اين انتم يامرشحين القبيله والدستور يهان

[محمد بن فراس]

السلام عليكم ورحمة الله وبركاته

الكل يعلم مايحدث هذه الايام من تنقيح للدستور والرشاوي الحاصله في مجلس الامه المختطف للاسف من رئيس الوزراء ونوابه الانبطاحين الذين يقدمون له السمع والطاعه وهم سبب هذا الفساد الحاصل .

ومن نواب العجمان لايوجد الا اثنين واثنين اخرين قد اعطو رئيس الحكومه صك الولاء ويساندوه والطرف الاول تجدهم مع السعدون مسلم البراك والحربش والمسلم ومحمد هايف والطبطبائي والصواغ احرار المجلس والطرف الاخر اصبحو مع معصومه وسلوى ورولا ومخلد وغيرهم من النواب القبيضه وشتان مابين الاثنين !

موضوعي لا اوجهه للنواب لان اثنين من النواب لا اعترف بهم ولايمثلوني اما الصيفي والطاحوس اقف لهم كل احترام وتقدير واتشرف بتمثيلهم لي والاهم من ذلك وهو صلب الموضوع لمرشحين القبيله ،، اين انتم يامرشحين القبيله والكويت تصرخ تناديكم لماذا لا نرى الا 2 او 3 من المرشحين اين البقيه لماذا لايحضرون مع اخوانهم ويساندوهم في ضيقتهم لماذا هذا الصمت وعدم الحضور ؟؟

هل باعتقاد مرشحينا ان الانتخابات توجيب الاعراس وصلخ الذبايح هي التي توصله لمجلس الامه فقط !

مالفرق بينكم وبين مرشحين مطير الذين تجدهم في كل موقف متواجدين لانريد منكم المشاركه بل الحضور وحده كافي للاسف بالانتخابات التشاوريه يصل عددهم 30 الى 40 وعندما تنتهي لاتجد الا 2 او 3 !!

الا ترون تصريحات اذناب الرئيس والاشمئزاز منا !!

الا ترون نواب الشيعه وعلمائهم يصفوننا بالغوغائيين والتخريب وهم يقولون في احداث البحرين انها سلميه ووطنيه !!

الا يرضيكم كلام المتعنصريه وصحفهم ووصفنا بالهيلق والفكر القبلي لان المعارضه الحاليه من يقودها البدو هل يرضيكم كل هذا !!

يامرشحينا في هذا الوقت نحتاج الى حضوركم والمرشح الذي لايحضر ويفزع للكويت لن نفزع له مهما يكن سواء من اقرب الناس لي او اغيره ليعلم ان الترشيح يحتاج رجال تقف في مثل هذه المواقف الصعبه وتخاف الله في الكويت ولايقتصر فقط بحضور المناسبات .

فاتمنى بالايام المقبله ان نرى من مرشحين القبيله الحضور والتواجد في الندوات وعدم الجلوس في بيته وان يساند اخوانه في هذا الموقف لان اخوانكم بحاجه لفزعتكم لمصلحة الكويت وارجو ان تصل الرساله لجميع المرشحين ويصحو من السبات العميق الذي هم فيه .

[# أم أطياب #]

بغض النظر عن كل ماقلته

ومالي شغل بفلان وعلان

بس سؤال بسيط

شنو كنت تبي منهم خاصه في هذي الايام

اقتحام مجلس الامة كأننا قاعدين في غزو

بصراحه ماهو هالشي اللي بيخليكم تاخذون حقوقكم وحرياتكم كما تعتقدون

ياخي بلعنته المحمد ومن معه خلهم يبوقون ويسوون كل شي بذمتهم

حنا مو عايشين واحسن عيشه بعد

شنبي اكثر من كذا

اوكي انا معاكم بنعدل البلد

نعدلها بشكل حضاري ليش نخلي الامير والناس يمسكون علينا ممسك

ليش نخليهم يصير عندهم ممسك بكلامهم لما قالوا هيلق لأن فعلا كان تصرفات يوم امس هيلق للأسف

اكتب والقلب موجوع عالبلد مابين عيالنا ومابين كويتنا

الله يستر علينا ويستر على كويتنا

ترى الكويت أمانه

اقتحامات تذكرنا بأيام صدام والغزو العراقي لاحول ولاقوة الا بالله

خلوا عنكم التشره للاعضاء اللي ماحضروا ولحد يحط بذمته انهم ماقتحموا وغزوا عشانهم مع المحمد

الله يهديكم

لو سمحت ابن فراس الرد ماينحذف منه حرف

مو تقتحمون وتظاهرون بإسم الدمقراطيه

اذا ابي امارسها في هذا المتصفح

[العــــديم]

في الحقيقه اشفق عليك من توقعك بتغيير مواقف نوابنا الإنبطاحيين والمتعاونين مع حكومة الرشاوي والفساد !

هؤلاء لاحل لهم الا بحل المجلس ..
وإختيار نواب يمثلون القبيله أحسن تمثيل ترتفع به رؤوس القبيله وتفتخر به !


حسن الاختيار في الانتخابات القادمه مسؤولية كل ناخب حر .. حتى لانرجع للتباكى مره اخرى على مواقف نوابنا المتخاذله !!

[# أم أطياب #]

اوكي انا معاك

ابي المجلس ينحل

وابي نااااااااااااااااااااااس جدد

يدافعون عن حرياتنا بطريقة حضاريه

وكل عضو من اعضاء القبيله من الحين اقول الاعضاء الاربعه الحاليين والله والله ولاصوت يطلع مني لاحد فيهم عشان تتأكد اني مو مع احد فيهم

انا مع الكويت

[محمد بن فراس]

ام اطياب

اول شي ليش نمسح ردش ماسبيتي او قلتي شي غلط وسياسة المسح لانستخدمها الا في حال السب .

انا تمنيت ماتنظرين من طرف طيب ليش ماتسالتي الناس ليش سوت هالشغله !؟

ليش ماقلتي المجلس مختطف من النواب القبيضه وليش ماقلتي عن تنقيح الدستور اللي صار وليش ماتكلمتي عن ضرب المواطنين ؟؟

اللي حدث امس ماهو الا لتوصيل رساله وبالعكس لايوجد اضرار او تخريب لتقولي فعل هيلق هذا بيت الشعب الكويتي ؟

وبعدين اذا على قولتش تحبين الكويت ليش عميتي الموضوع على الاربعه ليش ماخصيتي الاثنين !!

وانا اعلم والكل يعلم ان مواقف الاخوان الصيفي والطاحوس لاغبار عليها ولم يقفو في يوم ضد مكتسباتنا ولو فيه موقف واحد بس كان ايدت كلامش** والموضوع رساله لابناء القبيله وليس للنواب

[الـعـابـر]

بيض الله وجهك يابوشافي على كلامك الطيب

[فيصل بن حجرف]

الكلام وين مرشحين القبيله
وين مثقفيها وناشطيها السياسيين
اشهر والبلد تغلي وماشفنا منهم احد
لا نواب سابقين ولا مرشحين ولا ناشطين ولا اكاديميين
ماعدا اكاديمي واحد فقط مع الحكومه على قناة الكويت الان يدافع عنها ويبرر لها

[محمد بن فراس]

العابر ووجهك يابوفهد

فيصل بن حجرف

للاسف يابوعبدالله هنا التساؤل اين هم في هذه الازمات الصعبه سكوتهم يعني انهم راضين بالفساد الحاصل ومعنى السكوت انهم مؤيدين للرشاوي وغيرها وهذا منهجهم للترشيح ونحن لاندخل في ذمة احد ولكن سكوتهم عن هذا الفساد يثير الشبهه حولهم للاسف ونتمنى ان تصل الرساله لهم ونرى التغير في الايام المقبله

[# أم أطياب #]

محمد بن فراس

أنا معك .... مقتنع هالدار
ناصر المحمد .. مدوخها !!!!!

بس بصراحه على اللي صار ..
هالمره !!! الشعب مصخها ..!

[محمد بن فراس]

مصخها بسبة النواب اللي معه بالصح والغلط

والشعب اللي وصله هالمرحله سبب الفساد وعدم تطبيق القانون انتو انظروها بهالنظره لاتشوفون شي وتخلون شي