همــهـــمــات سعد . . !

[سعد الصميل]

على طاري أوروبا .. اذا ركبت الباصات او القطارات عندهم راح تشوف الشعب مشغول !!

بتشوف واحد يقرأ والثاني يقرأ والثالث يقرأ .. !!

وذاك مشغول باللابتوب .. واللي وراه بالايباد !


وواحد في زاوية الباص يعزف علشان يطربهم ويعطونه فلوس اذا نزلوا ..

وواحد ثاني ماسك له ريشه والوان وقاعد يرسم ويبدع له لوحة فنية ..!


وأثنين يتناقشون في أمور العمل أو حتى ولو كانوا يتناقشون في سهرة ليلة الأحد والخمر اللي بيشربونه والعياذ بالله .. لكن على الأقل يتناقشون !!

وراح تكتشف بعد ما تنزل .. انك انت الشخص الوحيد اللي كانت مهمته هي الأفشل على الإطلاق ..


راح تكتشف انك الوحيد اللي وظيفته بس الخز في خلق الله ومراقبتهم !!


بالله عليك ما تنقد على نفسك ؟

[سعد الصميل]

حسبي الله على ستيف جوبز مره ثانيه

الناس تشوف اجهزته لها فوائد وانا اقول اضرارها أكثر .. لو بنحسب برامج الايباد والايفون اللي خلت الواحد مايتحرك مانخلص ..


تعالو نعد بعضها ..


برنامج للطلب من المطاعم ..
حاط لك قائمه مليون مطعم وتطلب بدون ماترفع السماعه وتحرك حبالك الصوتيه ويجيك الطلب وانت قاعد ..

برنامج للتداول بالبورصه ..
طبعا هذا للأغنياء ( أعدائي ) اللي بالأساس كانو مريحين قبل الاجهزه هذي
ويتداول وهو قاعد بدال مايطق مشوار ! لا ويتداول في امريكا بعد ..

برنامج للبنك ..
يخلص أموره بالبنك والتعاملات وهو في بيته بدال مايروح ياخذ رقم وينجز معاملته مثل قبل .!

برنامج للسينما ..
بدال مايروح يدور بالجرايد الاعلانات .. يفتحه وهو قاعد ويشوف شنو اخر الافلام لا ويشوف مقاطع منه بعد !

برنامج دفع المكالمات ..
ولا عزاء للعزيزيه اللي كنا نجيها تالي الليل ندفع !

برنامج للبيع والشراء ..
وجان يطيح سوق الوسيط

نكمل والا كافي ؟

[سعد الصميل]

اشتقت لأن أتهمهم لوحدي هنا ..
واستمتع بمتابعتكم لها ..

فكتابتي لها استرسال .. ومتابعتكم لها غذاؤها ..

هل تريدون أن نكمل موسوعتنا .. أم نكتب خاتمتها ونقفلها للأبد ؟

[سعد الصميل]

اياااام 😂