر عليّ من الرمـوش المعاكيـش
والوجه ابو ملـح وجمـال وبشاشـه


ياسلاام

طبت وطاب نقلك

[علي الرطام]

صح لسانك

ولا هنت

[عـزوز]

صح لسآن بن عظيمآن




ولاهنت

[الـعـابـر]

صح لسانك ولسان شاعرها

[*ابوخالد*]

صح لسانك و لسان شاعرها

ولا هنت على النقل الرائع