ياراكب هجـن مراديـم وسمـان
عيرات الانضاء ما يرقـع حفاهـا
ياراكبين الهجن نصوهـن اعمـان
ومروا على رفحا وروحوا وراهـا
في كل ديرة جددوا لابن برمـان
قصر من البيضـا رفيـع ابناهـا
ثم اجنبوا من عندكم يـم نجـران
دار المذاكر دوجـوا فـي اقراهـا
حطوا له البيضا على راس مابـان
راع الفعول اللـي طـري نباهـا
ومروا على الخرمه وحطوا به اعلان
اعلان بيضا كل من جـا قراهـا
ونصوهن الحاير عسى دربكم زان
ديرة سبيـع امتيهيـن اقصراهـا
وابنوا بدار سبيع بيضا لهـا شـان
من مر ديرتهـم يشوقـه ابناهـا
يالله عسى ديرة دحيم بن برمـان
لا جا سحاب الوسم يسقي جباها
اللي عطا جاره عطا ما بعد كـان
يبغى الجزا من عند رافـع سماهـا
ماهيب لا غرس ولا ابل ولا ضان
ولا عطـا دنيـا يـدور جزاهـا
يبغى العلوم الطيبة مثل مـا كـان
قصيرته عطيت ولدهـا وجاهـا
يافاعل الحسنا جزاك الله احسـان
فعلت لك حسنا على الله جزاهـا
ومن قال والله سالم يالسؤدد وتسلمين صراحه بيض الله وجهه ويستاهل البيضاء...والجميل أللي فعله ماكل واحد يقدر عليه إلا أللي الله وهبهم الصبر والحكمه...الناس تدعي له كلما جاء طاريه الله يجزاه خير ويعيضه من عنده
أختنا ألقديره وشمعة المنتدى السؤدد عودتينا على المواضيع القيمه وكلمة شكرا والله قليله في حقك...وياليت باليد حيله لتكريمك والله تستاهلين التكريم لجهدك وحسن أختيارك...وينكم ياأداره المنتدى الله يعافيكم...
تحياتي وتقديري
24-01-2005, 02:02 AM
العرض العادي
