تريح لاتشيل الهم دامني معگ موجود...انا اللي مايخونگ لو يخون الادمي عمره

[خالد بن نفل]

الا ياوجد روحي كل ماهبـت هبـوب النـود
وجود الي تعنى في حياتـه وانتهـى صبـره
يشوف الهم قدامـه ويسـري فاليـال السـود
على حلم السنين الي عطته من العنـا عبـره
على ذاك الحبيب الي هجرني والليال شهـود
هجرني وابتعد عني وانا مااقوى على هجـره
هجرني وابتعد عني وضعت بدربه المسـدود
هجرني وانتهى حلمي بعـد خانتنـي العبـره
بعد ماكان في قلبي هو الغايه هـو المقصـود
تركني للعذاب وذقت مر الوقت مـن غـدره
تركني للعنا والهم والمسـرى بـدون حـدود
تركني ماحفظ قدري بعد ماصنت انـا قـدره
تركني للسهر بالليـل يومـن العبـاد رقـود
اعاين فالنجوم المرقبه والصـدر بـه جمـره
اعاين في نجوم الليل وهمومي علـي اتـزود
ليا مني ذكرت انـه نسانـي واقتنـع مـره
واتوه بغبة احزاني واصيـر بعالمـن مفقـود
ليا مني ذكرت الحـب والميثـاق والعشـره
وذكرت اني على شانه بذلت جهود بعد جهود
على شان يتهنى فالحيـاه ويفـرح بصغـره
صغير يقولي تكفـى محبتنـا عليهـا عهـود
وانا اقول الخفوق الي يحب بصـدق مايكـره
ليا منا توصلنـا وسرنـا بالكـرم والوجـود
ترى ماهمنا الحاسد لو انه مـات فـي حـره
تريح لاتشيل الهـم دامنـي معـك موجـود
انا الي مايخونك لو يخـون الآدمـي عمـره
نسيت انه هو الجاحد وانا الي فالهواء مجحود
نسيت ان الهواء الكاذب يموت ولا انجنى ثمره