طباشير..!

[فهيد بن سالم]

بديت ( قلبك ) , وحطيتك على راسي
..............وتصد عني تقول ( آسف على ازعاجك )

لوكان بك ذرة أحساسٍ من أحساسي ؟
..............ماكان صديت ( ونفسي حيل تحتاجك ) !





.

[فهيد بن سالم]

حتى لو اني ما أقبل العذر قوله :-
..............يمكن ما اصدق بس ما اقول ( كذاب )

لـ الحين ( قلبي ) ، ما تغير ميوله
..............اللي حصل ( لوم ومشاريه وعتاب ) !

عيبٍ علي ارجع , واخون الرجولـه
..............وأجرح شعورك جرح يا سيد الاحباب !







.

[فهيد بن سالم]

شف على كثر ما واجهت ناس , وناس ؟
...............( توّي ) أشعر بتعذيبي ( وحرماني ) !

من شربت ( المفارق ) ذاب بيدي كـاس
...............ومن عرفت المحبّة ( زادت احـزاني ) !





.

[فهيد بن سالم]

منهو يقول اليوم ذا ( يشبه ) الآمس
..............ومنهو يصدق بعـد كذبك ( حلـوفك ) ؟

يا مضيّقين البال فـ ( الخاطر ) العمس
..............( أنته ) وعذالـي , وباقي ( ضـروفك )

زعلان منك واصفق الخمس بالخمس
..............( خسارتـي ) كلك , وربحي طيوفك .!

من غبت عني بيني وبينك الشمـس
..............أسمع صدى صـوتك ولا اقدر أشـوفك !





.

[فهيد بن سالم]

الجادل اللّي إملكت خفوقي عرضٍ بـ طول
..................ليا جرحتني ، يطيب ( الجرح ) من طبّها !

وليا همست لي عتب يغار منها ( العذول )
..................بـ ( عتابها ) تاخذ الضـيقات , ( وتكبّـها )

في ضيقتي تصنع مْن الحل ( عدّة حلول )
..................مهـما يسبّ ( المحبّه ) قلبي ما سبّها .!

أنا وقلبي إتفقنا .. كل دقيقه ، نقول :-
نحبّها
نحبّها
نحبّها
نحبّها





.

[فهيد بن سالم]

لا تجين شوي , وشوي ترحلين !
.............إلزمي من ( يعشقش ) مهما عثر :-

آآه لو تدرين بـ ( القلب ) الحزين ؟
.............ما ( يساوي ) كثر دمعاتي ( كثر ) !

لا إظحكت دنياي شفتش تضحكين
.............ولا زعلت ما شفت لش أية ( أثر ) !




.

[فهيد بن سالم]

انتي لـ شعري ( ركن غالي وهادي )
..............ماشفت مثلك فالبشر مرهف احساس

ما انتي بـ ( عاديه ) ولاني بـ عادي :-
.............ولا نشابه فـ ( الهوى ) باقي الناس !




.

[فهيد بن سالم]

على ما تبي هذا ( وصالي ) وذا فرقاي
................( تخيّر ) حداهن دامنا فـ ( أول العشره )

صراحه , وقول اللي توّده وجيب الراي :-
................على شان لا نضمى المشاعر ولا نشره !




.

[فهيد بن سالم]

البارحه ما هل ْ دمع , وتضايقت
..............البارحه كانت ( فرح ) وأنت غايب

صّدقت بإني كنت أحبك وصّدقت
..............بـ/ إني أنا وياك كنّا ( حبايب ) .!




.

[فهيد بن سالم]

يا لوعة العاشق , ومرسى الشعور الأخير
.................وشلون ما ابقى معكف اللين والا القسى ؟

وانتي ( محط إهتمام ) لـ ناس غيري كثير
.................وانا ( محط إهتمامك ) في صباح , ومسا !




.