##~~~&& أكتب اجمل ما قرأت في الغزل ... للقلوب الخضراء &&~~~##

[مريغان]

من الغلا في ذمتي أن كنك في ذا القلب مغروف
شفت البحر مثل البحر ماهوب حولي أجمعك


الله وهبني محبتك سبحان المعطي الرؤوف
وصارت حياتي كلها وهمي الوحيد أبقى معك

[عزوتي دوسريه]

معروف دور الدم سقيا الشرايين
والعين تظمى وأنت سقيا ظماها

[مريغان]

قلت لك والخوف فعيون الصَّبَايا
"آه ِ مِن قَيْدكَ أدمى مِعصَمي"

"أعطني حريتي أطلق يدايا"...
مِن سجون الصَّمت ِ\\ بل أطلِق فَمْي!

وآنا متخفيّ ورى بيض النوايا...
ناشف ٍ ريقي / قبل يَنْشَف دمـْي..!

ليت ذاكْـرتـْي مثـل / وجه المرايا
تعكس اللي وسْط بالي ....... فـ قْلْمي

طاح قلبـك فوق... طاولـْة الهدايا؟
طيّب ! يديني ... وصوتي ونسمي؟!!

أطول الحرمان : روحي مو معايا
وأبخـل الأيـام : حزن ٍ حاتمي !

تسجن احلامي ورى شك النـوايا ...
وش يفيــد ان كان تطلق معصمي؟!

[مريغان]

رغم المسافه و ابتعادك عن الشوف
الشوق يرسم لي ملامح عيونـــــــــك

اموت لك مليون مره من الخــــــــوف
يا واحد عيت حياتي تخونـــــــــــك

يا كيف اخونك وانت مولود بالجوف
وبين الحنايا منـــــــك نور يصونـــــــك

[مريغان]

ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري ¤غلا¤ لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان

[الظبيه العنزي]

\
\

( أراقبك ) من بعييد أحسّك بـ صدري !
أسولف لـ " صورتك " عن آخر أخباري

أشاورك باللي يطري.. واللي ما يطري
أشتتك..أجمعك .. تتشتت أفكاري !

ما أبيك تدري بـ غلاك وينكشف أمري :
حلاته إني.. عشقتك وإنت مو داري ..!

\
\

[الظبيه العنزي]

ماهزت الدنيا من الراس شعره
لكــــــن غيابك هـــز كـامل كياني
ولا احد اخذ قبلك من الحب قطره
بس انت وحدك اخذت صافي حناني

[الظبيه العنزي]

نويــت اجفـــا كمـــا تجفــــا
وابــــادلك الجفـــا واجفـــاك
وصــرت اجفــا الجفـا واقفـا
وبــدل مجفاك صرت اهواك
وجيتـك وانـــت لــي ملفــــا
دخيــلك لايــذ(ن) بحمـــاك

[مريغان]

الصبر عن بوح الاحاسيس .. قتال
........................ والبوح في بعض المواقف ، فشيله


لو كل مايطري على البال ينقال
.......................... ماكان شفت ان الثقيله .... ثقيله

[مريغان]

أنا عيونـي لـو تِشـوف المزاييـن
قلبي مع اللـي خصْنـي فـي غرامـه
قلبي خضـاره مثْـل لـون البساتيـن
كلمـا كبـرْت ازيـد مـدري علامـه
تَطْـري وتَطْـري ذكْريـات المحبيـن
ورِفْ قلبـي مـثـل رَفْ الحمـامـه
واحِسْ كني فوق عـرْش السلاطيـن
بيـن الثـريـا راسمـلـي عـلامـه
واسْري مع الهاجس على العِسْر واللين
واسْهـر مـع نـورٍ يجلـيّ ظلامـه
والشوق ياخذْني علـى دمعـة العيـن
لا هيّضتـنـي حـالـةٍ مستـهـامـه
وين انتْ يا غرْوٍ عشقْته من اسْنيـن
حرمـت عينـي شوفِتـك ببتسـامـه
ادوّرك واذْكِـرْك حيـنٍ بعـد حـيـن
وارْتـاح لاشفْتـك بخيـر وسـلامـه