مات الجمر وقلوب الاحباب حيه ,

[السنـــــافية]

مسـاء الخير


رائعه من روائع الشاعر حمد السعيد اتمنى انها تحوز على اعجابكم

مات الجمر وقلوب الاحباب حيه=والموت لاماتت قلوب الحبايب
ياشيشتى لو فيج ذنب وخطيه =معاج احس انى عن الناس غايب
العام كانوا لى من الاصحاب ميه=وقت الرخا لكن جفو بالنوايب
لاهنت ياقلب شكا من خويه=كم راس من طعنات الاصحاب شايب
مرات اقول ان الخبل ياهنيه=ولقيتهم يشكون ظلم القرايب
ومرات اقول النذل لارحم حيه=واثر النذل فى بعض الاوقات صايب
يانفس شيليها على السامريه=شيلت طرب ماعاد فيها طلايب
وش لى بتنبيه القلوب العميه =وحنا فى هالدنيا دروب وركايب
ابتغزل فى هذيك البنيه=بنت تفل القلب فل الذوايب
كم بعثرتنى وجمعتنى هنيه=بنفس المكان اللى جمعنا غرايب
ياضعفها معهم وعندى قويه=منها غدى ثلثين قلبى خرايب
مرباعها بين العيون الشقيه=ومقيضها بين الجروح العطايب
ماقول يذبح زينها بس هيه=تلفت لها قلب عن الحب تايب
ولاقول مغروره ولاهى خليه=فيها دلع طفل تبناه شايب
جمال نجد وفتنة حايليه=وش جمع الثنتين فيها عجايب
اليا قبلت بين حسنات وسيه=ياكثر ذنبى بين طيب وغصايب
وليا دبرت فى دمعتين نديه=قلب معاها وقلب فى الصدر ذايب
راح العمر مابين روحه وجيه=ياكثر غلطاتى ولانيب هايب
شب الجمر مادام الاشواق حيه=وطف العتب والعمر ضحك ومصايب

__________________

[الهدهودي]

صح لسانك اختي السنافيه ولاهنتي يالغلا
على ذا القصيدهـ وعساش على القوهـ
الهدهودي

[السنـــــافية]

صح بدنك

وتسلم على الرد

[قبلةالعجمان]

السنااااافية
دااااايماً مبدعه
لاهنتي على الاختيار الراقـــــي ..

[السنـــــافية]

قبلة العجمان

تسلمين على المرور العٌطر

لاهنتى يالغلا

[عـزام]

السنافيه

اختيار مميز وابيات رائعه

صح السان الشاعر حمد السعيد

ولاهنتى على الاختيار

[ناصر بن فالح]

اختيار رائع

صح لسان حمد السعيد

ويعطيج العافيه على النقل

[السنـــــافية]

الأروع مرورك ياعزام

كل الشكر لك

[السنـــــافية]

الله يعافيك ارسطو

[# عاشقة المحاوره #]

ماقول يذبـح زينهـا بـس هيـه
تلفت لها قلب عـن الحـب تايـب
ولاقـول مغـروره ولاهـى خليـه
فيهـا دلـع طفـل تبنـاه شايـب



السنافيه أختيار رائع لشاعر أروع


وربي ذووووووووووووووووق