شعراء من العجمان وهم .....

[ابو ندا]

السلام عليكم ورحمه الله وبركاته وأتمني أن يعجبكم


شعر الشعران هادي المسيحير وليل المتلقم

هادي المسيحير

هادي المسيحير من آل معيض , وهو من فرسان العجمان , وشعرائهم



ليل المتلقم

ليل المتلقم من مشايخهم , وفرسانهم , وشعرائهم ومن شعر ليل المتلقم قوله :
------------------------------------------------------------------------------------

سمي نصاف السدى يابو فرج 000 حبه خذا منى حتيني وماج

لي صاحب يرجى وأنا مثله أرجى 000 الله لا يقطع رجا كل راجي

أبو قرون كنها ذيل مرج 000 أو ذيل شقرا غطس في العجاج

وأبو نهيد مثل بيض الجبرج 000 وألا الزبيدي في دهاكيل ثاج

-------------------------------------------------
شعر صالح بن خدعان العجمي

هذه القصيدة للشاعر صالح العجمي يمدح فيها فدغوش بن شوية السبيعي من شيوخ سبيع , بمناسبة الجيرة والأخوة , ويطلب منه في هذه القصيدة المساعدة على خطبة امرأة له , وقد حاول الشيخ فدغوش أن يحقق طلب أو (( نخوه )) صالح , وهي عادة عند العرب في ذلك الوقت 0000 فقال صالح :
-----------------------------------------------

ياراكب حر الى ما تنحي 000 خطر على الكور الموسر يروح

زين الترايب والنحر والملحا 000 يشدى فريد ذيروه السروح

أول نهارك مشى من غير لحا 000 وتاى نهارك خل نضوك يروح

ولا شبيت العرق والظهر محا 000 لازم تشوف البيت والا الشبوح

شبوح من هم يبعدون المنحى 000 لا قام براق الوسامي يلوح

لا صاح صباح وهي بالمضحي 000 تسابقوهن كاسبين المدوح

تكافخت بطبولها كل سحا 000 قحص المهار وكل غوج ندوح

كم واحد في وردهم له مدحا 000 ترعا بهم خطو الفتاة الطموح

هم اندب الممدوح لين يتوحى 000 فدغوش زين الجاذية والرجوح

أشكي عليه اللي جديله تنحى 000 على الردايف غادي له سبوح

أعوى عوا ذيب عقب نحى 000 عن الشوادي طروته النبوح

----------------------------------------------------
شعر الشيخ جرمان

يعتبر جرمان العجمي من كبار شعراء , وفرسان وشجعان وشيوخ قبيلة العجمان , وعندما كبر في السن وكف بصره , أرسل له أحد أصدقائه ويسمى (( عبيان )) هدية , وكانت عبارة عن قهوة وهيل , فاعتذر المرسال وسأل صاحب الهدية , وقال بأنه لا يعرف الشيخ جرمان , فقال له عبيان :

اذا وصلت الحي اسأل عن الشايب الأعمي 0

ولما وصل حامل الهدية الى الشيخ جرمان , وعلم منه أن صديقه لم يصفه بميزة غير العمى والشيخوخة , ونسي صفاته البطولية , رمى بالهدية في النار , وقال هذه الأبيات :
------------------------------------------------

يا راكب من عندنا عيد هيه 000 حايل ثلاث سنين واليوم حايل

ملفاك عبيان حمى دقلة الفلا 000 لا قلدوا لباتهن الشلايل

ظفر الى غطا السبايا كراره 000 ثم صار دم الخيل مثل الوشايل

قليل هدات الضحى وسط مجلس 000 لا قطع الفزاع ثوب المفايل

صديق عبيان دفع لي هدية 000 ولا وصف جرمان وافي الخصايل

أشوف دنيانا علينا تغيرت 000 عذرا تدور في بعلها البدايل

عشنا بها يوم تلينا زمامها 000 ويوم تلتنا واسعفت للمخايل

ياما غلبناهم نهار بركضه 000 تلقي قطيع الحص فيها همايل

يا سعود أبا أوصيك مني وصيه 000 والأجواد ما تنسى وصاة الأوايل

أوصيك لا تصلح وربعك تحارب 000 ولا تتبع الهونا تحوش الفشايل

والثالثة بالضيف في ليلة الدجا 000لاخلوا الضيفان بعض الهزايل

والرابعة بالاجنبي لاوزي بكم 000 لو قام عامين فلا بد شايل

ومن طق كلب الجار قد حس باله 000 وبكوة غرير الجار تحمي الجمايل

------------------------------------------

[الجـــــــــادل]

لاهنت ويعطيك العافيه

[ابن مكتوم]

لا هنت يا هايف السفراني على المشاركه الرائعه











بن مكتوم

[أبو الوليد]

لا هنت يا هايف

والموضوع المفروض انه يطول اكثر من كذا

وانت ما قصرت والبركه في الشباب

[سلطان بن جفن]

حبيبي نسيت الكثير والكثييييييييييييييييييير اين واين واين \وين راكان وين عبلان وين الخيف وين عامر بن جفن وين منصور بن منيخرالي يقول ياليتني وياه حطيت في غار ===لوكان قبر الثنين ماهيب سنه000 وين ابن فاضل وين ال معيض اهل الخير وهل وهل وين شعارهم وين سلوم وين راشد المعيضي وين براك بن جفن وين العويمر بن جفن سامحك الله مع انك من ربعن ايحفضون السوالف وكل جدانك فريس وشجعان ونت ان شالله منتب قاصر منهم

[وردة&العجمان]

السلالالام عليكم


شلونكم وشخباركم

وشلونك يابن جفن والله والنعم باللي قلته كللله

ورجال معروفين

وحتى هايف السفراني ماقصر ويشكر على الموضوع

بس اذا يسمحلي ارد بالنيابه هو ذكر في عنوان الموضوع شعراء من العجمان


وحط تحت من ستين خط

وانا عندي لك تعقيب يا بن جفن وين اشعارك سمعنا ياخي اشعارك وانا اعرف انك شاعر كبير وجزل

تحياتي الحاره لكما
دمعة^الوادي

[فتى الوادي]

يعطيك العافيه يا هايف وماقصرت
يالله حي سلطان بن جفن وش اعلومك
عندي طلب يا ابن جفن ولا تردني ابي قصايد اسلوم وش الي تعرف منها اكتبه وابي وين احصلها الله لا يهينك واتمنى تلبي طلبي


شكرا

[فتى الوادي]

السلام عليكم

هذه القصيده قالها الفارس والشاعر سلوم العويض ال سفران
يرثي بها الشيخ راكان بعد موته وتقول القصيده



عند الضحى عدية في راس مابان======اخذ جديد القاف واترك زملها

يامل قلبن في ضحى اليوم مشتال=====اشوف ايديني ماتركب عجلها

يا قلب يالي غزته شوق الاقصان=====من جاه يخلصها شكامن وشلها

قالو حزين قلت للجنه احزان=======واشوف انا كبدي تزايد زعلها

ياموت مادورت لفلان وافلان=======وخليت زيزوم السبايا واهلها

خذيت شيخ في القتا يذبح الضان======وان شاف عذفه من سيفه حملها

زيزوم قالات وزيزوم فرسان========صبار لا ثقلت حمول نقلها

ياليت نفسه في شراريب الاثمان ======والا انها تنباع نفسي بدلها

نبقي العوض ياشيخنا عقب راكان=====ابو فلاح مخلي سلجها من ثقلها

خذيت والشيخه مواريث جدان========في السيف والناموس وانت من اهلها

يا شيخ حنا لك على الاج مخوان======وانت قريب قلبه وحنا بدلها

حنا لكم درع على الراس وامكان======ومنا حراب القوم دقمن عسلها

خطر سوايدناعلى كل فجيان======في مستوى حدا جبل من سهلها




وياليت من الاخوان الي يعرف التكمله حقة القصيده يكملها الله لا يهينه

زيعطيكم الف عافيه

وشكرا

اخوكم : فتى الوادي

[فلاح بن ملبز]

السلام عليكم ورحمة الله وبركاته

مشكور يا هايف على هذا الموضوع بس بغيت افيدك بمعلومه انك نسيت شاعر كبير من شعراء العجمان وهو :

الشــــاعـــــر:عـبـيـد بن صمعان آل هـــادي

وهو شاعر لا ينسا ولقد توفى في حرب العينه

[someone]

السلام عليكم ورحمة الله وبركاته .هذى قصيده لشاعر عبيد ابن صمعان قاله قبل معركت كنزان مفتخر بافعال ربعه يقول عبيد ابن صمعان رحمت الله عليه

لابيلينا بالحرايب متقينا سايمي <ن>ارواح <ن> سوم الجلايب كم حفيف <ن> نسهجه لامن مشينا جمعنا في اليل جرل كل عايب كان ابو تركي يقول انه يبينا حاضرين له قله لايغايب نرجو ان حكمه زواله بين ادينا مثل عمه يوم جيناله سبايب