|
هية (قرية) للوداعين اهل السليل
في الزمن الغابر غزا قوم من احدى القبايل على رأس عقيدٍ لهم يقال له يحيى وكانت وجهتهم وادي الدواسر وكان طريقهم من تحت العارض جهت الربع الخالي فجاء مبتداهم على الروضه و هو موضع أسفل السليل فوجدوا حلال أهل السليل من أبل وغنم فأخذوها وأتجهوا بها جنوبا مع طريق الفاو لقرب هذا الطريق من عدود المياه وبعد مسيرة يومين وردوا على موقع الماءالمسمى بقرية الجاهليه لسقيا الحلال الذي أخذ من منطقة السليل وقد أخذ بهم الظمأ والتعب وكذلك الأغنام والأبل فقالوا نستريح على الماء هذه الليله والفجر (نغبش) أي نسرح وحين علموا أهل السليل بما جرى على البدوالشوان اصحاب الابل والغنم تجمعوا وأعدوا العده ولحقوا بهم على عد (قريه )ودارت بينهم معركه انتهت بمقتل يحيى وهزيمة قومه وقال فيها عقيد فزعة اهل السليل ابراهيم بن مانع بن عامر بن فايزآل خليف الوداعين قصيدته هذه وكان يلقب بالجبعه ،ويبشر فيها آل حسن من الفرجان الدواسر والبدارين بالنصر:
تهــيض الجــبعه يــنـظـم مثـــــايـلــه =يفرغ بها مــن القلب حامي ملايـله
مثــايل يشــهد بــهــا كــل ســــامــــع=قــولٍ عــلى الافعـــال يعــتز قـايـله
انا هاضـني في الفــجرصياح ريــبــه=يقــول شــواويكم عليــهم هضـايله
صـــيح مصيــحنا ولــبا مشـــــيرنـــا=جـنا كـما سـيل حــدر مــع مســايله
ســندنا مـع الــفاو المســما مــجنــب =حــزت عصير وحقق الــزول زايله
فقال الذي مــا يسعد الــربع شـــوره=قدمــوا السبــورعــلى الماء نخايله
قدمــنا الســبور على الماء فضيــعوا=جباء العد يــوم الليل غبـــاء نثـايلة
ساعة وردنا المــاء إلى القوم فوقــه =والــكل منهم معــلق فـــي ذبــايـله
شبت شبوب الحرب في وقت وردنــا=كم واحدٍ قــــامت تــراعد فصـــايله
نـطحــني( يحيى) مــقدم الـقـــوم كــنـه=هدوده صخاف الشول مقدم مشايله
عطاني سنان الرمح ثم صاب فاطري =يحــرى بعقـــرتها منــجي زمــايلــه
يــافاطري معــهم مطــارق شـــوحط=من ضربها قلب الردي جال جـايلــه
ونــتي حيــاظ المــوت بـتــارديـنــهـا =مــن ذلــتي مـــن جــلس قال قايلـــه
رديت لـهندي(ن) كـمــا نــوض بـــــارق=كما نوض بـرق منشي فــي مخايله
سيـف عــلى ضرب الاعـدى مضراء=مضريه من نضخ الدمى في وشـايله
ضــرب العـــوادي مـن يمين شطيره =منها العـــوادي كثــراتٍٍ كــتـايـــله
فلولا البـنـــادق حطت السيف حــاكل=مــــامنـهم اللي راح يــنقل ســلايـله
ولــولا (..) تنــجوا شــرايــد =غــدوا مــثل حــلم الليل يمحاه قايـله
فـــلا تحسد الاجــواد مــنا ســـــلامه =وذا ســالف الــدنيا والايـــام طــايـله
فــلا مــا تخــلى نـعمة مــن مهــابــه =فـــلا خير فــي دنيا عــلى غير نايـله
(فــهد) محمل خطر(ن)على قــائد العــدا=والاريـاش ما تنـطح وجيـه مثـــايله
سبــع(ن) تسلسل مــن حميد بن مــدرك=مثل الاســد تدري الجــعاري فعـايله
من لاد ودعــان عــمى كــل عــــايـل =كــم عـايل خــلوه يشـكي غــلايــلـه
لا جيــت بمــــدح ذا الـــى ذا طـــوف =رمـاح قــناء من فوق لرماح طايله
فحنا الدوا والداء ولطامة الــــــــعدا =وجرف الوبا ء خطرعلى اللي يهايله
شـــدوا عــلى الحـــرشاء شداد قربه =وزهــبة غــلام العــدو مــا يحـــايله
تنــصـا لــنا فـــي يمــه الجــد لابــــه=(حـــسينة )فــي القفـر ترعى شوايله
ترى كســبهم الافـلاج مدن غدوبـها =واهـلها غدو جيران لـهم في نزايله
عطــهم ســلام من إبــراهيـم وافـــي=وذكــر الفتى فـي مايحصل حصايله
ثــم خلها تمشي عــلى السير مشـمل=تنــصى ابن عم وافيــات خصـــايله
فــلا جيت ابــن بدران تــراني خلافه=أنــا ولــده مــادام نسـمع عــذايــله
أنــا حالف إن أبني شــراع يـــعزهم=شبــط وربــط والعـــدو مـــا نحايله
فـــلا كل من ودعـت يحفظ وداعــته=ولا كــل مــن أرسـلت وصل رسايله
واعذروني ان جاء قصور في القصة او القصيدة
العماني،،،،
__________________
التعديل الأخير تم بواسطة العماني ; 05-10-2004 الساعة 12:16 AM
|
20-06-2004, 06:07 AM
العرض العادي
