محاوره مساعد بن جبران و حامد زيد

[عَشّــاقْ آلصلَــفْ !]

السلام عليكم

هذى محاوره جديده بين الشاعرين

مساعد بن جبران وحامد زيد


( مساعد )

ياحامد اخر معركة بيني وبين اهل المـرور
كلن بحث عنهـا و بيـن للخلايـق سدهـا
من كثر ماتبني لي الايام سور اصبحت سور
احفظ بقايـا مابقـي والـواردات اصدهـا




(حامد )

يا بو محمـد مايغـط النـور رجـالٍ غيـور
عد القصيـده لعنبـو مـن لايبيـك تعدهـا
خلك على خبري كذا ماتحسب حساب الحضور
والكلمه اللي يستحـي منهـا لسانـك بدهـا




(مساعد )

الوقت مايكشف خفايا مستـواه الا جسـور
واللي يوديها وفيه الخوف صعـب يردهـا
انا اعتبرها صايبة لو ضيقت بعض الصدور
اهل القلوب السود مافكرة ابكسـب ودهـا


(حامد )

مايحتمل ظلم العباد من الرجال الا صبور
هذي يدي مديتها لك هات يـدك ومدهـا
ثارت قلوب اهل الحسد ولا عساها ماتثور
الرجـل ودك مايقـول الكلمـه الا قدهـا



(مساعد )

يا حر لو طارت وراك طيور فأنت من الطيور
لكن فعلـك غيـر والهـزلات منتـب ندهـا
عيون تنظرها حقيقة ثابته وعيـون عـور
وانا ما افكر بالعيـون اللـي قريـبٍ حدهـا




(حامد )

ما اقول فيني زود بس اقول مافيني قصـور
وياكثر ناسٍ ودهـا فينـي ولاهـو ودهـا
حتى الصبي اللي هناك ان حب فرقاي معذور
شف من متى وانا عذاب اللي رهيفن خدهـا




(مساعد )

احذر ترى النعمه تزول اما لقت عبدٍ شكور
كانك تفكر فالعبـاد اللـي تمايـل شدهـا
خلك بحالك والمشاريه الكبار ألها عبـور
واليا اختلفنا بالحقايق كل فرصـة لدهـا



(حامد )

انا ادري ان الشكر لله وادري الدنيا تدور
مير العرب ما عاد نعرف كذبها من جدها
احدن يمن بمدته حتى ولو يعطيك شور
واحدن يمن بحاجتن لو هي معه مامدها




واتمنى ان تنال اعجابكم

أخوكم : عامر العجمي ...

[سلمان بن ضيدان]

الله لا يهينك ع النقل يابن غره الجهراااوي

وتقبل مروووري

[عَشّــاقْ آلصلَــفْ !]

لا هنت يا المرعب ع المرور الرائع ... و مشكوور

[محمد بـن صـبـيـح]

المهره العرجاء جري وشلون تخفي عيبها ؟؟

قرب المعشاء

لاهنت يا عاشق المغاتير

[فهد الميع]

لاهنت على هذا النقل الي قدمته للقصر الشامخ مثل طقم الماس اصلي

[عَشّــاقْ آلصلَــفْ !]

ولا انت يا ليت الزعل ممنوع

ولا انت يافهد تسلم والله يكثر من امثالك

ويشرفني مروركم الجميل