طباشير..!

[فهيد بن سالم]

تقول :- مابي اشوفك في حضن غيري
والمضحك العين شافتها بحضن ثاني !




.

[فهيد بن سالم]

( زادوا ) جروحي بالقسى ثم غابوا
...............ما قدّروا قلبي , وخاطر شجوني !

يا ليتهم قبل الغياب ( إستتابوا ) :-
...............كان إعذرتهم دمعت ٍ في عيوني !



.

[فهيد بن سالم]

بشر نحبّ الحكي والخاطر مروّا
...........وكم من خطآ من صفيحة حكينا زالق

( فلان ) سوّا كذا وفلان ما سوّا
...........وفلان دايم بطرْف لساننا ( عالق ) !

أنا أشهد إنّا سلالة آدم وحوّا :-
...........مانترك علوم خلق الله على الخالق !



.

[فهيد بن سالم]

لا تحسبيني يوم ودعتك ( العام )
..................( مابي ) مواصلنا وكاره صفاتك !

لا والله ( آحبك ) وزفرات الأحلام ؟
..................ما عندها إلا ( حبك ) وذكرياتك :-

سلّمت طيفك لـ( الليالي ) والأيام
..................عساك من بعدي تشوفي حياتك !





.

[فهيد بن سالم]

كل المشاعر ياحبيبي ( تحبّك )
..................وهذا لساني لا نطق يحكي فيك !

أول كلام الشوق ( أنا أحبّك ) :-
..................وآخر كلام الحب ( الله يخليك ) !



.

[فهيد بن سالم]

( رسايلك ذكرياتك ) وأجمل سنيني
.................( وجرحك وصدتك ) اللي مالها سبّه

أسمح ليّ أقول لك ماعاد تعنيني ,
.................شف شخص ثاني أناني مثلك وحبّه !




.

[فهيد بن سالم]

أنتي زعلتي البارحه من كلامي :-
..............وجوني ينادوني السحور ، وتعذرّت !

واللي يحز بخاطري يا ( غرامي ) ؟
..............أنك ( تسحرّتي ) وأنا ما ( تسحرّت )

على العموم أنا بكمّل ( صيامي )
..............والله يكتب ليّ الأجر لا ( تفطرّت ) !




.

[فهيد بن سالم]

كان يسأل عن اسباب إنعزالي ،
...............لا يتضايق ليا جته ( الملامه )

( كان ) غالي , ولا يزال غالي :-
...............له على كل ما فيّ ( إحترامه )

لو جوابه صدق وأقنع سؤالي ؟
...............ماتردد قبل ينطق ( كلامه ) :-

لا يحسب المحبه راس مالي ,
..............راس مالي من الدنيا الكرامه !



.

[فهيد بن سالم]

من ( الحسِد والحسّاد ) مافيه أحد سالم
...............لو إنك ضحكت إيقال شوفو ضحك سنّه

ولو الحسِد أجر من غير لا تدري العالم ؟
...............ثلاِث تربع العالم تبي ( تدخل الجنّه ) !




.

[فهيد بن سالم]

حبيبتي تختلف عن كلّ محبوبه ,
.................بلسانها العذب لا أسترسل وسكّتني

( الجادل ) الذرب ولا الفاتن العوبه
.................هيّ هي لا روّحت هي هي لا جتني

تكره دروب الشعر لا شافت دروبه
.................وما حبّت الشعر إلا يوم ( حبّتني ) !




.