")(المـــــــــــــــــــرآجل)("

[سهوم بقعهـ]

السلام عليكم

هذيّ قصيده بعنوآن ")(المـــــــــــــــــــرآجل)("

للشاعر:مطرود المطرود /:/: اتمنى تعجبكم


ورجآء لكل من يدخل يكمل القصيدهـ كلهآ يعني مو يقرا اول بيت بعدينّ يقول يا طولهآ (تعبتّ وانأ اكتبّ) لا جدّ قصيدهـ تحمل معانيّ كثيره اصنآف الرجال (رجآال بكل معنى الكلمه//اشباهـ رجآال)

يلآ اخليكم مع ")(المـــــــــــــــــــرآجل)("
:
:
:


يآ قلب يآ قلب(العنى)يآ معذبّ،،،ياللي عليكـ(الوقت) يآقلب مالا

يآ قلب تشكيّ من(غثى )لوقت متعبّ،،،حالك ودمعيّ من على الخد سالا

اوجسّ تقي الغمر الغضيّ(فيكـ)مشتب،،،يآ المنحجر (بينـ) الضلوع الانحالا

(سهمـ)الدهر مدميكـ يآ قلب معطبّ،،،وصابك(سهومـٍ)غير هذآ توالا

يآ قلب اشوفك تالي الليل تنحبّ،،،نحيبّ(ولفــٍ)فارقت للرحالا

يآ قلب لأجلك تسهر(العينــ)ترقبّ،،،نجم مقابل من شمالٍ تلالا

لأجلك آذلل(كلــ) صعبٍ تصعبّ،،،ولأجلك تسير الرجل شرق وشمالا

ولأجلك نظمت(القافــ)وآحرص وآجنبّ،،،ماينقدهـ يآ قلب هذآ امحالا

صيراف للمعنى بخيصٍ امجربّ،،،واصرف كمآ صرف(الذهبـ)والريالا

حريصّ عمآ يرديّ (القافــ)يشذبّ،،،واحرص على صيغ البيوت الاجزالا

ابيّ ليآ هذت (قوافيهـ)تطربّ،،،وتشوق سامعهآ ليآ جآ مجالا

يآ قلب كانك من (غثى)الوقت تشربّ،،،قبلكـ (قلوبــٍ)وسطهآ الهمّ طالا

كم قلب؟يشكيّ من قريبٍ امقربّ،،،يبور(فضلهــ)رِجحٍ بالاطوالا

تلقاه للقاصيّ (فزوعـٍ) يغربّ،،،يزمر وكنهـ لاكثر الطيبّ نالا

وينسى (جمآيل)لواحدٍ لاجلهـ اتعبّ،،،حالهـ وخيره تم يومٍ تتالا

ليتهـ على فعله بهرجه تأدبّ،،،على (الردى) يبغى يبينّ الخمالا

وكم قلب؟به (نار)المحبه تلهب،،،يشكيّ فرآق اللي كمل بالجمالا

وكم قلب؟(عودٍ)تاليّ الليل يدنبّ،،،يدنبّ دنيب الذيب فوق الجبالا

كبير سنٍ من (القرايبــ) مجنبّ،،،وزودٍ على ذلك (عقوق)العيالا

وكم قلب؟من (جور)اللياليّ تغربّ،،،مضيومّ وقتهـ ولأقشر الهمّ شالا

وكم قلب؟(محزونــ) رجى الله يطلبّ،،،يغفر لمنهو (بينــ)هالقبر حالا

ويآ كم قلب وقلب يشكيّ مصوبّ،،،هذي هيّ (الدنيآ) جواب لسؤالا

ويآ قلب (انأ)بخبركـ واحذر تقربّ،،،من رجلٍ (بواقٍــ) وفيه احتيالا

يآ قلب كم؟رجلٍ من(الطيبــ) يهربّ،،،تلقآه يهرب للعلوم الهزالا

وكم؟رجلٍ في بير (الردى)وسطهآ طبّ،،،ودكـ على (وجههـ) تحط الشيالا

وكم؟رجلٍ(قلبهــ)بالشحاحهـ تِشربّ،،،عن الكرم والجود(صابهــ) اجفالا

وكم؟رجلٍ مابين (القبايل)ينشبّ،،،ودهـ يجيّ بين (القبايل) اقتالا

حقه عقبّ (موتهـ) على اللوح يِصلبّ،،،ومن قبل(موتهـ) ينوطيّ بالانعالا

وكم؟رجلٍ حورف له ولا فاد بهِ طبّ،،،تبغى (ترزهـ)ما(ترزهـ)الاحبالا

ويآ قلب كم؟رجلٍ على الطيب يجذبّ،،،قآع(المراجل)صآل فيها وجالا

ويآ قلب به رجلٍ من(النطقــ)ينحبّ،،،زآنت فعولهـ بالجمال وكمالا

ويآ قلب كم؟رجلٍ صفآ مايخيبّ،،،لو هو عليهآ(الحول)يآ قلب حالا

وكم؟رجلٍ(نفسهـ)له ذلولٍ وتشعبّ،،،يسوقهآ(للطيبّ)سوق الاجمالا

ويآ قلب كم؟رجل(المثل) فيه يضربّ،،،للطيب (راسهـ)للمعاليّ تعالا

هذي( بعضـ) اصنافهم لآ تعجبّ،،،وينبيكـ عن حآل الرجآل الاثقالا

يآ قلب خلك(لليآليّ) اتحسبّ،،،العمر(يمضيــ)والليآليّ اطوالا

خلك(فطينـ)وماجرآلك تجاربّ،،،واحفظ دروس (التجربهـ)لا تزالا

يآ قلب عن درب (المعاصيـ)تجنبّ،،،جنبّ حرآم(الفعل)للي حلالا

احرصّ على اللي تعمله(يرضيـ)الربّ،،،بالله خلك (دوووم)تمشيّ عدالا

امسكـ عرى(التقوى)وفيهآ تقظب،،،واكسب رضى (ربكــ)عزيز الجلالا

لو طآل عمركـ (بالمنيهـ)اتصوبّ،،،مصيرنآ يآ قلب (العنى) للزوالا

وصلاة ربيّ عِد مالحرف يكتبّ،،،على (النبيّ)واعداد حَبَ الرمالا
:
:
:

وسلامتكمــ

القصيدهـ وبكل فخر

>>غير منقولهـ<<

[ريــــــانـه العــــود]

سهوم



الله الله الله
صح لسااااااااااااانه
ولاهنتي على كتابته هالقصيده الحلووووة والله تستاهل انك تعانين لها

[عيد بن شدقان]

يا سلاام


سهوم بقعاا


اختيار رائع


الله يعطيك الف عافيه

[@بنت الشيوخ@]

<<تركض

يااسلاااااام...قمه في الذوق ..يسلمووووو..

صح لسااانش....

لش تحيااتي ياغلا...

اختش...

[سهوم بقعهـ]

يآ هلآ وغلآ

نورتؤ الصفحهـ ولاهنتوؤ ع المرور

بنوتهـ لاحد يطيح على وجهه ثمَ تعنسينّ

تحياتيّ للجميع

[@بنت الشيوخ@]

لا أبد ازهليني..

ياازينش

قصديتش عااجبتني..تقبلي مروري مره ثانيه لاهنتي..

[حـسـن الـحـريـصـي]

يعطيك العافية على القصيدة الرائعة مشكور وصحالسانك وصح السان قايلها واختيا رائع

[! بنت السلاطين !]

صح لسانش اختي سهوووم عالقصيدهـ الروعهـ ....

تقبلي مروري

[سهوم بقعهـ]

المشاركة الأصلية كتبت بواسطة @بنت الشيوخ@

لا أبد ازهليني..

ياازينش

قصديتش عااجبتني..تقبلي مروري مره ثانيه لاهنتي..

يا هلآ ومرحبآ

يا زينشّ انتيّ زينااااااااااااااااااه

حياشّ بأي وقتّ يا الغلا كلهـ

[سهوم بقعهـ]

حـسـن الـحـريـصـي & ! بنت السلاطين !

ألــ000ف شكر لكم ع المرور الا كثر من الرائع

تحياتيّ لكم