لــو كــل واحــد يـجـي ودّه عـلــى ودّه...ماطـال صبـر العقيـم لشـوف مولـوده !!

[@الشيــــــــــــنه@]

صح لسان الشاعر : مطــلق بن شـويه


وتسلمين حبيبتي على النقل الراائــع

[بندر]

الحشاشه

صح السان إبن شويه

نقل رائع وذوق رفيع كالعاده .!

لاهنتي

[مهرةٍ اصيلة]

لكنّـه العشـق لامـن زاد عـن حــدّه=ياكثـر ماياخـذ !! ويـاقـل مــردوده
أن حطّك براسه .. ونـواك مـن جـدّه=مايحترم نفسـه !! ولايمسـك حـدوده
.
.

الله .. الله


قصيدة رائعه للشاعر مطلق بن شويّه

صح لسانك يالحشـاشه .. وصح لسان شاعرها ..

وتسلم يمنـاك على النقل ..

ويسلم لنا ذوقك ..



تقبلي كل الود ..
إختك .. مهرةٍ اصيله

[عبرة وداع]

الصدر ممحل غرام .. ومرتـوي صـدّه
والعين غصن السهر فيها ثنـى عـوده

لولاي رجل ٍ محـد وايـق علـى سـدّه
فضحني الشوق في باسـه ومجهـوده !!

أدلّـه البـال بيـن الضيـق والـشـدّه
الوقـت دوّار .. والأعمـار مـحـدوده

لـو كـل واحـد يجـي ودّه علـى ودّه
ماطال صبر العقيم لشـوف مولـوده !!

راعي القناعه ليـا مـن الزمـن حـدّه
يرضى بحـظ ٍ ذخـر جـوده وماجـوده

يابيض الأحـلام لاتمسيـن مسـودّه !!
بشايرك فـي نواصـي الخيـر معقـوده

حي الله اللي عليـه القلـب مـن مـدّه
كنّـه سحـاب ٍ يمـد يديـه للـسـوده

أبطـى وحـس الضلـوع يقـول لابـدّه
رجله على الدرب !! وعيونه على العوده

إيّ بالله أقبل جفـول الريـم مـن قـدّه
يشيـل روض الجمـال بكـامـل وروده

كنّه بيجـزم ولْـه !! وأنـا علـى حـدّه
وأغضيت شوفي يمين شوي .. ياكوده ..

.. إليا تمثنـى قفـص صـدري ولا ردّه
ما ياخذ القلب في رمحين من سـوده !!

اللي قلـوب أكثـر العشّـاق فـي يـدّه
تسعـى لغاياتـه .. وتطّمـح لمقصـوده

لو كان ماهيـب ورث ابـوه عـن جـدّه
لكنّهـا كسـب حجانـه وعنـقـوده !!

سلمتـه الـروح وأغليتـه علـى البـدّه
يرعا مفالي حشـاي .. ويـارد عـدوده

من كثر مـا أتـوق لـه وأغليـه وأودّه
تنقص مقامات بعض النـاس مـن زوده

عليـه الأشـواق .. محتـرّه ومـبـردّه
ويلي على نفحة النسنـاس مـن نـوده

ما والله أقسى على العاشق مـن الصـدّه
الا أن كبـده بحـد المـوس مـقـدوده

لكنّـه العشـق لامـن زاد عـن حــدّه
ياكثـر ماياخـذ !! ويـاقـل مــردوده

أن حطّك براسه .. ونـواك مـن جـدّه
مايحتـرم نفسـه !! ولايمسـك حـدوده

فيه التناقض وجمع الضد مـع ضـدّه !!
حاجات معدومـه .. وحاجـات موجـوده

الله عطا (السوده) اللي ماعطـا (جـدّه)
والله عطا (جدّه) اللي ماعطـا (السـوده)


روووووووووووعه

سلمتي على الاختيار الراقيه

صح اللسان شاعرها وسلمت يمناك عالنقل

احترامي وتقديري عزيزتي

سجليني من متابعي قلمك الراقي

[الــحـشـاشـــه]

شيونـه تسلمين حبيبتي على المرور ..

الله لا يـحرمنا طلتج

[الــحـشـاشـــه]

هـلا بنـدر ..
تسلم مرورك شرفني وتـواجدك أسعـدني ..!

[خـرابـيــط قـلــبـي]

السلام عليكم ورحمة الله وبركاته

أختـــــي : الحشــاشــه,,,, أقل مايقال لذووقش في القصيد
"قــــــــــــــــــمـــــــــــــــــــــــــــــ ه"صح لسان شاعرها .. ولاهنتي على النقل ( عساش ع القوه)

تقبلي تحياتي : خرابيط قلبي

[الــحـشـاشـــه]

مهـرره يا حبي لتس ..

شاكرتلتس مرورتس الكريم ..

لا خـلا ولاعـدم ..

[الــحـشـاشـــه]

جـفلاء ..
شاكــرتلـتس مرورتـس ..

تسلمي على الإطـراء ..

لا خـلا ولا عــدم ..

[الــحـشـاشـــه]

خرابـيـط قلبي يا قلبي أنتي ..

أحرجتيني والله ..

شاكرتلتس مرورتس الكريـم ..

لا تـحرمينا من شوفتس بالمنتدى