هـــمـــس الـــقـــوآآآفـــي...؟؟

[ســالــم]

على هووونك ترفّق بي.. علامك جيتني مشحون_؟
أنا ناقص عتب زايد..!! على زووود الوجع فيني..


تركّد.. واسْحب عتابك ، ترى بعض العِتاب طعـون
أجـل ماشفتني أنْـزف على بـابـك سِـكاكيـني..؟!

[ســالــم]

الغيب مايعلم لاكن العقل ساس الأختراع
إليا أشتغل عقلك عرفت الناس وش في قلوبهآآ

أن كان منته مستفيد من الدماغ الا الصداع
ماغير حض الصيدليه ماتبوور حبوبهآآ

لاصرت ماتتعب على والنعم قدر المستطاع
صدت ولفت لك ظهرها ووعطتك عرقوبهآآ

وإليا تملكت الكررم والحكمه وطول الذراع
لاتشغلك نفسك تراك أعطيتها ماجوبهآآ

والواحد اللي لاكريم ولاحكيم ولا شجاع
مفرووض يعطي ثوبه الحرمه ويلبس ثوبهآآ

[ســالــم]

ليت الاماني تنفعك بعض الاحيـان
واحلامنـا ياليتهـن يـن فعـنّـا

لاصار ضايق خاطري هم واحزان
والليـل مشـواره بعينـي تثـنّـا

ضاع الفرح وايامنا كلها اشجـان
ضاقـت بنـا وادموعنـا يذرفنّـا

الله ياوقـت ٍ مضالـي وفرحـان
يوم الفرح خيّـم بقلـب المعنّــا

والحين ماعاد البشر مثل ماكـان
ولاعاد حنـا مثـل ماكـان حنّـا

تغيّرت اخلاقنا وشان مـن شـان
واخلاقنا شانـت وبالحيـل شنّـا

واصحابنا ماهي مثل كل الاخـوان
حتـى الاخـوه مستواهـا تدنّـا

واوطاننا ماهي مثل كل الاوطـان
كني غريب ٍ عايش ٍ فـي وطنّـا

يكفيني اني عايش ٍ حـر وانسـان
وفيني احاسيس الوفى فـي زمنّـا

والعين ماقرّت مثل كـل الاعيـان
(عيني بها عبرّه وقلبي معنــــــآ)!!

[ســالــم]

ياضيقةٍ الصـدر طالبــــــك تكفيـن
عني تخلـي وابعـــــــدي واتركينـي



روحي تري بالصدر مثل السكاكين
زودٍ علـى هـمٍ....... قـــديـمٍ دفيـنـي



تكفين حسي اليا ذرفت دمعي العين
حسّي بعـــبراتي وحسّـــي بونينـي



صرنا انا واياك بصدري خشيرين
وصارت عــلاقة ود بينــــك وبينـي



جسمي نحل ارجوك مافيني يكفين
خليني احيا ما بقى مـــن ســنينـي

[ســالــم]

جيت الطبيب اللي على الصدر مختص
ابيه يعمل لي على الصدر تشخيص


ثم حط سماعه على الصدر قال اوص
اسمع لي بصدرك حساس ووصاويص


نبي نسوي لك اشاعه ونفحص
ونمحص اللي داخل الصدر تمحيص


سوى الاشاعه قال ياصاحبي بص
لا يدخل بصدرك احد دون ترخيص


لقيت في صدرك مواطي قدم لص
والقلب مقصوص من الصدر تقصيص


وانته عن اللي سارقٍ قلبك ابخص
قلت ايه داري به وعن وضعه ابخيص


هذاك ما يرخص لو الناس ترخص
وانا بعد عنده ترى ماني رخيص


بيني وبينه قلبي النص بالنص
لا والله الا كله بدون تنقيص


يرص ويوزع واقول امش ما اقص
مافيه تكويشٍ ولا فيه تخبيص


مادام هذي علتي ياطبيب اوص
ماني بحاجة علاجٍ وتشخيص

[ســالــم]

اليوم زآدت ضيقتي فوقهـآ ضيق
جتني وتشكي حبها مع ولعها

تقول خلآني وانا مااقدر آطيق
وتكفكف الدمعه واداري هلعها

وتقول من بعده كرهت المخاليق
وانا دموعي ذارفه واستمعها

هي ذكرتني يوم اغني طواريق
على هنوفن روح القلب معها

[ســالــم]

بالله ياقوقل وليفي غاب له حول شهرين
..........،ــــــ....{أبحث عن أحواله وبشرني عسى حاله تمام
،


فالويب ولا فالصور يمكن مع المتواجدين
..........،ــــــ....{عل وعسى تسعف عيون(ن) ماتهنت بالمنام
،


اللي مكانه وسط خفاقي وتحت الحاجبين
..........،ــــــ....{عزالله ان له في فؤادي دون خلق الله مقام

[ســالــم]

لا شـفتـني ضايـق واهِل الدمـع وابكي باقـتـناع
لاتحـزنك عـيني ولا تـشـره على دمعاتها

أنـا فـقـط .. حَـبّـيـت ادرّبهـا عـلى يـوم الــوداع
أحـبـابنـا قـاسـيـن والأيّـام هـي عـاداتـها

مهـما جلـسـنا نضـحـك وناخـذ من الحب المتاع
لابـد لحـظات المـفارَق نرتـشـف كاساتها

حـتى لـو اكـذب واتـوهّـم حـبّـنا وَهـْـم وْ خـداع
والدمعـه اللي في عيوني تعـكس مْعاناتها

[ســالــم]

ياطير ياللـي كـل ماضقـت فجيـت
مديت جنحانـك مـع الجـو سالـي

مأنته بمثلـي كـل ماضقـت ونيـت
والا قصدت الخبت واجلـس لحالـي

ياما فقـدت اللـي علـى ماتمنيـت
واوفيت من هو في الزمن ما وفالـي

[ســالــم]

أضيق لاشفتك من الوقت طفشان..
وأظغط على نفسي وانا فيك هالك

تدري من اول ماعرفتك الى الان ؟؟
وانا احس ان الغلا لـك لحالـك!!