. . [ حتى بـ جرحكّ ذربْ ] . . ♥ !

[ادمنتش]

هذا متصفح أفرغ فيه ( أنفاسي ) التي لم يعد صدري قادراً على أحتواء حرارتها ..
ولم يعد لساني قادراً على استطعام مرارتها .. !!
مشاعر .. تشكلت في روحي .. وعجزت عن دفنها هناك ..
أخرجتها هنا ..
لعلي أخفف من وقعها في روحي ..
وأجد في هذا المتصفح ( كفناً ) ..
أدفنها فيه ( حيه ) بعد أن ( مات ) حلم الخلاص منها الى الأبد .. !!

هو متصفح أقفل فيه على نفسي ..
فأبعث كل يوم ( نفساً ) جديداً محفوفاً بـ ( زفرة ) آآآآآه ..
أختارتني ولم أختارها .. !!

[ادمنتش]

قلت لك يا قلب : ريّح .. وإستريح ،
ـــــــ ولا كأني قلـت لك يا قلـب شي ّ !

مو مهم إنـك تحب .. وما تطيح ،
ـــــــ الأهم إنك تعيــش ، وتبقى حيّ ..

[ادمنتش]

ليت لجروح القلب .. لاصق !





تشوف الجرح ؟ هذا الجرح ! من أول يا عبدالله ،
....................... عميق ، وشوفته تجعل من الاحزان .. ترقابي !

وانا والله ما فيني صبر ، واتحملّه .. للــه !
....................... ما غير أسهى واموّت ذكريات الحب واصحابي ،

لأنه ما بقى شـي ٍ ،، أبـبقى له انـا واللـه
....................... لا اموّت كل عرق ٍ ما يعيش الا على أتعابي !

تعبت وما بقى فيني سوى كلمة : فمـان الله ،
....................... ما غير أقولها للجرح .. ويوادعني وألقى بي :

( جروح كثار ) ماتت من قهرها ، أقهرك بالله ..
....................... تعال وحسّ بالمجروح يـ أول وآخر أحبابي !!

[ادمنتش]

الليل ليّل .. يا حبيبي ، علامه ؟
كنّه يقول لـ سَعد الأيام : غيبي !

وإنتي عرفتي قول كلمة : ندامه
وأنا سمعت بـ قلبي كلمة : حبيبي

قالت : بغيب .. وقلبي جمّع كلامه
وطشّه وأنا جمّعت كلمة : نصيبي !

ما ناح قلبي .. اللي ناحت حمامه ،
وما طاب حلمي يا دواي وطبيبي !

إنتي رحلتي ، خاطرك بـ إبتسامه ..
وأنا رحلت ودمعتي وسط جيبي !

[ادمنتش]

حلم ،.. !

كنت اقول إني بحياتك شي غير ،..
............. ما دريت إني مثل [ طيف ٍ يمرّ ] ..!

[ادمنتش]

على مبدأ ( يهون الجرح ) ، جيتك في يدي أحلام
.................. وعلى مبدأ ( يخون الجرح ) ، ماتت بـ إيدك أحلامي !

[ادمنتش]

يعني كذا دون سبّه .. خلّي خلاني :
ما بين هجر وجفا .. والمشكله جيته

جيته وأنا شايل بكفّيني .. أكفاني
وشلون يجفى حبيب ٍ خابره بيته !

وعدني إنه يجي ، للحين ما جاني !
قلت الصبر !! وين صبري عنْك خلّيته

ما فيه دمع ٍ رقا لـ عيوني وأجفاني
إلا قرا في عيوني إني أغليته ..

ليته يصون الغلا ويعود من ثاني ..
ويشوف وشلون قلبي بالوفا صيته ..

المشكله ما رجع ، ما قال : إنساني
وانا قضيت العمر كلّه .. تحرّيته

للحزن طعم ! ويا ليت الحزن يجفاني
ما كان حزني ليا جعنا .. تغدّيته !

أنا وقلبي يمرّ الليل .. ونعاني
أنا أتصبّر وقلبي بالصبر .. ليته :

يشوف خلّي بـ جرحه وين وداني
وشلون جرحه بـ كل إحساس ضمّيته !

[ادمنتش]

مدري من اللي يعاني !
قلبك يعاني ؟
كذّاب .. عايش على جرحي وتعذيبي !


طعنتني فوق جرحك ،
"جرحك الثاني"
وسألتني : ليه تبكي ؟ وأنت تدري بي !

[ادمنتش]

انا اللّي تذكره ما كان حيّ !!
كان ميّت لما شفته .. بالغرام !!

ما إنكسر بس إنه يعاني شويّ !
وهذا هو ! شوفه يعانق هالغمام

هذا .. انا لو دارت الدنيا عليّ ،
ما تغيّر فيني وجه ، ولا " كلام "!!

[ادمنتش]

تقول بأن الجرح .. لا يمكن يصير
............. واقول بأن الجرح سبّة .. طعونك !

تذكر طعونك يوم جوني مسايير ؟
............. أهديتهم صدري وهدوني : جنونك !

وأقول : عادي! ماحصل منك تقصير
............. أكذب على نفسي وأصدّق عيونك !

واليوم مهما جات منك .. معاذير
............. بعيش عمري دون قلبك ، ودونك !