وثيقه ورساله الى أعضاء جمعية الرقه القادمون

[مراقب أساسي]

مساك الله بالخير يالناجعي

أي صفطان تكلم عنه وهو يقول انه معلقه والسالفه مصالح والرجال ماتكلم الا عقب مامل من المدير ويستاهل وكلن يدور مصلحته وين.

[sazco]

لحظه لحظه يا مراقب اساسي ويا ناجعي مخامط هي والمدير ليش يختار على كيفه وين باقي العجمان ، المدير بهالطريقه يسبب تفرقه حتى ابن عمه مدير السوق مادق عليه وقاله بوظفك ، ابن عمه جاب واسطته الصيفي مبارك ، لا هذا الامر ما ينسكت عنه من المدير العام وخاصة ان اللي من ال هادي قال انه دق عليه ووهقه

[عجمي محايد]

الله يوفقكم لما يحبه ويرضاه ويوحد صفوفهم على الحق

[عجمي ناجعي]

مساء النور والسرور
يااخي مراقب اساسي شلون معلقه الرجال ادوام ولا فيه للعافيه بس صاحبك مهو مضبوط والا كان الموضوع صار بينه وبين المدير ما يروح يسولف فيه بالدواوين وبعدين المدير متصل عليه هذي اسمحلي كذب ابو عبدالله اكبر من انه يفرق بين العجمان

[الوسمي 81]

لو الله يفكنا بس من الحاشية اللي حوالي بو عبدالله لانه سمع كلام النائب والمدير صاحب الصوت المزعج واخرين غيرهم .......................؟

[السليماني1]

السلام على الجميع

شلونك يابوحه عجل علينا بالعلوم
الوسمي شلونك وعلى طاري خدمة عاجل هاليومين المدير العام يبي يحقق في سعر صابون ويسويله مقارنه ويقولون البياعين بالسوق احنا عارفين القصد ، طيب وينك يا مدير من 1000 صنف بالجمعيه اسعارها أغلى من الجمعيات الثانيه بدبلات ووينك يا مدير ما طلبت المقارنه فبل ما توقع على اعتماد الصنف مع العلم يا جماعه إن المدير العام ومدير السوق لهم اقارب يدخلون بضاعه محد شيك على بضاعتهم ، عموما حنا بنراقب اجراءات المدير وبتوقيعاته الموقره ونقارن بعد وصول الاعضاء كم صنف اعتمده المدير من غير مقارنه وكم صنف في الجمعيه سعره اغلى من الجمعيات الثانيه وشنه الاجراء اللي اتخذه انتبهو يازملائي المرشحين

عطنا اخبارك يابوحه

[sazco]

السلام يالسليماني

والله اشتقنا لكتابات بوحه

الصنف هذا يالسليماني حق واحد ما يحبه المدير مايبيلها توضيح والتصرف اللي سواه المدير مكشوف وبجي عكسي لصالح صاحب الصابون لان الامر شخصاني والصحيح المتبع ان الصنف اذا سعره اقل في 5 جمعيات على الاقل ولازم يكون نفس الصنف يعني ماركه تخاطب وتفاوض الشركه في تنزيل السعر وهذا لازم يتبع مع جميع الاصناف

خطأ ادارة مدير بشخصانيه واضحه

يامساهمين ليش جمعيتنا كل شي فيها غالي خاصة الاشياء الاساسيه وين المقارنين وين ادارة السوق يامرشحينا الافاضل نبي اداره كل يوم تقارن صنف

[الوسمي 81]

مساك الله بالخير اخوي السليماني وانت يا سازكو اي نعم عندي خبر بسالفة الصابون قبل يومين والحركة هذي مقصودة علشان صاحب الشركة كلام عالفاضي لو انهم يبون يشتغلون صج نزلو اسعار الدجاج و 100 صنف ارتفعت اسعارها خلال 3 الاشهر الاخيرة وهي من الاصناف الاساسية شمعنى هالصابون مايبيله حركة بايخة من طرف الادارة ونبي نشوف اخرت السالفة علشان الصابون مع العلم ان لاحد اشتكى من غلاء الصابون اللهم الا زبون وممكن مقصودة بعد والبياعين على علم بذلك نقطة ثانية نبارك افتتاح محل الحلويات اللي اتفادت منها الادارة الموقرة من دعم للجمعية بمبلغ وقدره 30 الف دك بعد ان كان 130 الف دك وهنا نوجه نداء الى اهالي الرقة الكرام بمقاطع المحل لانه والله اسعارها خيالية ارخص شي 5 دك 7ونص و9 دك شنو الحلويات مغطي بالذهب المهم بوحة نرجو انك ماتكون مشغول لانك طولت شوي المهم خذ راحتك في جمع المعلومات الدقيقة علشان المصداقية للجميع .......................... بعد ؟

[المدراس]

الانحراف بالجمعية سببه الرئيس المستقيل الذى يدعى الشرف

[بوحه]

شكرا للجميع على تفاعلهم واعتذر تأخيري لسفري

اما بالنسبه لما ذكره الاخوه الاعزاء مراقب والسليماني وسازكو .....اولا : في ما يخص الموظف العجمي فطلب المدير العام في توظيفه أدى الى خسارة المدير العام الكثير من العجمان الذين يريدون ان يتوظفو!.....ثانيا: فيما يخص الصابون والمقارنه فبامكانكم انتم الذهاب الى الجمعيات وشراء الاصناف التي سعرها اقل من سعر جمعية الرقه وعرضها في المنتدى...أي تعرض فاتورة الصنف من جمعية الرقه وفاتورة نفس الصنف من الجمعيات الاخرى

ونبارك لجميع المساهمين بقرب الجمعيه العموميه 23/ 11 وأن لم تحدد رسميا مع العلم بذهاب المدير ونائبه أكثر من مره للوزاره وذلك للتمديد ولكن....دون جدوى و لا مفر من توقيتها بشهر 11 .....والايام تجري سريعا كمجرى الدم سريعا في قلوب المتجاوزين .......

أيها الاعضاء القادمون انه والله فاسد مفسد لايقربه الصالح الا وافسده ...... ........فقد جميع مقومات الانسان السوي بل مقومات الانسان العادي ....فقد كرامته بل فقد عقله....ليس لديه مباديء.....لديه الاستعداد للتنازل عن سمعته وبكل فخر!!!.......كل هذا مقابل المال ....فلديه سجل حافل من الكتب والقرارات وكشوف الرواتب والشيكات والقروض وكروت البانزين والاضافي وسفر من غير رصيد مدفوع الاجر..الخ......كل هذا و.يكفيكم من غير هذه الامور وببساطه ستعرفونه من حركاته وستجدونه يرخي لكم جناح الذل حتى التمكن


له مصالح متبادله مع السكرتاريه والسوق ومناديب الشركات


سافر قبل اجازته بايام وهو يحتسب له اضافي....... أي أنه سافر قبل اجازته بأيام وهذه الايام له فيها اضافي وهو في مصر!!!!!ما أجمل الاداره!!! ايها الاعضاء لديه سجل حافل بهذا الامر.... اطلبو وقت وتاريخ اجازته والشيك المصدر باسمه وستعلمون علم اليقين ....وان أردتم زياده للمعرفه برنت بسفره!!!! ومن الذي سمج له ووافق له ووقع له!!! ما اجمل الاداره!!


صرف لأخيه 48 يوما بدل راحه!!! ولا أحد يعلم لماذا وفي أي سنه داوم هذه الراحات!! ..وبامكانكم ايها الاعضاء النظر في الشيك المصدر باسم اخيه قبل ان يسافر ومقارنة المبلغ مع ايام اجازته وستجدون المبلغ اكثر بكثير من مبلغ ايام الاجازه!!!! من الذي وافق له من الذي وقع له 48 يوما بدل راحه!!! ما اجمل الاداره!!!


وظف زوجته عارضه في احدى الشركات في السوق المركزي وهذا يدل على تعامله بالمصالح المتبادله مع الشركات التي تتعامل مع الجمعيه!!!!وبعد ذلك وظفها في الجمعيه وهي لا تحضر !!! ولا يوجد لها بصمة في عمل او توقيع لكتب كما هو حاصل في موظفات المحاسبه


المستثمرين لهم نصيب فيه وله نصيب فيهم ....لماذا؟!!! ابحث عن أقاربه ومعارفه ستجدهم يعملون في محلات المستثمرين ...كيف وأين ومتى والسبب!!! لأنه يستغل عمله كمندوب للمستثمرين ....وبامكانكم الاجتماع مع اصحاب المحلات ( النصر ، الالعاب ، البلاي ستيشن....الخ) وستعرفون كيف تمصلح وساوم وووو


حصل على زياده لاخيه الثاني وحصل له على قرض قبل سفره ايضا....ايها الاعضاء القادمون اطلبوا كشف رواتب اخيه مرفقة بقرارات التغير في الراتب وشيك الاجازه والقرض وستعلمون وتدهشون


ايها الاعضاء القادمون انه المندوب المعتوه الذي لا يعرف الا تذلله لكم واستنزاف كل مايستطيع ان يحصل عليه منكم!!! ولكن صبرا أين الاداره لا توجد اداره!!!