الاسلاميين (المطاوعه ) وحب الانتخابات !!!!

[عــــــاقد حجااانه]

الحقيقه جربنا جميع الفئات الشكليه والفئات العمريه من النواب و95 بالميه منهم مامنه فايده

لا هم ا للي طبقوا الشريعه ولا هم اللي وقفوا ستار اكاديمي ولا هم اللي منعوا الحفلا ت ولا

اي حاجه بس فالحين في الكلام وهذي لها اسباب كثيره...



بصراحه ودك اذا المطوع بينزل الانتخابات والكلام هذا يشمل حتى الغير مطاوعه انه يكون

انســـان مالي جيوبه انسان شايف خير ياكل ويأكل غيره بالنسبه له ياكل ماديا بالنسبه للمواطن

يحسن ظروفه المعيشيه حنا الحمدالله في الكويت كلنا ان شاء الله بخير وهذا بفضل الله سبحانه

وتعالى ثم حكامنا ....


لكن انا اقصد انهم يضبطون المرافق العامه البنيه التحتيه الضروريه للفرد من مستشفيات اللي

حتى في الصومال ماتحصلها كذلك الوزارات الغير مرتبه الاسعار المرتفعه وماشابها من امور

تهم المواطن العادي..الخ



لكن لما يجيني مطوع يعني وضعه المادي زفت والانسان معرض للفتنه ومافي اشد من فتنة

النساء والمال النساء نستبعدهم لكن المال شي ثاني !! كثير من المطاوعه المفلسين اللي دشوا

تحت قبة البرلمان اثناء حملاتهم الانتخابيه بيفعلون وبسوون المناكر لأجل المواااطن والنتيجه

سقوط وفشل ذرييييييع في الأداء البرلماني ...


من وجهة نظري المتواضعه ان النائب اللي شايف خير مامنه ضرر او ضرره اقل من المفلس

لأن المفلس تلقاه اول ماينجح يجمع حق كم سنه قدااام وسيييفون على الناخب واللي طلعوه

سواء في الفرعي او الرئيسي ومن لقاها عشى عياله...



عندنا مثال على وليد الجري اللي اتوقع من بعد الغزو الى الحين مافي نائب سوى اللي سواه

يمكن مافيه انجازات على مستوى البلد لأن يد وحده ماتصفق ياجماعه لأن اكثر اللي معه لاهين

بمصالحهم الشخصيه... ويكفي انه يشرف كل مواطن كويتي ماهو مقتصر على العجمي وليد

الجري يعتبر شخص ملتزم دينيا وشااايف خير خدم البلد والمواطن وهو اصلا ماهو في حاجة

منصب او ماااال


وفيه مثال على النقيض والعكس على وليد الجري من غير مااسمي بالاسماء دشوا المجلس

ولحاهم طولها 30 سم والحين صايره كنها موضة ديرتي بالانجليزي !!! وساااحب على الامه

سيفون هذا ماهو نائب هذا ناكب عفش الأمه !! والشرهه على اللي يطلعه هو واللي على

شاكلته وياكثرهم عندنا ...




في الاخير ... انا افضل النائب المحبح عن النائب المفلس وخير شاهد المجلس الحالي احد

الوجيه الجديده اللي ظهرت للقبيله يبصم بالعشره مع الحكومه سواء ضد او مع المواطن دامهم

يدهنون سيره ماعنده مشكله مع انه قايل انه بيمشي على خطى وليد الجري وش جاب الثرى

للثريا



نصيحه: انا لا انتمي لفخذ وليد ولا للمفلسين لكن انت تبي النقاش الصريح وانا عطيتك الصراحه

نبي عضو شايف خير مايهمه مال مافيها شي لو كان قصده منصب على الاقل اهون من المفلس

والله اني اقولها لأني شفت ان الواقع اللي نعيشه كذا وعلى قولة نبيل شعيل


(أما كذا ولا بلاش)




تقبل تحيتي