من صاحب هذا القصيدة يا اخوان هل هو تميمي أم خالدي؟!

[خيال اكروش]

الخوة الكرام ارا الموضوع اعطى اكثرمن حقه القصيده لشاعر الشيخ محمد بن جارالله البحيح المرى ولقصيده موثقه فى تلفزون قطر

[شيخ الشيوخ]

الآن اصبحوا ثلاثة !

الشيخ محمد بن راشد الراشـد آل بوعينين

فهيد بن صبيح العجمي

الشيخ محمد بن جارالله البحيح المرى

فأين الصواب؟

الأخ خيال كروش ولا يهون الجميع , متى قالها ومناسبتها وذلك للافاده ؟

ملاحظة : كعادة اخواننا المشرفين في تقصي مشاركات(ربيعهم)وحذفها وتعديلها واستثناء الأجناب , أنوه الى أني أوردت وصلة لادعاء الأخوة في موقع آل بوعينين بما يخص موضوعنا وتم حذفه من قبل الأخ بن عجمي وفقه الله .

وتحياتي للجميع

[بن عجمـــــــــــــى]

الاخ شيخ الشيوخ
قد اوردت السالفة ودللت بوجود ادعاء عليهاا ونقلتهاااقى مشاركتك ولا يحتاج للتدليل عليــــــــــــــــــه
بوضع رابط لانه يمنع ذلك
واتمنى من الجميع بان نحسن الظن باخوانااا
جزاك الله خيـــــــــــــر
وبانتظار التوضيح من الاخوة المشاركيــــــــن
والافادة
والله يعطيكم العافيـــــــــــــــــــــــة جميعاااااااا

[نـاصـر]

بالنسبه لي ياشيخ الشيوخ

انا قد رميت جميع اوراقي في هذا الموضوع وهذا اللي عندي واتمنا اني افدتك

ونصيحه مني لك انك اتشوفلك احد من شيبان العجمان اللي حافظين العلوم الاوليه

والله لايهينك على كل حال

[شيخ الشيوخ]

الاخ بن عجمي الله لا يهينك على كل حال ومن زود الميانه يا أخوك

الاخ بن هادي سألت الشيبان وما لقيت جواب شافي وبعضهم يقول مري وبعضهم يقول عجمي يعني عشان كذا أنا أستفسرت ولا هنت على كل حال مع انه الكاسيت ما يعتبر دليل وأشكر الجميع

[محمد المحفوظي العجمي]

القصيدة إما لابن صبيح العجمي أو لابن جارالله البحيح المرى وهي قد تكون للأخير سيما وأن قصته المرافقة للقصيدة معقولة وهي كما نقلتها باللون الأحمر من أحد المنتديات:



هذه القصيدة حسب ماهو معروف عند الكثيرين للشاعر الشيخ محمد بن جار الله الحسنا البحيحي المري.
مر على الدوحه ابن جار الله وابن نديله وجميعهم من آل مره ،و ظلعت ناقة ابن جار الله ، وحاولوا يعالجون ضلع الناقة ، ولم يجدوا علاج لها ومروا على الشيخ عبدالله بن جاسم آل ثاني أمير قطر ذاك الوقت وطلب ابن جار الله منه ناقة وعطاه وتوالدت عنده الناقة ، وفي احد مشاويره على الناقة وسلايلها انشد هذه القصيدة:

ياراكب اللي بعيد الخط يطونّه=حراير ٍ من ضرايب جيش ابن ثاني
من الثميلة ديار الخل يوطنّه=لا روحن بالوصايف جول غزلاني
تكفون ياهل النضا سجوا عليهنّه=سجوا ولجو وسيور العمر فاني
ولابد من خلقة بيضا على السنّة =والموت من قبلنا ما عاف راكاني


وكون هذه القصيدة لشيخ يدعى محمد راشد البوعينين واربتاطها بقصة خرافية عن تأديب آل ثاني لأحد القبائل - والمقصود بها بالمناسبة العجمان كما هي رواية البوعينين - وغزوهم في وادي العجمان قريبا من الصرار يحصر صحة نسبة القصيدة إما لابن صبيح او بن جار الله .

[الجلمود]

لاهنتويااخوان

[زبون المراجل]

لاهنتوا كلكم .. وصح لسان بن صبيح
اخوكم زبون المراجل

[عــقــاب]

اخي شيخ الشيوخ الأخوان ما قصّروا فالردود و الأدلاء بمعلوماتهم ..
اللي اعرفه و اسمعه من شيباني و شيبان العجمان و متعارف فيه عندنا

إن صاحب القصيدة سعد ابن فهيد ابن صبيح آل مرود آل ضاعن العجمي
وليس ابيه .. و ابيه فهيد شاعر ايضاً و لكنه مقلّ او لا نعرف من قصيده الا ثلاث قصايد..

اما سعد شاعر مجيد و له قصائد كثيره و انا قد اوردت بعضها في المنتدى
(معركة كسر العراص)(مغزى خزّة)(معركة الوفرا)(قصيدته فمحمد الدامر)
و له غيرها كثير من القصايد ..



و هذي القصيدة حسب ما أحفظها

يا راكب اللي بعيد الخد يطونّه=حراير ٍ من ضرايب جيش ابن ثاني
مْن الثميلة لدار الشوق يلفنّه=لا روّحن بالوصايف جول غزلاني
تكفون يا الظفران سجّوا عليهنّه=سجّوا و لجّوا صيّور العمر فاني
لابدّ من خرقة ٍ بيضاً على السنّة=و الموت من قبلنا ما عاف راكاني

و معركة الثميلة لا اعرفها ولا سمعت عنها و أظنها تأليف

اما عن سؤالك ما علاقة جيش ابن ثاني ؟؟؟

سعد ابن صبيح كان يتمثل بالجيش فقط ..

و يحتمل انه كان يملك شي ٍ من جيش ابن ثاني

لأنه صاحب علاقه مع محمد العبدالله الرشيد و الملك عبدالعزيز و ابن ثاني

و يذكر ان محمدالعبدالله الرشيد ارسله لابن ثاني في قطر بمراسيل

و تباطا ردّها و حنّت ذلولها من جلوسه في قطر

و رجع على ابن ثاني و يستعجله رد الخطوط

قال ابن ثاني : امسك الله يكفينا شرك انت وياه << يقصد انت و ابن رشيد

و قال فيها قصيدة
منها :

عجّل برد خطوطها يا ( ابن ثاني )=طريقها اللي جات منّه دعاها
قامت تحنحن فالبحر بالتفاني=حنّت و أنا اللي داري ٍ وش بلاها
ملّت ديار مكّبرين الصياني=مخاشرت خطارهم في قراها
مهوب بغض ٍ غير أبي قضي شاني=و من لا يبدّي حاجته ما قضاها
لي فاطر ٍ لشدادها مولهاني =قطع الخرايم منوة ٍ من مناها
تجفل ألا من شافت الصبح باني=تضحي و هجّتها على مستواها
و أنا ليا هجت فاطري مطلباني=يا سعد من ركبها و أعتلاها

و في غيرها يقول :

أليا بغيت الدرب صمّلت ممشاه=و لأحد ٍ عذلني قلت : أنا أبخس بروحي

و في غيرها يقول :

مالكم على جيش ( الشيايبن ) ماجوب = اللي خذينا و أشهب الملح دونه

و في غيرها يقول :

يا جعل (خشم العان) بعد القطيفي= و ( مغرزات ٍ ) بعد (صفوى) و (الأوجام)
أحبها من شان ريف الضعيفي=ولاّ أنا من ( ديرة ٍ حضرها يام )

( ديرة ٍ حضرها يام = الأحساء )

و له قصايد كثيره و معروفه لدا اكثر العجمان

و ولده حسن موجود الله يطول عمره (90 تقريباً) و اللي يبيه يروح يسأله عنها ..

عذراً على الإطالة
و شكراً

[الجلمود]

لاهنتو وارجوالتوضيح