بسم الله الرحمن الرحيم
وبعد هذي القصه(السماكيه)على قوله اخوي سعود أي حركه يقول الحركه السماكيه وما دام ان هذي القصه سماكيه المهم:في احدى الايام الباردة وفي شتاء 1425هـ . كنت متزاين بخشتي واراسل (واحد من العيال) على الماسنجر, المهم صرفته وطفيت الجهاز وجيت ابي انام على شاان اقوم بدري واحضر محاضراتي . وانا على فراشي والا احس القمل يتمحرش براسي المهم غسلت راسي بمويه ما نفع بخيت عليه بف باف مافااد قلت ياولد مالك الا الزبيريه. واخذ زبيريت الشايب على شاان لها 45 سنه وهي معه شاريها من جده, الله يرجه شبكشي,ولا يبي يغيرها. الوكااد اني طقيت راسي ونمت. وفي اليوم التالي جت خدامتنا (سيتي)<ياهوه لا تعلم,وصحتني من نومي. قلت:روحي اضبطي الفطوور وباقووم,المهم ضبطت الفطوور, وقمت وغسلت وجهي وعلى طووول سيده لصاله وكان في الصاله كلاً من:ابوي وامي و عمي فيصل و سعود وباقي افراد العائله الكريمة<وربي شله مهبل,وجلست وبينما انا افطر والا الكل يطالع فيني .خ خ خالد!ناظرت لهم وقلت:ايه خالد وشفيكم اول مره تشوفوني طبعا حتى اخواتي الصغار قاموا يصيحوون انا بديت استعجب لامرهم, وابوي يقول:خالد لا لا مو معقول.انا اطالع في عمي واقول له:اخوك ذا موهب راكد لين اطلع جنانه.عمي يطالع فيني ويتنهد .وانا مستغرب وفين دهشه.ناظرت اخوي سعود وهو الي يغمز لي.واطالع في امي وهي الي تطقها بكوه. وشغالتنا طيحت الصحوون بالصاله.بس كني لمحت شي اسوود على كتفي.والمسه بيدي والا والله شعر قمت ورحت لم غرفتي والعائله كلها وراي واناظر في المرايه والا وش اشوووف!!شعري طويل.وفمي صغيروخدودي حمرا.واناظر يديني واركز فيها والا هي ناعمه واناظر صدري.واطقها بكووه.لا لا لامستحيل.تحولت إلى بنت.لاهذا الي متفقنا عليه.المهم ابوي بدت تشرق عيونه.واخوي سعود.وعمي.عند الباب يتنهدوون.ناظر لهم ابوي وعيونكم ماتشوووف الا النووور انواع الترفيع لين طلعهم برا الغرفه وقفل الباب قال لي:تعال اجلس وتعوذ من ابليس,المهم جلست وقال : يا.والله مدري اقولك يابنيتي والا ياوليدي؟قلت:لا يبه قل يا بنيتي<يقولها وهو يبكي ,قال:تذكري وش سويتي البارح؟ قلت: ابد ماسويت شي كنت على النت اسولف انا وخويي,المهم ما دريت الا وابوي يناظر فيني بحقد,قال:نعم وش كنتي تسوين البارح,قلت : يبه هذا خويي اسمه عبدالله اقسم بالله انه خويي وبعدين انا كنت اسولف معه وانا ولد موهب بنت وبعدها نمت وصحيت ولقيت نفسي على ماني عليه الحين, قال :ايييه طيب الحين انت تحولت إلى بنت ومالك امل ترجع مثل ماكنت عليه انسان منهبل مافي مخ مسطول وسربووت وراعي بنات لكن الحمد لله انك صرت بنت على شاان نزوجك ونفتك منك <وربي قمه الحقد الحين متبي توديني للمستشفى عاجبك وضعي هاااه طيب طيب المهم تم الاجتماع من قبل كلاً من : ابوي امي عمي فيصل اخوي سعودوانا خالد الرياض سابقاً وخلوود حالياًً وتقرر في هذا الا جتماع:1-ممنوع خروج خلوود من البيت .2-ممنوع الذهاب الى الجامعه والدراسه بتاتً ياخلوود.3-ممنوع حمل الجوال داخل البيت ياخلوود .4-ممنوع الانتر نت داخل البيت او خارجه ياخلوود .5-ممنوع استعمال التلفون وخاصه اخر الليل ياخلوود.6-ممنوع الخروج بدون محرم ياخلوود .7-ممنوع التكيه عند باب البيت ياخلوود.<كل شي خلوود خلوود يعني مافي رحمه!طبعاً انا انقهرت من الحظر الي مسوينه علي . وكل شوي داقه وحده من ديرتنا والا من الجيران واخوي سعود يرد عليهم ويتميلح وانا اناظر فيه مقهور واقوله:هين انت وجهك اذا ماجاء ابوي واعلمه عن سوالفك انت والشغاله.طالع فيني وقال:يعنني ماكنت معي.وربي حسيت ان وجهي قمط وان ما عاد لي داعي بالبيت.جلسنا انا والعائله المصونه بالصاله نتابع برنامج الاتجاه المعاكس.وبينما ابوي متحمس مع البرنامج جرتني امي الله يطول بعمرها لم غرفتي.وقالت:بكره نبي نرووح لسووق على شاان نشتري لك ملابس وبناطيل ونبي نرووح لم مشغلنا واخلي الكوافيره تضبط لك شعرك,انا طقيتها فرحه وقلت اخيراً بارووح مشغل امي وربي لااشبك العاملات الي فيه كلهم<طموح قروي لا تشرهون.المهم جينا من بكره وبعد صلاه العصر دقت ساعه الذهاب الى السووق. وادق العبايه من فووق الراس والبرقع. وشنطه الكتف والا بدولابي علك .واخذ وحده واول ما طلعت من باب بيتنا والا انواع الجحلط اخوياي . وربي يقزوون السرنبت<عليك اخوياء بعد وربي عليهم اسماء اجل واحد تسمونه ابو راس والثاني عبسي والثالث بيومي والرابع الصعيدي والخامس بعروص.ركبت الموتر واناظر موتري وهي عيني الي تدمع.اتجهنا الى السووق مع ابوي العزيز.المهم حطنا بسوق الفيصليه وقال:انا باروح عندي شغل إذا قضيتم دقوا على جوالي. وفحط بوجينها وراح المهم دخلت الفيصليه من اوسع ابوابها وفيني رجفه وربي لو اني قلبت من نغمه الى هزاز كان اصرف.قالت امي:هاه وين تبينا نرووح المكياج اول والا الملابس.عاد انا يعجبني مكياج البنات والي يحطونه على وجييهم قلت:لا يمه المكياج اول.رحنا لم المكياج واصك لي بأ نواع المكياج شي اصفرشي بني شي فسفوري<وربي مجاز جيزاني يؤيؤيؤوربي مجاز جيزانيه نسيت اني بنت, وانواع العطوور وجل للشعروطلعنا لم الملابس واصك بجنز وحركاات وتنانير ورحنا للمحلات الداخليه بس ماني معلمكم وش اخذت ,ناظرت وراي والا القى محل عبايات قلت: يمه ابي عبايه جديده عبايتي هذي كنها حقت شغالات, قامت امي وقالت : بس ابشري كم عندنا خلوود,وربي صكتني الغبنه بس اني استانست اول مره اشري حاجات كثيره,واشري ذيك العبايه الا محد قد لبسهامخصره واطق العبايه والطرحه والبرقع والملكي شي علي,وارمي القديمه بالكيس, واطلع من المحل على حبه ونص,واقز ذاك الطخمه من اول الفيصليه ناصيني,مع انه كان في شباب كثير بس وربي هذا الي دخل مزاجي ويناظر فيني ويبتسم عاد انا مسويه فيها بنت فاهمه الحركات قلت بقلبي خلني اسوي ثقل,جاء من جمبي وقال:صحيح الزين ما يكمل وراح انا بديت استغرب من كلامه قلت يؤ هذا ما يبي يرقمني والا شكله مسوي فيها اسلووب جديد ,المهم التف الولد وجاء مره ثانيه من قدامي وقال : واثقه ماشاء الله ناظري تحت وش لابسه برجلك,المهم ناظرت وليتني ماناظرت!زبيريه طلعت بعد هالكشخه كلها لابس زبيريه , واتل امي على اول محل جزم وانتم بكرمه واطق لي ذاك الكعب الي كله كرستال وكم صندل معه وكم بووت,وامي تصرف اللبناني الي يبيع وانا افصخ الزبيريه والبس الصندل<وربي امه جريه مثله ونحاسب اللبناني ونطلع والقى هذاك الولد الي معلمني وياشر بالجوال.واقول بقلبي هذا الي بيسعدني ويتزوجني وافتك من اهلى وبثارتهم وربي ان اخليه يكتب بيت اهله بسمي,واشر له ويجي من وراي ويذب الرقم بالكيس الي كنت ماسكه بيدي اليسرا. قالت امي:هاه يمه باقي تبين شي , قلت:لا يمه دقت على شايبي وجاء اخذنا للبيت واول ما وصلت والقى عمي واخوي عند الباب وادخل بسرعه لم غرفتي واقفل الباب بالمفتاح واخذ اطلق لبس معي وتدق علي امي الباب قالت:يالله على شاان عمكٍ بيودينا لم المشغل على شاان شعرك ٍ.قلت:انشاء الله يمه والبس عباتي.واركب سياره عمي الي هي كانت سيارتي.آة ياسيارتي رحنا لم المشغل واستقبلتني اللبنانيه وقالت:اهلين وسهلين بالحلووه مين هاي دي يأم خالد؟قالت امي:هذي بنت الجيران جت معي بتزين شعرها على حساب المشغل اهتموا فيها وعيونكم ماتشووف الا جل شعر وحمام مغربي وفرد وقص واستشواار وخلصوا وربي اني طلعت اطلق من نانسي عجرم<بس وربي مامداني اخذ رقم اللبنانيه,ورجعنا لم البيت.وعمي يناظر فيني ويتهند <ابوك يالشفاحه.مسوي فيها انا ثقه وتكيت مع امي لين الساعه وحده.وقلت: يالله باروح انام .المهم ناموا الي في البيت ومافي احد صاحي غيري.والقط رجلي على الصاله واسحب تلفوون البيت على غرفتي واخذ رقم الولد الي مرقمني <يؤيؤ,كاتب على الرقم محمد المهم دقيت عليه وكان الخط مشغول وادق مره ثانيه ويردانا:الووووالسلام عليكم. هو:هلا عليكم السلام. انا:محمد. هو:هلا معك محمد من انتي؟
انا:تذكر اليوم وين رحت ؟ هو:انتي الي بالفيصليه؟ انا:ايه. هو:هلا ومرحبا تو مانور جوالي برقمك. انا:الله يسلمك.
وبينما نحن نسولف ومندمجين ويقووم ويغلط علي.
قال:الا تعالي يالغبيه احد يلبس عبايه ويلبس معها زبيريه!!
انا:اقول اركد لا انتفك على خشتك بوحد وربي ان يجيك عقده من خشتك .
قال:وربي حسيت انك جيزانيه من اسلوبك يالبثره<<خكري.
انا:اقول وربي ماودي اوصخ لساني بس اقلب وجهك يالخكري.انا بقلبي قلت خلني اصارحه من بدايتها واشوف وش بيقوول لان الصراحه من البدايه حلووه!
انا:شف يامحمد انا كنت في احدى ايااام الرحمة ولد وتحولت الى بنت!
سكت محمد حتى اني حسيت اني اسمع صووت قلبه يدق بسرعه!
قام وضحك قال: نصابه! انا:والله والي لا يخلي لي شبابي اني كنت ولد,
قفل الخط بوجهي قلت بقلبي:يمكن انقطع الخط خلني ادق مره ثانيه ..
دقيت والا والله الجهاز مغلق<ضاعت احلامي لا هو الي بيكتب البيت بسمي ولا هو الي بياخذني من بيت اهلى اصلا ماراح يفتح جهازه,
ومن اصبحنا والا إلاقى عمي فاقً خشته ومتكي بالغرفه ويتنهد, صحيت وانا اصارخ وكنت لابس بجامه وهو يقززز فيني المشفوح.حاولت بشتى الطرق اني اقضي يومي بدوون ما اشبك النت في غرفتي او اني افتح بريدي الالكتروني جلست على هالحال أسبوع كامل معاناه قويه كل يوم احاول اني اهرب من عمي واخوي وفي يوم من الايام احتريت إلى الساعه وحده بالليل اشتقت لنت ويجيني عمي وهو الي يلخمني قال:ابي اشووف موقع واحد من العيال وش صارعليه يقولون انه انباع بخمسين مليوون!
وانا والله الي افتح النت وانواع التصفح وافتح الماسنجر والا والاقى خويي عبدالله الي كنت اسولف معه قبل ما اتحول, ويولكمني بالماسنجر وانا الي بديت اتذكر وش صار بذاك اليوم المهم سولفنا شوي وماحاولت اني اتعمق معه بحكم ان عمي جمبي وان خويي يعرف من خشتي ان محمد تكر لاعب الاتحاد اصرف مني. طلع عمي ولقط سلك التلفوون معه وراح يبي ينام بس الي بديت استغربه ان النت فصل<يعني لو انك مركب النت عن طريق الاسلكي كان اصرف ,وانا الي بدا شعري يحكني وطلعت لم دوره المياه واغسله. ولا فااد وبدا يحكني بقووه واخذ بف بباف وارشه على خشتي.والا مااش زادت الحكه وشوي واخذ زبيريه ابوي واصفقها براسي وانام وفي اليووم التالي , جت الشغاله وصحتني من نومي<الله من شغاله وربي انها تلووع الكبد الا في احد يتعطر ب ريد مبيد الحشرات,المهم انا مثل كل بنت بريئه رحت لم دوره المياه وانتم بكرام واخذت دش ورحت لم غرفتي اركض على شان عمي واخوي لا يشوفوون المشافيح, وادخل في غرفتي بعد كل المحاولات الي قاموا بها وبأئت بالفشل(بيني وبينكم رموا على رصاص مطاطي مافاد رموا علي بعض قضائف ار بي جي ما فااد)نشفت شعري ولبست اطلق لبس شريته من الفيصليه.ولا حطيت مكياج على وجهي مسويه فيها لبنانيه الله يصلحني واحب الوجه يكوون صافي بدوون مكياج او ميك اب.وارووح لم الصاله وادخل واجلس بجمب امي. وامي تقول لي:تبين حليب والا شاهي ؟وارد عليها بكل ثقه:لا شاهي! وشوي والا امي تنطل ابريق الشاهي وابوي يناظر فيني وعيونه تدمع وعمي فيصل يناظرني وهو خايف وسعود غطى وجهه خواتي الصغار جوا لمي ولا خافووا مثل العاده .والا ابوي يقووم ويحضني <بس خليته عااادي ابوي ويمون,وامي تصيح وانا مدري وش السالفه والا عمي فيصل يقول:خالد وشفيك لابس ملابس حريم !انا:وشهوا والله اني استغربت من سواله .ورحت لم الغرفه واناظر والا والله اني رجعت مثل ماكنت عليه ولد والله والد.ههههه المهم رجعت حليمه لعادتها القديمه سهر وفله حجاج. بس ابوي سالني عن سر التحوول..وعرف من سالفتي انها زبيريته العجيبه. وراح وغيرها وشراء جزمه وانتم بكرامه وعلى الله لا اخذها في يووم واصفقها بخشتي ,وطلعت لشارع والله والقى اخوياي المشافيح ويسالوني: وين الناس ياخالد والله افتقدناك؟ المهم اني صرفتها وقلت اني كنت بالشرقيه < هشوى ان حدك الشارع العام الي بالبديعه وترجع البيت , ورجعت حياتي آة ياحياتي وموتري ياآآة ياموتري رجع لي وصار عمي فيصل على الموزين <<خخخخخخخخ. هذا وصلى الله على نبينا محمد.
منـــــــــــــــــــقولـه
11-05-2006, 03:41 PM
العرض العادي
