نغيمش بن هادي الشولاني

[الرازي]

لنا وقفه مع شاعر القبيله ، والفخر ، والحماسه الشاعر نغيمش بن هادي الشولاني الفارس الصنديد الذي أشتهر وانتشر بين القبايل ذكره . كان من أعلى الناس وأندرهم جوداً . نشأ مقداماً غير هيّاب للشدايد قادراً على قيادة الجيوش ، له مواقف عظيمة في ساحة الوغى تلقا منه الأعداء أصناف الهزائم . كما كان شعره أشد من ضرب الحسام على الأعداء له الكثير من الأشعار الحماسية نورد منها هذه المقتطفات .

وربعي مرازيق دوا كل عايل = هرج صحيح واضح وكاد
ذباحه مذبوحه ما يهمها = وعلاج حرب لاقسا وزداد
لاقربت ضو المعادين صوبهم = هذاك ليل عندهم عياد
فيهم مراكيض الزناتي خليفه = وفيهم شجاعة طارق بن زياد

**********

لابد من يوم يجيله مجالي = علمن يعلم به بعيد المطاريش
في ساعه يرخص بها كل غالي = ما يستتر فيها جثيل العكاريش
بجمع اليا منه مشاله ظلالي = حومت منازعهم كما حومت الريش
يقدع شباهم نادر باجتهالي = وقدهم على البيعه حيام معاطيش

********

ليل على ابن سعود يا ليل الندم = ذبح الأصايل والأعمار الطايله
اخوك من ضرب المرازيق انخدم = وطقيت يا شردان وانت اتخايله
عقب التدنجر ما تفكون اللزم = وأرقابكم من ضرب الأيدي مايله

=====

أرجو أن تحوز على أعجابكم

[فهدالعجمي]

الله لايهينك يابو عيد في كتابتك عن نغيمش

وانا من وقت ادور قصايده وياليت تثرينا في سوالفه

وعندي تصحيح لابيات ذكرتها انت

ليل على ابت سعود ياليل الندم ,,,, افنى الاصايل والعمار الغاليه

اخيك اخيك من ضرب المخابط انكتم,,,,وراك تقفي منه وانت تخايله

صابك وصاب اخيك من الموت السهم ,,,,من غير عرف ليتنا في القايله


فهد العجمي

[cool]

السلاااام عليكم ورحمة الله وبركاااته

تسلم ابو عيد على ذي الووقفه والله يعطيك العاااافيه .

اتمنى انشوف منك وقفاااات اكثر ان شاء الله .


كـووول

[راعي العشوه]

لاهنت يا
ابو عيد
على هالوقفه الطيبه
ويليت تكثر لنا من هالوقفات
وتكون مفصله شوي
وتتحفنا بما لديك
ونشكر لك جهودك

لكم تحياتي وإحتراماتي
أخوكـــــــــــــــــــــم


راعي العشوة

[الرازي]

* فهد العجمي
يا هلا وسهلا يا فهد واود ان اشكرك على توضيحاتك.
وبالنسبة لقصايد نغيمش كما تعرف إنها حماسية وتجرح بعض القبايل لذا ترى الكثير منها لم يدون بالكتب ولكن بعض الشيبان لازال يردد قصايده واذا ان يهمك معرف سوالف الشاعر مع قصايد عليك مقابلة أحفاده " آل الشاعر" وهم في منطقة الرقة . لتحصل على مناك . وانا يا اخيك ما عندي سوى اللي امدونها ابن فردوس في ديوانه



* كوووول

هلا بالغالي وانشاء الله راح تشاهد وقفات عديدة للفرسان

* راعي العشوى
تسلم لنا يالغالي وسوف اكثر لك من الوقفات مع ذكر السوالف ان وجدت

ولكم اجمل تحيااااتي