اقتباس:
لكن سؤال برئ وبما ان الشاعر يذكر ثلاثة احداث
مع الدعاجين من عتيبة , ومع المريخي من مطير , ومع الشيخ الشمري وربعه اللي هربوا .
لماذا جعلت العنوان عن مطير ونسيت الباقين .
|
والله وجدت سؤال الاخ هذا واقعي جداً فالقصيدة ذكرت ثلاث وقعات مع قبائل عتيبة
ومطير وشمر ووشلون ربط مؤلف الكتاب قصصهم ببعض الله أعلم ؟؟؟؟
ونعم بالبدارين اهل ثادق وهم حسب علمي حاضرة يرجعون في اصولهم للبدارين الدواسر
اضافة الى آل سويد واعتقد ان لم تخني الذاكرة انه ليس ببدراني وعساني اكون مصيب
اما القصة فكما قرأتها تحدثت عن هزيمة الدعاجين على ايدي ثادق وونعم فيهم ويفعلونها
وتحدثت عن هزيمة المريخي على ايدي ثادق وونعم فيهم ويفعلونها
وتحدثت عن شيخ شمر لذي لم يذكر اسمه وونعم فيهم ويفعلونها
لكن القصة لها اصول وطريقة ويجب ان يكون شاهدها يوافق سردها
فصاحب الموضوع جعل ابيه في الجنة خلط سالفة المطيري المريخي بالشيخ الشمري
وهروب مطير وتركهم لخويهم الشمري رغم انه شيخ شمر او عقيد القوم كما يقول بعض
المتداخلين هنا صكوا عليه اهل ثادق وعالجوه رغم ان القصيدة تقول ان انذبح
شيخ شمر يوم قض الذوايب
واحتضوا به كاسبيـن النفيلـة
ذبح شيخ القوم وقفوا حطايـب
مثل صيد مروحـن لـه فتيلـه
ياجماعة كفاية استغفال لعقول المتابعين وسرد القصص على سبيل الاساءة للناس
وصنع الامجاد على اشياء غير صحيحة وانا لاانكر فعل اهل ثادق البدارين وونعم فيهم
ولاهي غريبة كسرتهم لهذه القبائل لكن تعالج شيخ شمر والقصيدة تقول انكم ذبحتوه
وتخلطون سالفة بسالفة هذا مالايقبله العقل
ياصاحب الموضوع كلنا نفهم الشعر ونتذوقه حتى لو حنا ماحن بشعار فممكن الله يحييك
تشرح قول الشاعر (( شيخ شمر يوم قض الذوايب ))
وتشرح قول الشاعر (( ذبح شيخ القوم ))
للجمهور المتابع خلف الشاشات ؟؟
04-03-2008, 02:28 AM
العرض العادي
