ܓܨ" .. مح.ـمديآت .. " ܓܨ

[محمد بن سعود]

لو لا العقوبه حفرت القبر بيديني=ارمي كفنها واضم الصدر ابكيها

يوم العزى هل دمع الموت من عيني=لو هلّ في روض نجد ٍ كان يرويها

[محمد بن سعود]

لا والله إلاّ ظلّم الوقـت يـا سعـود=و اقفـت غرابيـل الزمـان ْبحلاتـه
ارخى عليّ ثقله و انا منْـه مجهـود=و عزّي لمن وقتـه حـداه ْبعصاتـه
كنّـي سجيـن ٍ لا نفـج ردّه قيـود=عـوّد مكانـه و ارتقـد ْبحسراتـه
بالصبح نسعى نطلب الرزق و الفـود=ولا اقبل ظلام الليل و اسـدل عباتـه
توارد همـوم ٍ علـى قلبـي ْحشـود=ورد الضمايا اللـي حداهـا صلاتـه
و الماء تكّدر بعد مـا كـان قيـرود=متى على الله نحتسي من صفاته ..؟؟
و متى على الله يكتسي يابس العـود=تروى عروقه و يخضرنّ ْورقاته ..؟؟
لو إنها بالحيل مـا ابقيـت مجهـود=لا شـك حكـم اللـي فريـد ٍ بذاتـه

[محمد بن سعود]

معنى أحب .. و ما اقدر أنسى .. و أخليك=يعنـي بدونـك ويـش تسـوا حياتـي؟!

[محمد بن سعود]

قالوا يحبك ؟؟ .. قلـت: لا تظلمونـه=قالوا يبيك.!! وقلت يـا نـاس تكفـون
أنـا عرفتـه قبـل مــا تعرفـونـه=ما قال أحبك.. (انتوا اللـي تقولـون)
هــذي حيـاتـه ليتـكـم تفهمـونـه=كافي تزيدونه علـى طعونـه طعـون
خلـوه فـي حـالـه ولا تغصبـونـه=(حب الغصب:لاريح . لا طعم. لا لون)
ما هو بكيفـه .. يعشـق اللـي تبونـه=الحب اعمى.. طول عمره بـلا عيـون
قريـت رده فـي محاجـر عيـونـه=(يقول: أنـا هايـم بغيـرك ومفتـون)

[بــ راكان ــنت]

الله الله..

keep it Up

[محمد بن سعود]

كانك تبي فرقاي مهوب حاصل= العام خيرتك ولا اخترت فرقاي

[محمد بن دسمه]

قرة عينك بحمدان االمري يابوسعود

[محمد بن دسمه]

تسجيل دخول

[محمد بن سعود]

إإإيه .!!!


يا دنيــا /


وهذي ... عادتش دوراه / ...

[محمد بن سعود]

نسيت أقـوول /

ياذيب مايجرح سنام الجمل هرج !!=من يمنع كلاب .. الحراسه تنابـح
رجالهم ياذيب.. ( مايقطع الفرج )=مهما ضحك سنّه بالوهام.. سابـح
ماينذخر ( شرواه ) للموقف الحرج=( طعن القفا) مذموم لو كان ذابـح
ياذيب من يرقا على قمة.. البـرج=ماستصغر كبار الرياجيل .. شابح
والمهره اللي ماعلى ظهرها سـرج=عنانها.. ياذيب ( بيدي ).. ورابـح
ماني بماسح جوخ تراسة الخـرج=ولا مشيت دروب من غيـر كابـح
ياذيب مايجرح سنام الجمل هـرج=من يمنع كلاب .. الحراسه تنابـح