للراغبين في الدراسه في الولايات المتحده الامريكيه

[العجمي كوم]

المشاركة الأصلية كتبت بواسطة احمد بن جوفآن

الله يعافيكم جميـع ,

ومن ناحية اخي نواف بن فهم ,



اذا كنت ناوي تدرس اللغه ..
عندك اختيارين في نظام ( السمستر ) الي هو نص سنه و نظام ( الكوارتر ) الي هو ربع سنه .. تقريبا 3 شهور , و اغلب معاهد اللغه تكون 3 .. على حسب الي اشوفه انا ..

ونظام الكوارتر هو المتوفر عندنا في ولاية كولو رادو


من ناحية التقديم ..
تقدر تدخل على موقع المعهد وتعبي ( الابلكيشن )
او ترسل لي الاوراق المطلوبه وانا اعبي ( الابلكيشن ) لك وحااضر بـ/ اي وقت .

ان كنت ناوي تدرس بـ/ ولاية كولورادو ..اقدر افيدك بالمعاهد المعروفه عندنا .

:- معهد جامعة دنفر ( مدينة دنفر ) << انصحك فيه .. قوي وراح يفيدك حيل .
:- معهد جامعة بولدر ( مدينة بولدر ) << يعتبر قوي لكن مو اقوى من دنفـر .
:- معهد فرونت رينج كميونتي كولج ( مدينة وست منستر ) << طق منــَه فااشل كـ/ معهد لغه .
:- معهد جامعة فورت كولنز ( مدينة فورت كولنز ) << للأمانه ما اعرفه .. لكن الربع الي فيه يقولون قوي .
.

المطلوب اذا كنت طالب على حسابك ..

1- صورة الجواز .

2- كشف حساب من البنك لـ/ والدك .. ويكون باللغه الانجليزيه
( عشان يتأكدوم انه يقدر يدفع لك مصاريف المعهد ) . << سهله جدا ً لا تعطيها اكبر من حجمها

3- نسخة من شهادة الثانويه .. مترجمه لـ/ اللغه الانجليزيه .

.

بعد تسليم هالاوراق للمعهد .. وتعبيه ( الابلكيشن ) بـ/ الاسم وباقي الاسأله .. كـ/ معلومات عنك ,

راح توصلك ورقة القبول .. بعد فتره لا تزيد عند اسبوعين .. ( على حسب المعهد ) .

وبعدها تروح لـ/ السفاره في بيان .. وتعطيهم ورقة القبول .. ولهم اوراق ثانيه اضن لازم تعبيها عندهم ... وراح يقابلونك ويسألونك ( اسأله عاديه جدا ً , مثال / ليه اخترت هالديره بالذات وليش تبي تدرس لغه ... إلخ )

للأمانه ما اتذكر طريقة السفاره بالضبط .. لأني مبطي مسويها . لكن انت لا عزمت ان شاء الله .. راح اسألـَك فيها واعلمك شلون الطريقه .

وبعدها بـ/ اسبوع تقريبا ً .. تستلم جوازك مع الفيزا .
وماعليك الا حجز تذكرتك . قبل دوامك بـ/ المعهد بـ/ كم يوم عشان ترتب امورك

.

ومن ناحية السكن , فيه شقق متوفـره بـ/ كثره .. وقريبه من المعهد الي تختاره .

ومن ناحية العوايل .. المعهد يقدر يدور لك عائله .. و ( في مواقع بعد تشوف العوايل فيها و وتفيدك حيل .. بـ/ النسبه لـ/ مدينة دنفر ) حسب معلوماتي .

(( انت بس عزم ان شاء الله وانا اخيك , وتعال وازهل هالامـور , من ناحية السكن وترتيب امورك اول ما توصل .. ماعندك الا اخوانك , وسهاالات ان شاء الله ولا تحاتي شي ))

.

اتمنا اني افدتك بـ/ هالمعلومات المختصره .
وانا حاضر بـ/ اي وقت وانا اخيك ,

وموفق خير إن شاء الله

.
.

إخيك

يامرحبا .

بيض الله وجهك وماقصرت .

ومايحتاج جعلك تسلم وافي يابوخالد الله لايهينك .


تقبل قائق الاحترام والتقدير

[فارس بن محمد]

الله يوفق الي برووح ولي رااح
اخووكم :العجمي

[انا سويت]

السلام عليكم...
مرحبا:
لوسمحت اخوي حبيت اسالك عن المعاهد والجامعات اللي بولايه كولورادو
في هذه المدن
COLORADO SPRINGS
BOULDER
DENVER
Ft Collins
لانو انا ان شاءالله حطلع بعثه وابي ادرس انقلش وبعدين اكمل ماستر تسويق فـ انا مو عارفه اقدم ع الجامعه او المعهد ؟؟وهل ممكن الجامعه تعطيني قبول مشروط او اقدم ع المعهد اول؟؟
وايش افضل المعاهد في المدن اللي فوق وهل هي تابعه للجامعه او لا؟؟ وهل يجب ان تكون المعاهد معترف بها من قبل الوزاره او لا؟؟


اسفه ع الاطاله......... والف شكــــــرا اخوي.............

[النــ فهيــد ــاجعي]

لاهنت على كل شي....
انا فني 1 وودي اكمل الهندسه بس ابي اعرف كم مدة الدراسه مع تعلم اللغه...

[الهارون]

انا ابي جامعة معترف فيها بس دراستها تكون سهله وحضور في وقت الاختبارات زي مصر وشكراا وطبعن يفضل مو لازم لغه :>

[عَشّــاقْ آلصلَــفْ !]

يا طويل العمر بنشدك عن الجامعات اللي في نيويورك / عندك معلومات عنها ؟؟
إن قاله الله جيتكم عقب شهر بدرس في معهد تعليم اللغه ؟؟
أتمنى الرد العاااااااجل

[lonly man]

عبدالعزيز مرحباابك


والله ما عندي ذيك الخلفيه عنها بس المدينه غاليه ولا تصلح للدراسه بكلريوس ولا لغه


انصحك بولايه ثانيه غير نيويورك

[lonly man]

المشاركة الأصلية كتبت بواسطة انا سويت

السلام عليكم...
مرحبا:
لوسمحت اخوي حبيت اسالك عن المعاهد والجامعات اللي بولايه كولورادو
في هذه المدن
COLORADO SPRINGS
BOULDER
DENVER
Ft Collins
لانو انا ان شاءالله حطلع بعثه وابي ادرس انقلش وبعدين اكمل ماستر تسويق فـ انا مو عارفه اقدم ع الجامعه او المعهد ؟؟وهل ممكن الجامعه تعطيني قبول مشروط او اقدم ع المعهد اول؟؟
وايش افضل المعاهد في المدن اللي فوق وهل هي تابعه للجامعه او لا؟؟ وهل يجب ان تكون المعاهد معترف بها من قبل الوزاره او لا؟؟


اسفه ع الاطاله......... والف شكــــــرا اخوي.............

وعليكم السلام


الله يوفقش ان شاء الله في الدراسه

بخصوص المعاهد انصحج بمعهد University of Denver يعتبر من اقوى المعاهد وانا متخرج من المعهد نفسه

او University of Boulder تقريبا في نفس المستوى بس الطلبه الخليجين مخربين شوي بكثرتهم

والتقديم قدمي على معهد اللغه اول عشان الفيزا ودخلون امريكا I-20

ولازم يكون معترف فيه من التعليم العالي


واتمنى اني افدتج

[lonly man]

المشاركة الأصلية كتبت بواسطة النــ فهيــد ــاجعي

لاهنت على كل شي....
انا فني 1 وودي اكمل الهندسه بس ابي اعرف كم مدة الدراسه مع تعلم اللغه...

مرحبابك يا فهيد


انت فني 1 يعني عندك دبلوم وتبي تكمل عليه ؟ اذا بتكمل عليه انصحك تروح بريطانيا احسن لان امريكا ما راح يعادلون لك مواد واجد وهذي مشكله صادفت بعض الشباب الي عنده دبلوم وحولوا بريطانيا

واذا تبي تدرس بكالريوس مده الدراسه 5 سنوات وهي على حسب الطالب الي هي 4 جامعه و سنه لغه

[lonly man]

المشاركة الأصلية كتبت بواسطة الهارون

انا ابي جامعة معترف فيها بس دراستها تكون سهله وحضور في وقت الاختبارات زي مصر وشكراا وطبعن يفضل مو لازم لغه :>

الهارون الله لا يهينك وين ذا الدراسه نبيها تبي سهله وما من حضور ولا تبي لغه قدم على الهند ولا الفلبين ابرك