طباشير..!

[فهيد بن سالم]

( القلب ) من دون نبضه ، كيف يحييني ؟
.............هل يا ترى لا رحل نبضه يجي ( ثانـي ) ؟

لاتقول وش فيك عارف إنت وش :- فيني
.............يعني غريبه , إذا أضحك مع ( أحزاني ) ؟

برهن لي إنك كبير .. وغيب عـن ( عيني )
.............ولا إكفني شرّ كل حاجه , ( وإنساني ) .!



.

[فهيد بن سالم]

سيّدتي :- لاتفسّرين رجوعي إليك سابقاً بـ/ الخضوع ،
وإنما لأسترجع قواي فـ ( السهم ) يجب أن يرجع إلى الوراء لكي ينطلق إلى الأمام





.

[فهيد بن سالم]

توك تجي و تقول انا ماأقدر انساك ؟
................وتقول لـيّ :- ( ليتك و ليتك وليتك )

وانا ما انام ( الليل ) لا مر , طريـاك !
................ومن , وين ما وجهت وجهي لقيتك !

إلى هنا وقف , وشف جرة ( إخطاك )
................وإرجع مثل ما جيت .. وتدل ( بيتـك )

شكراً :- عشان الشوق جابـك ووداك
................لكن مع شـكري تراني ( نسيـتك ) .!



.

[فهيد بن سالم]

ياما ( ضميت ) وجيت وارد على ماك
............حتى سرابك , ما حصل يوم ( جيتك )

ما كنت ابيك ترد ليّ بعض ما جـاك ؟
............آبيك بس تقدر اللي :- ( عطـيـتك ) !



.

[فهيد بن سالم]

( غلاك ) لا يغرّك على جرح مغليك
.............ماقلت من ( نشوة تغليك ) يكفـي ؟

لا صار في بالك ليا أقفيت اناديك ؟
.............بـ اموت ماناديت لـ انسان مقفي !



.

[فهيد بن سالم]

يا ( نبيله ) , والجفا ما به نُـبل !
..................والجروح كثار وإحسـاسي ( قليـل )

كيف أبوح اللي بعد واللي قبل ؟
..................وكيف أقول إني زرعت بلا حصيل ؟

كم قتلني درب وأسقطني جـبل
..................القصير يصير لـ/ وصالك ( طويل ) !

جيتّ لك والورد في يديني ذبل !
..................علميني دام لك :- ( قلبٍ ) دليل !

ويش أسوّي لا أنتهت كلّ السبل
..................ومابقى ليّ غير ( نسيانك ) سبيل ؟




.

[فهيد بن سالم]

اللي على ( قلبك ) يقوله لسانك
................من بيض قلبك مادخل قلبك الغيّ !

الله ( يصبرني ) , ويذكر ( زمانك )
................يالي بعدك أدور لـ ( غربتي ) فـيّ !

( أقدر ) أسوي كل حاجه عشانك
................هذا يوم إنك يـ ( نديم الحزن ) حيّ

والحين ( متّ ) ومابقى الا مكانك
................ياشينها لا صار مافي يدي شي !




.

[فهيد بن سالم]

( دموعك ) نهار اقفيت وانت اتلفت فيّ
..............تبي تعتذر , والجفن لـ ( لخد ) سايقها

وانا ما بغيت امن اللـيال القديمه شـيّ
..............سـوا ( وردةٍ ) عـيا الشـذآ لا يفارقهـا .!

لك الحب ياغيث المشاعر وانا وش ليّ
..............( دموعي ) تهز الجفن والجفـن خانقـها

تبّسم , وخل جروحنا تستريح شوي .!
..............الاحلام فغيابك تبي من ( يحـققها ) .!



.

[فهيد بن سالم]

ليه ( الكلافه ) وليه انسى , وبتروح وين ؟
................( لا تجرح ) الحب ما دام الطريق :- أوله !

نزعل , ونرضى وهذي ( حالة العاشقين )
................عطني ( حبيبين ) ماجا بينهم ( مشكله ) ؟

شفني على كثر ماتخطي علي السنين
................حتى خطا الوقت لا من شفتك استـسهله .!



.

[فهيد بن سالم]

ندمّت , واحلامي مقفي بها الياس !
..............وانتي على ( فتات الاماني ) ندمتـي

انا بديت احس ماعندك :- احساس
..............بكيت لعيون الغلا , ( وابتسمتي ) !



.