بــــوح الغـــلا

[زود الغـــــــــــلا]

[72]


اللي بقا لي فـي غيابـك .. سكوتـك
واللي فقدته مـن غيابـك .. حنانـك
عـذرك معـك لوخبرونـي بمـوتـك
وحقي عليك ان كـان عـذرك زمانـك
ماكان موعد .. وأعذرك لـو يفوتـك
أنـا انتظـرت العمـر كلـه عشانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قوتـك
لامن ذكرت إنسان .. خنته .. وصانـك
ماكـن قلبـه واحـد مـن بيـوتـك
من تحت سقفه كم شعـرت بأمانـك؟
وراك خليتـه .. لعتمـة سكـوتـك؟
وأنا ما غيـر أعشمـه فـي حنانـك
فـي غيبتـك ياكـم تمنيـت مـوتـك
أقل شي .. أرتـاح وأعـرف مكانـك


الشاعر/ فهد المساعد

[زود الغـــــــــــلا]

[73]


الشـوق عمـره طويـل ولا عـلـى الصـبـر زود
وان طـال عمـر الجفـاء جـف القـلـم والـكـلام

اخـايــل الـشـعـر وبـروقــه حـديــث الــرعــود
ويسـمـي الخـيـر وجـروحـي حـديــث الـظــلام

ما اقول صدري هو اضيق صدر في هالوجود
لكـنـي احــس بـيـن ضـلـوع صـــدري غـــرام

لــو للمقـاديـر مــع وجـــه الـبــن ادم وعـــود
ان كـــان مـــرت مصايـبـنـا مـــرور الــكــرام

لقـيـت عـمـر الـفـرح ينـقـص وحـزنـي يـــزود
وانــا عـلـى ايـــات حـــال اعـامـلـه بـاحـتـرام

طبيعتـي لا انكشـف ستـر الزمـن عـن جـحـود
امــد لــه غـصــن زيـتــون وحـمـامـة ســـلام

الـقـلـب بـسـتـان طـيـبـه والــعــواذل حــشــود
تغـانـمـونـي لــحـــم واسـتـكـثـرونـي عــظـــام

ان عرضـوا لـي سـمـوم الـهـرج هبّـيـت نــود
وان طمنـوا روسـهـم راســي خــوي الغـمـام

مــن رحـمـة الله مــا نـقـرا عـيـون الـحـسـود
ولا نـشـوف المـغـطّـى فـــي صـــدور الآنـــام

ولاّ كـثــر مـــا تـشـيـل الـعـالـم قـلــوب ســـود
مـاعـاد يبـقـى عـلـى الـدنـيـا خـــوال وعـمــام

اعـيـش جــو الـسـعـاده بـالـدعـاء فالـسـجـود
لاطــــرّف الـلـيــل ثـلـثـيـنـه وعـــــز الـمــنــام

الله يـخـلــي لـقـلـبـي ضـحــكــة اربـــــع ورود
ويـقـر عيـنـي بـشـوف الـنـور عـقــب الـعـتـام

يالـيـت شـعـري ,, الا لـيـت اللـيـالـي تـعــوود
يـــوم التـجـافـي دقـيـقـه كـنــه فـــراق عــــام

اسـألـك بالـلـي جـعــل كـلــك رهـــاوة عـــدود
لا تبـطـي عــروق قلـبـي مــن قـراحـك حـيــام

مـن يـم دمعـي حــدر والضـيـق يـرقـى سـنـود
لـو قـلـت لــك طـيـب وكـلـش عـلـى مـايـرام!!

صـدقـنـي انـــي فـقـدتـك والـجــوارح شـهــود
ارجـــوك لا تـعـتـبـر بــعــدك سـبـيــل انـتـقــام

أي والله اخطـيـت فــي حـقـك وجـيـت مـهـدود
اشـيــل عـــذري لـعــل الــعــذر قــــد الـمـقــام

اخطـيـت والبـعـد يوجعـنـي ولا انــت مـحــدود
تــحـــط بـيــنــي وبـيــنــك فـالـمـحـبـه نــظـــام

لــو الخـطـاء بـيـن خـلـق الله جــزاه الـصـدود
مـاعـاش فــي هالـزمـان الاّ عـيــال الـحــرام

عـشـت الـغـلا فــي شبـابـه لا تخـلـيـه عـــود!
والـعـود مــا يطـلـب الله غـيـر حـسـن الخـتـام


الشاعر/ راشد العتيبي
(كلاش)

[زود الغـــــــــــلا]

[74]

ما كل من يضحك بدنيـاه مسـرور
لو ضحكته دايـم تحرك حـجاجـه

وما كل من يبكي من الناس مقهـور
بعض الدموع رخاص من شان حـاجه

وما كل صادق لو حكا لك من شعور
يا كثر من زيف المشاعـر خراجـه

وما كل ما يخفا من السـر مستـور
بعض الوجــيه ابين من ارهــف زجاجه

وما كل بيتٍ بابه انصـك مهجـور
كم بيــتٍ اطفا الشح واهـج سراجـه

وما كل وردٍ تزرعـه ينثـر عطـور
لو ماه صافي مـا يخالط هماجـه

وما كل مرهف قلب لو يزرع زهـور
قلب يحب الورد وهو مثل صاجـه

وما كل من يخطي من الناس معذور
البعض يخطي من علوم العـواجـه

وما كل من يسكت على الظيم مجبور
لجل الغلا ساكت ويدعـي انفـراجـه

وما كل راسٍ ضيع الفكـر مسحـور
كم راس ســحر الحب جاب ارتجاجـه

وما كل علـه فادهـا طـب دكتـور
كم من عليلٍ وصل خله علاجه

وما كل من شاور حكيمٍ خذا الشور
بعض الـبشر ما يقنع الا مزاجه

وما كل من سمي صقر يشبه صقور
كم من صـــــقر وقت الشدايـد دجاجه

[زود الغـــــــــــلا]

[75]


اللي مثلك ياحبيبي مايلام
قوم وأنسى الدمع وأنساني معه

لاتحاتي الليل ودعني ونام
السهر ماهو بضيق ألا سعه

خلني مابين كذبك والغرام
بنثره وأخر طموحي أجمعه

بك ختمت المسك يامسك الختام
وأحفظ أغلى بيت وأنسى مطلعه

شاعرك لاشح صوته بالكلام
ناظر عيونه كلامه تسمعه

ماورى هاك الطعون الأ الخصام
وماورى وصلك وقربك منفعه

عدني ماكنت وأنساني مدام
الفراق أصبح جهاتي الأربعه

خابرك حساس وتخاف الزحام
خاف قلب به غموم مجمعه

أعتقه لله وأتركه بسلام
مابقا به عرق تقدر تقطعه

ضامي وأطرد سرابك نصف عام
حالتي حاله وأجامل وأتبعه

كل ماطاح الأمل شلته وقام
لين طحت ولا لقا من يرفعه

غلطتي كنت أنتظر منك أهتمام
وغلطتك بعدي ثمنها وأدفعه

لاتقول البعد والفرقا حرام
الحرام أعطيك عمر وتضيعه

[زود الغـــــــــــلا]

[76]


ياكثرهم .. لا قلت لك .. عرفة وجيه
وياقلهم .. لا قلت .. قدر ومعـــــــزه

رجلٍ .. تعزه بعد ماتلتــــــقي .. فيه
ورجلٍ .. قبل ماتلتقي به .. تعـــــزه

ورجلٍ .. ترزه بالمجالس مباديـــــه
ورجلٍ .. فلوسه بالمجالــــس ترزه

ورجلٍ .. يموت ولا يجيبون طاريه
ورجل ٍ .. يجي طاريه في كل حزه

ورجلٍ يهزه .. بعض موقف ويشقيه
ورجلٍ .. مهوب أيـّات موقف يهـــزه

ورجلٍ .. ضعيف .. ويستفزه معاديه
ورجلٍ .. كلام اعداه .. مايستفــــــزه

ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـــزه

ورجلٍ .. يوزونه .. ويزعل بنيخيه
ورجلٍ .. يزعـّل من يحاول ، يـوزه

ورجلٍ .. تكزه لا زم انك .. توصيه
ورجلٍ .. بليـّا ما توصيه .. كـــــزه

من لا فرش .. للمرجله .. ماتغطيه
ومن لايخز .. الناس .. محدٍ يخــزه

ان كنت تعرفني فهي .. عرفة وجيه
مو شرط لك بالقلب قدر .. ومعــــزه

الشاعر/ خلف المشعان

[زود الغـــــــــــلا]

[77]


طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه

ما راح اقول أشلون او كيف .. او ليه ؟
تـرى السـؤال بـدون أجابـه مـشـوّه

العذر مااات .. و مـات همـه و رااعيـه
و الجرح جف .. و جـف غيمـه و نـوّه

صاحبك ضاع الهـرج مـن بيـن أشافيـه
مـا كنّـه اللـي كـان قبلـك .. مـفـوّه

يجمع لـك مِـن الشعـر فاخـر معانيـه
و يمـوت عنـدك قبـل فـيـه ايتـفـوّه

ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه
و أنت اتعرف قلبي .. و خيـره و سـوّه

يمكن لو انك قلت غلطـان .. قلـت ايـه
مير البـلا انـك قلـت .. ناقـص مـرّوه

قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه

يصعـب علـى الرجـال يثبـت مباديـه
و ان كانه اثبـت .. كيـف يثبـت سمـوّه

الله يبيحـك عــن خـطـاك و تمـاديـه
و يبيـح قلبـك عـن خـطـاه و غـلـوّه

ما دام حبـك خالطـه شـك .. مـا بيـه
حب العتب و الشك .. مـاعيـش جـوّه

ما كنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه

و ما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه

يـا مرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

الله كتب.. و القـوس فـي كـف باريـه
و اللي تشوفه يا أبيـض الوجـه .. سـوّه

[زود الغـــــــــــلا]

[78]


دعاك الشوق ياطيف الغلا ولا الجروح اجداد
او انك مالقيت من المواجع غير ذا السيـرة

تذكّرني عذابي وانتحـى لـك طايـع منقـاد
وتروى من عروقي لين اموت ويالله الخيـره

طلبتك خلنى ماعاد جرحـي دمعـة وسهـاد
كبرت وكبرت جروح الغرام وشان تدبيـره

ولانى طفلة تزعل وتضحك للرضـا بعنـاد
يمرجحها الغرور وغرها الوقـت ومقاديـره

سرت فعيونى طعون الفراق وخاطرى ماهاد
بكيت ولا ذبحت البعد والهوجاس والحيـرة

انا ياصاحبي غنيت جرحي لين صوتي بـاد
اسنّـد لـه طروقـي واتعدانـي محاديـره

وانا اللي داعي الاشواق صافحته عنا وجهاد
ولا حصّلت من وجه الزمـان الا مخاسيـره

تذكرني او انك جيت يا طيف الغـلا نشـاد
وتدرى مانسيته مـن خطـاه اليـا معاذيـره

سريته لين ماصارت عيوني له مسا ورقـاد
وصار الليل مسرى خوّته والعهـد والجيـره

احبه وان ذكرته ضاعت بلاد ونسيـت بـلاد
ولادري عن مكاني وين انا والناس والديـره

كتبه الله لعمري جرح ولغيري كتبـه مـراد
وتذبحني ظنوني لاصحت بي جمرة الغيـره

يقول انتي واقول انت الغلا ياروح روح ابعاد
عليك الله وامانه وش يضف الدمع ويجيـره

دريت انه لغيري واقتنعـت ولابقـى مقعـاد
تفارقنـا ويامكثـر غـلاه وكثـر تقصيـره

خذا كل العمر واقفى بلاعـذر وبـلا ميعـاد
وانا قفيت ما والله في قلبـي سكـن غيـره

الشاعره/ ابعاد التركي

[زود الغـــــــــــلا]

[79]


الله ولا الــهــاجــس الـــلـــي مـايـريـحــنــي
أســهــر .. عـيـونــي وعـنــانــي وعـنـيـتــه

أحــاول أخفـيـه مـيـر الـحــزن يفضـحـنـي
مـتـمـركــزٍ بـالـحـشــا كـــــن الـحــشــا بــيــتــه

يـالـلـي تـعـاتـب غـمـوضـي لاتـوضـحـنـي
مـــابــــاقــــيٍ فــالـــخـــفـــوق إلا تــنــاهــيـــتـــه

أصــافــح الــهــم قــبـــل أنـــــه يـصـافـحـنـي
وأحـــــب خـشــمــه وأردد فـالـخـفــا لـيــتــه

ليـتـه قـبــل لاتـــزل أخـطــاي ينصـحـنـي
ولا يـــريــــح خــفــوقـــي مـــــــن عــفــاريــتــه

والـغـالـي الـلــي عـلـيـه الـشــوق ذابـحـنـي
أقـفـى بــه الـوقـت مـاجـانـي ولا جـيـتـه
يـاسـيـد الـغـيـد قـبــل أقـــول لـــك بـحـنـي
بـخـبــرك عـــــن كـــــلامً عــنـــك اخـفـيـتــه

تدري وِش أكبر خطاي الله يسامحنـي..؟
أقفايتي عنك وأنت اللي تمنيته..!

وهــــذا هــــو الــلــي مـعـذبـنــي وجـارحــنــي
أقــــــــول أبــنـــســـاه وأنــــــــا مـاتـنـاســيــتــه

الشاعر/ تركي الميزاني

[زود الغـــــــــــلا]

[80]


يـلي عـلى وجـهي قـريتي كل صفحات الشقى
اقـري وأنـا بكتب قصيدة واشعل الساحة حريق

بـاقي كـثر مـا راح واللي راح نصف اللي بقى
وان مـا وصلت لغايتي با موت في نصف الطريق

يـابنت يـوم امـطر غـلاك بقلب ضيدان وسقى
تـدرين وش سـبة شـقاه وسبة الجرح العميق ؟

شـقاه مـن يـمناه واسـم الـشيخ والنفس امحقى
والـجرح مـنك يا أعذب العذبات يالموت الرقيق

يـا بـنت مـا دام الـبدو تخلف هقاوي من هقى
وانـا بـدوي متـني يـشيل من الزمن ما لا يطيق

ابـفتخر حـنا بـدو نـعشق عـلى وضـح النقا
حـنـا بـدو فـينا الـولد لـلقمة الـعليا عـشيق

حـنا بـدو فـينا الـولد لـو شاف موته ما أتقى
حـنا بـدو فـينا الـولد يـرقا ولـو مـاله رفيق

حـنا بـدو فـينا الـولد لا مـن رقـا.. رقـا.. رقا
الـين يـوصل غـايته لـو كـان في قمة طويق

يـابنت جـيتك والـثمن عـمري ابـي لـيلةٍ لقا
يـما كـذا والا بـلاش مـن الـصداقة والصديق

وسـاعة تـبسمتي وشـفت الـجمر والثلج اصدقا
قلت أشهد أن الموت حق وصحت لك صيحة غريق

واعـتقت دمـعي والـزعل والحزن لرضاك أعتقا
وأغـفت عـيوني فـي عيونك يا عساها ما تفيق

وامـنت بـاللي سـخرك تـقرين صـفحات الشقا
واشـعلت بـردي فـي دفاك وشبت الساحة حريق


الشاعر/ ضيدان بن قضعان

[زود الغـــــــــــلا]

[81]


لعيونك السود جيتك رافع راسي
شيخ خذا ثار خاله من ولد عمه

لعيونك اقبلت لا ذاكر ولا ناسي
بعت الحياة وشريت الموت بــ القمه

لعيونك اللي نفتني لكن احساسي
عيا يصدق عيون مالها ذمه

جيت اقتل الذل وأسكن قلبك القاسي
ضميت واوفيت وجيت ادور الضمه

يا بنت انا طحت لكن طحت متواسي
ولا زلت لرضاك لا شرق ولا يمه

لو يوم عنك يسج القلب متناسي
عهد علي لقتله واسقيك من دمه

يا بنت انا ينتخيبي ساسي الراسي
وإن مامدحني قصيدي ليش ماذمه

يا بنت بشتي وقدي وأعرف قياسي
واللي حكى فيه ضميني على غمه

يا بنت لو قيمتي في مظهر لباسي
كسيت ثوبي ذهب من كمه لــ كمه

عزيز نفس وغرورك ماطوى ياسي
ولعيونك السود جيت بحزم وبهمه

يا فرحتي يا ربيعي وأهلي وناسي
البيض خالات كل الزين وأنتي أمه


الشاعر/ ضيدان بن قضعان