طباشير..!

[فهيد بن سالم]

لا تمننّ بـ ( الرسايل ) يا عدوّ أشواقي !
..............وأنت شخص ٍ من عرفتك ماقدرت أشوفك !

كل حاجه تنتهي فيني , وحبّك ( باقي )
..............صرت آحس ّ إني كتاباتك , ونبض حـروفك !

ما طلبت اتحبّني وتقول لي مشتاقي .؟
..............ما طلبت إلا تسكّني معك في ( جوفك ) .!



..

[فهيد بن سالم]

ياذارف ( الدمع ) لو تكرم وتسمعني .!
.................أحيان دمعك عباره عن .. حكي فاضـي

فإن كنت ناوي تعيش بدنيتك ( طعني )
.................خل الحزن مجرم , وخل الفرح قاضي .!

إكذب على نفسك إيه أكذب وإذا يعني
.................الصدق هو السبب الأول لـ/ ( أمراضي )

ماهو دليل إبتسامي لـ لزمن يعني .!
.................رضيت بالحال , وأنا بالحال مو راضـي .!

لكنّي آتجاهل ( أحزاني ) وأنا المعني
.................وفي كل يوم أبتسم , يموت بي ماضي .!


.

[فهيد بن سالم]

دمعه ( وفا ) طاحت , وطحت أنت وياها
................ما عاد باقي صبر ( لا تبكي ) , وتشّره !

لـ تّقول عشّره حرام ( أمشي وأنساها ) ؟
................أنت آخر أنسان يـ تّكلم عن ( العشّـره ) !



.

[فهيد بن سالم]

ماقدرت أتقول لك ( كلمَه جريئه ) ؟
.................كل ما قلت لك أحبك , منت ( يمّـي )

يـ ( البريء ) اللي سواليفك , بريئه
.................( قالت أمّي ودت أمّي جابت أمّي ) !

[فهيد بن سالم]

أنا أنا لا تقول :- أني أحد ( غيـري )
.............رغم أنّ هذا الزمن متخاذل , وجاحد .!

ما أشبه الناس في حلمي , وتفكيري !
.............حتى فـ( الاحزان ) ما أشبه ولا واحد !

: )



.

[فهيد بن سالم]

( جو الكويت ) إحتاج لك ليه ماجيت ؟
................يبي صفاء روحك , ( وطلة جبينك )

فيه ( العجاج ) من التعب بـ التناهيت
................يسأل ( سحابٍ زارها ) عنك وينك ؟

( تعال ) ما فيها ( كلافه ) لو ألغيت :-
................كل إرتباطاتك لـ/ ( خاطر ضنينـك ) !


.

[فهيد بن سالم]

لا ترّدين لو طال .. ( الغرام الغيـاب ) .!
.................لـ/ ( الملاقي ) ثمن ولـ المفارق ثمـن .!

كثر ما طال حلمي فوق متن السحاب
.................كثر ما طاح من جور الليالي , وطمـن !

من يعّلم خفوقي كيف طرد السراب .؟
.................ومن يعلم جروحي كيف تنسى ومن :-

يفتح ( الباب ) لا سكّر على الحلم باب
.................وأستظل بـ/ ( ظلاله ) من هجير الزمن

لو تركتي جروحي لـ/ العنا , والعذاب !
.................طيّب ( أحلام ) عمري لو رحتي لمن ؟



.

[فهيد بن سالم]

روحي , وخليني مع هموم دنياي
.............اخذي كلام القلب , ولا ( تحترينـي ) !

معاك علمني زماني ( خطاياي )
.............ما ( ودي ) اذكرها , ولا ( تنشديني )

خليني اجمع ما بقي من بقاياي
.............واخذي غلاك وفرحتي ( واتركيني ) !



.

[فهيد بن سالم]

هذا ( الصباح ) أجمل من اللي تمنيـت
...............لو ( ينشرا ) كل العـمر فيه :- ( بعته )

في صوتها ما يعطي الهم / ( Delete )
...............وعشانها احساسي سهرت , وجمعته !

( تموت فيني ) كل ما اكتب بها :- بيت
...............و أنا بآ موت من ( الغلا ) لا سمعـته !




.

[فهيد بن سالم]

.