اعرف شخصيتك من سيارتك

[عجوز الجماعه]

كابرس .............> شخص شديد و شعبي و تحب الفزعة و لا تحب الميوعة
>
>كريسيدا ............> مهبول و حق فرفشة و سعة صدر لكنك مخفة
>
>مازدا ............>تحس دائما أن ودك توقف عند الأشجار ( بدافع غريزي كون أن معك بقرة)
>
>قولف............> شكلك مليان زيها ودبدوب وتروح البولنق
>
>باسات............>لحد يتكلم شي مره كووووووول ويحق لك تشوف نفسك
>
>بورا...............> شكلك حق قهاوي ومفلس انت والكرتونه حقتك
>
>مكسيما ...........>طايش و متهور تظن أن معك فيراري عشان كذا دايما داعس على البنزين للآخر
>
>ألتيما ...............> نويعم دايم تمشط شعرك عند الإشارات
>
>هوندا اكورد .........> مصدق نفسك أن سيارتك شخصية
>
>بي أم دبليو ..........> ياهووووووووه من قدك
>
>كاديلايك .............> تفرح بالمطبات عشان تطامر
>
>ددسن .............> تحس أن أسمك هيثم و ودك تشرب كابتشينو دايم
>
>لنكون .............> سياره بنااااااااااااات ولاسواق الشانزلزيه التحليه
>
>فياقرا ...........>ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون
>
>افالون............>حق ناااااااااس خاطبين ويبغوا الاستقرار
>
>صني .............> خفيف وزن و عقل في نفس الوقت
>
>بيوك .............> عندك كرشة تروع
>
>بنوفيل .............> دمك ثقيل و وزنك اثقل
>
>لاند كروزر ........> فنان تطعيس بس الأخلاق تجارية
>
>روفر ..............> الله يخلف عليك
>
>هوندا سيفيك ........> مشغل نفسك كل يوم تغسلها و تلمعها
>
>اس تي اس .........> كل يوم رايح للوكالة عشان يا تصلح يا تسوي لها صيانة
>
>سفاري .............> تحب الطواقي الزري و الدخان
>
>سوبربان............> تجمع شباب حارتكم عشان تدورون في الأسواق وتزعجون خلق الله
>
>كورولا .............> أكبر ما فيك رأسك و مع ذلك ما تستخدمه
>
>سوبارو ............> رياضي و تحب المشاكل
>
>سدرك .............> موسوس و بخيل
>
>زد ................> مشبوه و عند كل نقطة تفتيش الله يعينك
>
>موستنج ...........> تظن إن الناس تناظر و هي معجبة مع أنها في الحقيقة تتحمد عليك
>
>جاكوار ............> مسوي فيها فاهم و أنت ما في راسك
>
>بيجو ..............> فاهم الدنيا غلط
>
>جمس صحن .......> عصبي و مرجوج و قمة سعادتك أنك تحدد خلق الله
>
>كامري ............> مقتصد في الفلوس بس مسرف في البربرة و السواليف
>
>لكزس 400 .......> دايم مهدي و راز خشمك بس في النهاية ما معك إلا تويوتا
>
>أودي .............> شكلك شخصية و ثقيل بس إذا تكلمت خربت الشغلة كلها
>
>تيرسل .............> تحب تفرفر بين السيارات و تزعج الناس بالهرنات
>
>ميركوري .........> شايف نفسك و مغرور
>
>كراون .............> حبيب و هادي
>
>كرايسلر ............> غثيث و عله
>
>انفنتي .............> رسمي مهتم بشكلك أكثر من عقلك
>
>كابرس أس أس .....> خفيف دم و مجلسك ما ينمل منه
>
>جيب شروكي .......> مجنوووووووووووون بر و سوالف
>
>هوندا ليجند ..........> تحب القافة والتلفت على خلق الله
>
>سزوكي ...........> تحب تدور وتسعسع
>
>ايسوزو ..........> مكروه من قبل الناس لأنك ببساطة كتمت أنفاسهم بالديزل
>
>لكزس 300 .....> أنيق و جذاب
>
>كراون فكتوريا .....> مجنون كورة و تحب الفصفص
>
>هونداي ...........> مزعج خلق الله بالمسجل ...كن محد عنده مسجل غيرك
>
>لومينا ............> وش حليلك بس المشكلة أنك متعصب بزيادة لناديك
>
>شبح .............> مشخص رغم أنها راحت عليك تلاقيه مشتريها مستعملهه

[saprj]

يعطيش العافيه يا عجوزنا على هالموضوع الطريف

و التحليل القيم للشخص من نوع سيارته ...

و الحمدلله إن سيارتي ما جالها اسم و أفتكيت من تحليلش.

[جويات الهمل]

شكرا ياعجوز ولكن عجوز عصرية ،، أنا أخبر العجايز ما يعرفون إلا اللوري والهاف والسيارات القديمة ،، إظاهر أنت عجوز مراهقة من شارع التحلية إلى العليا والتخصصي،، على العموم موضوعك حلو وتشكرين

[سراب الصيف]

هههههههههههه عجبتني هذي :
>مازدا ............>تحس دائما أن ودك توقف عند الأشجار ( بدافع غريزي كون أن معك بقرة)
الحمدلله ماني راعي مازدا ... مشكوره ياعجوز الجماعه بس مع الاسف ماكتبتي اسم سيارتي

[معد الامير طلال]

الاخت عجوز الجماعة ومنورة المنتدى
بارك الله بكي ونعم منكي
والحمدلله انا عندي لاندكروز 2005 وانتي ادكولين الي عند لاندكروز
لاند كروزر ........> فنان تطعيس بس الأخلاق تجارية
اخوكي

[الفصيح العامي]

مشكورة ياعجوز الجماعة
ولو إن الموضوع هذا مهوب من تخصص العجايز !!!!

لكنه فعلاً موضوع طريف تستاهلين نشكرش عليه***

[نواف الضاعني]

مشكورة ياعجوز الجماعة

مع خالص تحيات
(نواف الضاعني)

[قبلةالعجمان]

عساااج سااالمة

[alaajm]

الحمد الله أنا سيارتي حـــوت مو فياغرا بس إني اجاكر ويا الكوابرس واللي صنعها

شكراً على الموضوع الرائع

[خطـــ عرجاني ـــير]

يا عجوز وش عرفش بالسيارات انتي حدش

ددسن موديل 79 وتروحين عليها للغنم ,هههههههههه

انا الحمدلله سيارتي بيتل ,,,,,

بس الظاهر انش خبره بالسيارات وتعبثينها بعد ...

بس باقي سيارتي ما ذكرتيها ليييييييييييييييش؟



ولش اطيب تحيه من ولدش / الدحمي................