ممكن تساعدوني؟؟؟؟؟؟؟؟؟؟؟

[الاجودية]

السلام عليكم ورحمةالله وبركاته
ابي مواقع فيها قصائد مسموعه وغير مسموعه لشاعر
راشدالذيب العجمي القطري
انا مومتاكده من الاسم بس هو اللي يقول في قصيده له
........اشرب الفنجال واكب البياله.............
وياليت تكون القصائد المسموعه من غير موسيقى
وشكراااااااا

[الجويّر]

اشرب الفنجال واكب البياله = طيب ٍ واحب سلم الطيبيني

والصبي لاطاب طيبه من خواله = وبالخوال ايسال قبل الوالديني

حالف ٍ ماخذ على الطرقي بياله = ومدري وش يقول انها ماتجيني




وهذا اللي خابره من القصيده وباقيها يساعدش غيري والسلام عليكم ورحمة الله وبركاته

[حظه منسدح]

السلام عليكم

هلا اختي الاجوديه

بصراحه انا ماعندي الموقع اللي تبين

بس عندي مقطع صوتي بدون موسيقى

حاولت احوله لك ماقدرت هنا

عجزت

على العموم اذا لاتزالين ترغبين في المقطع عطيني خبر وان شاء الله نحل المشكله

والمقطع اللي عندي يقول فيها

طـــلال يانـائب مدير الاذاعــات&&&والتلفزه والبرمجه العالميه
البارحه يوم اتصل عشر مرات&&&يرن جوالك وياخذ شويه

والتكلمه في المقطع

سلملم

[الاجودية]

وعليكم السلام ورحمة الله وبركاته
يعطيك العافيه الجوير على المساعده معانك مافهمت قصدي انا اعرف القصيده بس ابي موقع وحلوه القصيده خاصة. مدري وش يقول.
واخ حظه منسدح ممكن تعطيني ياها عالايميل وشكرا

[سند]

الاجودية

أنشالله ينفعوونش الاخوان بلي تبينـّه

تحياتي,,,

[مهرةٍ اصيلة]

السلام عليكم ورحمة الله وبركاته

يامرحبا إختــي الأجـوديـه ..

اتمنى الإخـوان يعينـون اللي تبيـنه

[مـحمـد]

الاخت الاجوديه لايوجد موقع يحتوى على جميع قصائد الشاعر المرحوم محمد بن الذيب
ولكن هناك بعض المواقع تحتوى بعض منها

وانشاءلله في القريب العاجل ستكون هذه القصائد موجوده في شبكة العجمان على الصفحة الرئيسية للموقع في حال الانتهاء من ملفات الدواوين الشعرية .

وبخصوص الرابط اللذي وضعته مهرة اصيله هو يختص بقصائد الشاعر محمد بن راشد ابن الشاعر الي تبين قصائده وليس هو وكل الشكر لها

[مشغول]

السلام عليكم ورحمة الله وبركاته
راشد ماله قصايد سمعيه بصوته هو يرجع لفخذ الضاعن من آل خضير
ولده الشاعر ذيب معروف بالقلطه ومحمد ولده اللى ذكر له بيت شعر الاخ حظ منسدح
واذ انتي تبين قصايد له الى اهو ابوه الله يرحمه عندي تقريبا كل قصايده مو صوتيه
عطيني خبر ورسلها جميعها شكرا ...
عن اذنك العجمي تصحيح محمد لالحين حي وعمره 27 اهو الابرص اللى يقصد دايما بالكويت
وله قصيده عن سوق شرق اضن كلن سمعها
شكرا

[Abdulmohsin]

السلام عليكم ورحمة الله وبركاته

الشاعر راشد ابن حسن ابن رحيان الضاعني
القصيده المطلوبه قالها وهو كان يعمل في شركة ارامكو قسم النقليات وكان عملهم ان ذاك مابين الظهران وحرض جنوب الاحساء وفي ذاك الوقت لم يكن عند الناس سيارة عدا سيارة الشركة فيظطر الكثير طلب المساعده من سائقي ارامكو لتوصيله .
وكان هذا العمل ممنوع من قبل الشركه ولم يكون احد يجرو على مخالفته سو راشد لحبه لفعل الخير


قالها ابن الذيب من هاجوس باله
كلمتن يلعبها والبال زيني
قالها يوم طراله ماطراله
من هواجيس تشيب المرضعيني
غرني بعض العرب بكثر ماله
مادرى ان الموت في الحبل الوتيني
ناس وين الي عوايده الشكاله
مثل ابن ظافر حمد ليته يجيني
جود العليا ومسكها عياله
ودركو من علمته دنياء وديني
لا لقيت الي على السكه الحال
ينتخي ويقول وين الطيبيني
اوقف الموتر حي وبغي الجماله
يوم ولد الش وجهه مايليني
حالف ماخذ على العبري رياله
وبثلاث محرم ما تجيني
اشرب الفنجال وخلي البياله
طيب وحب سلم الطيبيني
الولد ونطاب طيبه من خواله
وينشد من عمامه قبل الوالديني

هذي الي اعرف منها والمعذره على القصور


ملاحظه:
اكثر الناس يعرف البيت الااخير غلط

الولد ونطاب طيبه من خواله
ون تردا فعرفنهم خايبيني

[(_. ._)]

اقووول ترىة البنت تبي مقاطع صوووت
وانتم تقصدون وتعرفون على شخصية الشاعر


اجوديه انا عندي مقاطع لصووت ولده محمد اذا تبينها
انزلها اما ابوووه ماعندي