قصه وقصيده للشاعره الأديبه / خطـر الشـمري

[طـيـر شـلـوى]

السلام عليكم ورحمة الله وبركاته


هذه القصيده للشاعره الأديبه / خطر بنت عراك الشمري ، قالت هذه الأبيات عندما أنتهى حكم الضياغم أبطال شمر في أمارة نجد والحجاز وأطرافهما ، وعندما هاجر الكثير من أبناء شمر الى بادية العراق والكويت وبعض دول الخليج العربي بعد تسليم حائل الى آل سعود ، فقالت هذه القصيده : -

مـع السلامـه ياعيـال الطنايـا=ياللي على ديار بعيـده تشيلـون

قفو ضنى الجربان نسـل الشفايـا=وشمر هل الطولات معهم يروحون

مشو ابعاد الصيت رجـال المنايـا=للبصره والفيحا وشطـه يعبـرون

الدار مابه مـن رحلتـوا حلايـا=البعـد قطـاع المنافيـع تـدرون !!

من بعدكم دمـوع عينـي سقايـا=ومتى يلين الوقت وبعـده تحنـون

رحتوا وخليتوا الدار بليـا وصايـا=وصارت بخت منهم عليها يدورون

وتبكي الجزيره وتقول شالوا الطنايا=شالوا بركايبهم ولاظـن يعيـدون

باعوني بارخص سعر بليا رضايـا=اول شروني بدم وصاروا يبيعـون

لاغبـرت دنيـاي شمـر ذرايــا=شمر مع الشدات بالضيق يكفـون

شمر على اعداي سيـوف حنايـا=اللي به الهامات عن المتن يرمون

وغلبا ليوث الارض اهل العطايـا=بالروح عن دار المعزه يحامـون

صارت حزينـه دارنـا والقرايـا=بيت بثـر بيـت منهـا يشيلـون

قامـت تباكـا عجزنـا والصبايـا=هلي رحلوا ياهيه ولاظن يعـودون

ومصادفين الخير من دون سايـا=بجاه الذي له الخلايـق يصلـون

وسلامتكم ..

خـالص الــود / طــير شــلوى