أرقــابـنــا بالـــقــاع مــثــل النــعــامــه !!!

[مناحي الصميل]

ارحبي ..
صح الله بدنش ..
ولا هنتي على مرورش الكريم ..

[جرح ٍ برى]

مساءء الخيرـر


حنا من ارجال(ن) تحشم الرياجيل // والا الردي يبطـي وذيّـا مقامـه
انسوق للرجّـال زيـن الفناجيـل // وانقـدّر الزيـزوم يـوم الزعامـه

كفوووووو كفوووووووو كفوووووووووووو كفووووووووووووو كفووووووووووووووو كفوووووووووووو كفوووووووووووووو كفووووووووووووو كفوووووووووووووووووووووووو

ابدعت وكتبت وتعبت ولاندمت .. ابيات فخر بـك

لاهنت لاهنت لاهنت لاهنت لاهنت وين ماكنت ..

صح لسااانك وعزالله فرحتني بـ هالبياات الجميله

شنب من ظهر شنب

وختامهـا نـزّال قـرآن وانجيـل //رب(ن) كريم(ن) معتلي في مقامـه

سبحانــــــه .. .. تقبل مرور وسجل اعجابي..

طلال العازمي

[مناحي الصميل]

ارررحب ياطلال ..
صح الله بدنك يالقرم ..
ولا هنت على مرورك اللي يشرفني
وبيض الله وجهك وماعليك زود طال عمرك ..

ودعتك اللـــه ...

[البنت الجزله]

المشاركة الأصلية كتبت بواسطة كـاسب الطـيب

اليكم هذه الأبيات الطازجه


.
.
.
.
.
.

يكبر مقامي في عيون المشاكيل = والا الردي ما همني في كلامه
مدهالنا طيب وخير المداهيل = ونّذب عرق النايفه بالشهامه
ماهمني كثر الحكي والمقاويل = ماهمني غير الرضا والسلامه
منهاجنا يبدأ بصفر المعاميل = والعلم غانم مانعرف النمامه
انزوّد المسمار وانزوّد الهيل = وافعالنا ترقى على كل هامه
تكفون علّوها ياركّابة الخيل = علّو البيارق باللقى وإحتدامه
حنا من ارجال(ن) تحشم الرياجيل = والا الردي يبطي وذيّا مقامه
انسوق للرجّال زين الفناجيل = وانقدّر الزيزوم يوم الزعامه
حنا رجال القوم ذبّاحة الحيل = واليا اقبلت هيّه نشدّ العمامه
((( علومنا تآتي كذا بالتفاصيل = ما هي من علوم الفضا والعدامه )))
اما سوات الغربله والغرابيل = هذي نخليها لكم يالهلامه
زلّة خويي جاتني دون تعليل = مدري علام الوقت مدري علامه
دايم اقول ان الدعاوي تساهيل = لين انفجر قلبي وجمّع حطامه
دايم نرددّ مطول الليل ياليل = وأرقابنا بالقاع مثل النعامه
ابغيك تشّر بإصبعك للمداخيل = وفوق الحروف الحمر حدد علامه
شوف المعالم كلها والتماثيل = توحي لنا بالعولمه والفخامه
الله من هموم الشغل والمشاغيل = والله من هموم الشقا والملامه
يالله ياللي تحت ضلّك مضاليل = تصلح حياة العبد وتقبل صيامه
وختامها نزّال قرآن وانجيل = رب(ن) كريم(ن) معتلي في مقامه

وسوالم
.
.
.
.

مناحي بن فهاد العجمــي ..

قصيده فوق الخيال جززززززززززززززززل وازيد بعد جزززززززززززززززززززل


هذا القصيد اللي يشرح الخاطر

شكر ممزوج بالود

اختك البنت الجزله

[مناحي الصميل]

البنت الجزلــه ..
صح الله بدنش ..
ولا هنتي على المرور الجزل ..
وبيض الله وجهش ..