|[هآك آلنصيحه كل ماضآق صدرك.. ردّد [سبع مرات] آستغفر الله ]|

[Rathath AL:aml]

.

.

[Rathath AL:aml]

.

السلام عليكم ورحمة الله وبركاته
صباحكم / مساكم
رضى من المولى ..

المنيو ][

-رز المندي
- مكرونة الباشاميل
- مكرونة الصوص المكسيكي
- صينية الدجاج بالكاتشب
- كوب القرصان
- التوست
- بسبوسة الجالكسي
- حلا البسكويت ~> اسرع واطعم حلا : )
- كيكة النسكافة
- كيكة التوفي
/
\
/
\

زر المندي ][
1/ تفرمين بصل ..
2/قدر على النار .. فيه زيت او سمن فارم [ اطعم ] .. والبصل المفروم ..
وملعقة كبيره ملح --> لكل صحنين رز .. شوي قرفه .. شوي هيل .. شوي ثوم [ بودره ] ومع مويا ..
3/ أحط الرز في الصينية .. و اصب عليها اللي في القدر
واقصدرها ][ طبقتين ][ .. وبالسكين تكون في الشكل السابق ..
4/ أجي للدجاج هاللحين ..
][ م /ص ملح .. م/ص بهارات .. شوي فلفل أسود .. وشوي حبحر .. خل .. ليمون.. وشوووي مره صفار الزعفران ..
مع شوي مويا .. وتخلطيها وتتبلي الدجاج فيه ][ او تجيبي دجاج الوطنيه الجاهز..
وتحطينها فوق القصدير ..
وتدخلين الصينيه الفرن .. وتكوني مشغله عليه من قبل .. حار ..
وتشغلي عليه من فوق أول .. اذا بدت يتحمر الدجاج ..سكري عليه
قصديرها .. وشغلي عليه من تحت لين يقرب يقضي الرز ..
وارجعي مره ثانية وافتحي عليه من فوق لين تتحمر الدجاج قوه ..
واذا انتهى وجيتي تبي تقدمينه .. اخلطيه قبل تنكبينه ..
وبالعافيه على قلوبكم ..

مكرونة بالصوص المكسيكي][
اسلقي مكرونه بمويه وملح و شوية زيت ..
و اذا خلصت .. اخلطيها ب شوي قشطه وجبن ..
دجاج الصوص المكسيكي ..
الصوص :
م ك زبادي
2 م ك جبن سايل
1 م ك خردل
1 م ك ما يونيز
3 م ك صويا [ انا افضل الحلوه ]
نخلطها ونتركها على جهه ..
نقطع صدور دجاج
بصل شرائح
فلفل رومي شرائح
الطريقة ][
نشوح الدجاج بزيت زيتون على نار هادئه ..
ونحط عليها البهارات [ ملح - فلفل اسود - بهارات ]
ونضيف البصل والفلفل الرومي .. والصوص عليه ..
واخلطيها مع المكرونة .. ودخليها شوي بالفرن ..

مكرونه بالباشاميل ][
اسلقي مكرونه بمويه وملح وشوية زيت
الحشوة
نصف كيلو لحمه مفرومه .. غسليها وصفيها
بصله مفرومه
رشة ثوم بودره
بهارات مطحونه
شوية كركم
نحمس البصله مع شوية زيت على النار لين يذبل
نحط اللحمه والبهارات والكركم والثوم عليها ونغطي القدر لين تنضج اللحمه على نار هادية ولمن تنضج نخليها على
جنب
الباشميل ][
ملعقتين طعام دقيق
كوب ونصف كريمه خفق
ملعقتين جبن سايل
ملعقه مايونيز
مكعب ماجي
فلفل ابيض
ثوم بودره
ملعقتين زبده
4 ملاعق حليب بودرة
2 كوب حليب سائل
أخلطيها بعدين حطيها على النار لين تغلظ
خذي شوي من الباشميل واخلطي به المكرونه وحطيه بالصينيه
بعدين حطي اللحمه
بعدين صبي الباشميل
وعلى الفرن والنار واطيه
وذوقي احلى مكرونه بالباشميل

.

[Rathath AL:aml]

صينية الدجاج بالكتشاب ][


دجاجتين تقطعينها أربع أو [ افخاذ] وتبلينها لمدة نصف ساعه [ بملح وليمون وخل وفلفل أسود وشوي زبادي ]
بعدين تضعين الدجاج بصينيه
وتقطعين فوقه [ بصل شرائح وفلفل رومي شرائح ]
ثم تضعين فوقه
كاتشب/علبةزبادي/٢م مايونيز/١م خردل/٢م سومطره/صلصه/ملح/فلفل أسود/ليمون/شوي موي/














التوست ][ خطيره ..


الصوص ][
1 م باربكيو
1 م صويا
شوي ملح
شوي فلفل اسود
بيض
ذره حليب
كاتشب
شطه بداله حطيت [ حبحر مطحون ]
تخلط وتغمس التوست
وبالمقلاة او الصاج مع شوي زبده .
تحشينها ][
برجر مقلي ... مايونيز بالليمون - خس - طماطم - شريحة جبن .
او ][ [ وهذي اطعم ]
بدجاج صدور نفس حشوة الدجاج بالصوص المكسيكي ..
و قبل التقديم حطيها بـ الآله ..





كوب القرصان ][


- قرصان حجم صغير [ بقوالب الكب كيك ] ..
- خضار مقلي [ قرع - جزر - بطاطس - كوسه ] ..
-دجاج مقطع صغير [ طريقة الصوص المكسيكي ] ..
ونحشيها بالقوالب ..
تخلط [ قشطة + جبن ] وبالوجه ..
وتدخل الفرن شوي ..











.

[Rathath AL:aml]

بسبوسة الجالكسي ][ لذيذه ..

المقادير :
3حبات بيض + رشة فانيلا
فنجال شاى زيت
علبة قشطة نستلة ~> وبنفس العلبة نعبي
(2/1 1علبة سميد + 2/1 علبة جوز هند + 1 علبة سكر )
1ملعقة طعام نسكافية
1ملعقة طعام كاكاو
1ملعقة طعام باكينج بودر
التغطية :
علبة حليب نستلة المركز المحلى
2 جلاكسي سادة
اول شي نسخن الفرن على درجة حرارة 180 وندهن صينية متوسطة بقليل من الطحينية
والان نبدا بخلط المقادير السائلة مع بعض ثم نضع عليها الكاكاو والنسكافي ونخلط حتى يذوب النسكافية قليلا
ثم نضع عليها المقادير الجافة ونخلط جيدا حتى تتجانس ثم تصب في الصينية وتدخل الفرن حتى النضج
والان بعد ان استوت وطلعناها من الفرن نضع عليها النستلة ممكن العلبة كلها وممكن نصف العلبة طبعا يرجع لذوقك عن نفسي حطيت نصف العلبة ثم برشت
واحد جلاكسي على وجهها وتركتها حتى تبرد ثم برشت الثاني وقطعتها وقدمتها





حلا البسكويت ][ ~> اسرع واطعم حلا : )

المقادير :
بسكوت ريتز
حليب نستله
حليب محموس
شعريه محموسه بزبده
جالكسي ساده
الطريقة :
بسكوت ريتز أغمسيه بنستله
بعدين بحليب محموس بعدين شعريه محموسه
بعدين صفيه بصنيه وذوبي جالكسي وشكليه فوقهن ..
دخليها الثلاجه شوي .. وحطيها بالاكياس الصغيره




-

كيكه النسكافه .. رووووعه .. ومو حاليه ][

المقادير :
4 بيضات
1 كوب سكر بودر
1 كوب زيت
1 كوب حليب سائل
2 م ك نسكافيه
2 م ك باكينغ باودر
2 كوب دقيق

الطريقه:
نأخذ الحليب السائل ويسخن حتى يصبح دافيء قليلاً ثم يوضع معه النسكافيه
ويحرك حتى يذوب يترك جانباً حتى يبرد نضع البيض والسكر مع بعض ويخفق
حتى يصبح كثيف ثم يضاف له الزيت والحليب يخفق قليلاً ثم نضيف الدقيق والباكينغ باودر
بالتدريج مع الاستمرار بالخفق يوضع الخليط بالتساوي بين صينيتين أو ثلاث
ويدخل للفرن على درجة حرارة متوسطه بعد أستوائه يخرج ويترك على رف معدني حتى يبرد
نقوم الأن بتحضير الصوص التالي :
2 م ك سكر بودر
2 م ك نسكافيه
2 م ك قشطه
نص كوب حليب سائل بارد
نص كوب حليب نستله مركز محلى
1 ظرف دريم ويب أو أكثر حسب الحاجه
يخلط الحليب والنسكافيه في الاول ثم تضاف بقية المقادير ونستمر بالخفق
بسرعه عاليه في وعاء ضيق حتى يتكاثف الخليط ويثقل قوامه
وممكن تزيدين كمية الدريم ويب لوتحبينها ثقيله
..
نقوم بوضع طبقه من الخليط على وجه قالب الكيك ثم تضاف طبقه أخرى
من الكيك وطبقه أخرى من الخليط ثم الطبقه الأخيره من الكيك ثم يصب بقية الخليط
على الطبقات الثلاث ويتم ترتيبه حتى تصبح جميع الجهات مغطاة بالكريمه

~> هينا ماحطيت الا طبقتين : )





كيكة التوفي ][

المقادير:
1 كوب طحين
1 قشطه
3 بيضات
ثلث كوب زيت
1 ملعقه كبيره باكينغ بودر..
ا كوب سكر..
فانيلا ..
الطريقه:
ف البدايه نضع البيض+الزيت+السكر ف الخلاط..ونخلطهم..
بعدها نضيف القشطه..الطحين يكون منخول ومخلوط معاه الباكينج بودر..
ونخلطهم الى ان يتمازجوا<<متعوب عليها
نضعها ف بايركس او صينيه مجوفه من الداخل..
وندخلها الفرن لمده نص ساعه بدون مانفتح عليها ..
نجي لطريقه التوفي:
2 بياله او كأس شاي سكر
علبه قشطه واحده..نضع السكر ف مقلاه ساخنه الى ان يذوب تماما ويصبح لونه ذهبي وسكري!
وبعدها نضيف القشطه ونخلط ونخلط صحيح بيتلكع ويتجمع بس نخلط نخلط الى ان يتمازجوا
وبكذا يصير عندنا خليط التوفي.. نصبه على الكيكه من بعد ماطلعناها من الصينيه ..



[/center]

انتهى : )


‏​‏​‏​‏​[نسعى، نطمح، نحلم، نتعب، نشقى]
كـله بـأجر !
كلـه بـ صبر ..!
كلـه وقوده [ثقة] بما عند الله ..!
/
\
فإن لم تصل لما أردته من الدنيا ..
فلا تحزن .. !!
كـل عند الله مُدون ..
و لن يضيع ما بذلت !
/
\
لا تحزن .. فإن [ الله أكبر] ،
أكبر [مني] و [منك] ..
أكبر من [أملي] ومن [أملك] ..
/
\
أكبر مما نعتقد ..
[الله أكبر]!! وما عند الله [أعظم]

[» ά6L8ħM]

ماشآء الله عليتسَ

بجججد كل طبق أحلى من الثآني .

والحلآ ككله عجبني وسهله طريقته

بس بغيت اسأل عن المندي : الرز لآ بغيت أدخله الفرن يعني يكون ب قدر وإلا صينيه واحط قصدير وفوقه الدجاج ؟

جعل ربي يوفقتسَ ويعطيتس ألف عآآفيه

ششكرآ

[%الماسه%]

يعــــــــــــــــــــــــــــــــــــــــــــــــ ــــــــــــطيج الف عافيه روعه الطبخات كلها ,,سويت حفظ عشان الطبقها
تقبلي مروري.

[شِقاوَي]

ياحلات الصحييييين

عوافي عليكم
وبثبته يومين عشان تستفيدون
وعشانه متعوب عليييه الموضوع !

[Rathath AL:aml]

.


|| » ά6L8ħM||

بس بغيت اسأل عن المندي : الرز لآ بغيت أدخله الفرن يعني يكون ب قدر وإلا صينيه واحط قصدير وفوقه الدجاج ؟

الرز يكون بصينية المعدن اممم دايم تجي ومعها غطاء ~> نسميها عندنا مطبقيه

ونصب فيها اللي بالقدر [ المويا ] ..

اسعدتيني بطلتك ودعوتك يالغاليه ..

لاهنت ِ ولا عدمتك ..

ودي لك ِ ..


.

[Rathath AL:aml]

.



|| الماسه ||


يعافيك ربي من عذابه يالغاليه ..

طبقي وعطينا رأيك

و فيه منيو ثانيه ان شاء الله : ) ..

نورت ِ يالغلا بحضورك الجميل ..

الف شكر لك ِ ..

لك ِ ودي ..


.

[Rathath AL:aml]

.



|| خلنا نتفاهم ||


تسلم اخي الكريم على تثبيتك ..

لاهنت .. ولا عدمناك ..

دمت بخير وعافيه ..


.