رد اعتبار!

[أم ثامر]

السلام عليكم ورحمة الله وبركاته...
مرت إنسانة عزيزة علي بموقف أثر فيني حيل وحبيت أعرض لكم هذا الموقف وأبي منكم التعليق.....
صديقتي عجمية متزوجة مطيري(ديحاني)..كانت معزومة على عشا عند ناس مطران على شرف سيدة سعودية وأغلب الموجودين كانوا مطران..وأثناء السوالف عن القبايل قالت السيدة السعودية أنا ماأحب العجمان!!!!((طبعا ما كانت تعرف إن في بنت عجمية بين الحضور))...والصدمة كانت إن كل الموجودات بالصالة ضحكوا بطريقة استهزاء وشماتة مو طبيعية((مع العلم إنهم من أهل زوجها))!!!!!!!!!وما لقت احد يجبر بخاطرها أو يحاول يصلح الموقف وماقدرت العجمية اتحمل الوضع...لبست عباتها وانسحبت من المجلس بسرعة..
لما ارجعت البيت بكت عند زوجها لأنها حست إن كرامتها انهانت وماهان عليه إن مرته تنقهر...وقال هالبيتين بنفس الوقت إللي زوجته كانت فيه تبكي:................

من ناسب العجمان ناسب سلاطين=على النقا وأفعالهم ترفع الراس
تاريخهم بين العرب والدواوين=أصل وفصل غصبن على كل الأنجاس
لكم شرف لكم فخر يالدياحين=واللي ضحك يضحك بلا سن وأنفاس

وشرايكم برد الاعتبار هل كان كافي؟؟