قصيدة ابن عقاب فى ثار ابية

[بنـدر العـواجـى]

بعد ان لم يبق لسعدون العواجى من يعتقد فية خيرا ا لا حفيدة الصغيرين

ابنى اعقاب حجاب واخذا يربيهما ويعلمهما فنون القتال آملا ان يخذا بثار


ابويهما من هايس القعيط فطلب ان يقول كل واحد منهم قصيدة يبن فيها


انة سيخذ ثار والدة وعمة واذا اجاد احدهما القول فسوف يعطيه ( المهرة )


بنت فرس عقاب المسماة ( فلحا ) وهذة آصل فرس عند قبائل ولد سليمان

فقال ابن حجاب قصيدة لم تعجب جدة ثم قال ابن عقاب قصيدة اعجب بها


وهذة هى القصيدة:



يا ليت من هو جذ فلحا ثنية
،،،،،،،،،،،،،،،،،، ولا ارباع مسودسه بالمسامير

ابى الا ما قيل زيعت رعية
،،،،،،،،،،،،،،،،،،،، وتوايقن مع الحنى الغنادير

انطح عليها سربة زوبعية
،،،،،،،،،،،،،،،،، يجهر لميع سيوفها والمشاهير

متقلد سيف سواة الحنية
،،،،،،،،،،،،،،،،، ادور ابويه عند روس الخواوير

ان كان ما لينت بالحبل لية
،،،،،،،،،،،،،،،، مانى عشير الى نهودة مزابير

لابد من يوم يزرفل كمية
،،،،،،،،،،،،،،،، وكل يحسب مربحة والمخاسير

ثار لبوى عقاب فرض علية
،،،،،،،،،،،،،،،،، علية وصانى زبون المقاصير

سعدون جدى هو خلف والدية
،،،،،،،،،،،،،،، شيخ الجهامة والسلف والمظاهير

دين على هايس زبون الونية
،،،،،،،،،،،،،،،،،، يجيبة المعبود ولى المقادير

ان ما نطحت الخيل عيب علية
،،،،،،،،،،،،،،،، ان وردوهن مثل اثامى الخنازير

عيب على العزوة الوايلية
،،،،،،،،،،،،،،،،، واحرم من الفجال وسط الدواوير




تقبلوا تحياتى

[ولد^ال معيض]

السلام عليكم ....

الله يعطيك العافيه على القصه الطيبه والقصيده الجزله.......


ولا هنت

[راكان اليامي]

لاهنت يالعواجي على القصه الطيبه

تحياتي

[الخويطري]

لأهنت يابندر العواجي

وتسلم يمناك على القصيده الجزله وانشهد انه رجل ابن رجل وقصيدته جزله مثل قصيد ابيه وجده

وشكرا لك مليون , ووننتظرك دائما

وتقبل تحياتي

الخويطري

[cool]

السلاااام عليكم ورحمة الله وبركاااته

تسلم بندر العواااجي على القصه وقصيدتهاااا .

الله يعطيك العااافيه .


كـووول

[فهدالعجمي]

الله الله
لاهنت على استجابتك لطلبي يالعواجي

[عادل الشمري]

لاهـنت يالنومسي على القصـيدة ،،،

[Ajmi]

السلام عليكم ورحمة الله وبركاته

اللـــــــــــــــه اللـــــــــــــــه
الــــــــــــــــــلـــــــــــــــــــه
على شجاعة الولد
بـطـل ابن بــطــل ابن بـــطـــل

والخيل الأصيله من أول مثل الـ BMW هذي الأيام
ومنهو الي يحصلها من زمان ,, ولا ليه البدو يتذابحون عليها هي والأبل

يا سلاااام على ها القصيده يا بندر
الله يعطيك العافيه يا بعدي ما قصرت وانا خوك
وتشكر على ها المشاركات الرائعه الي اتحفتنا فيها

وودك لو تضم موضوعك هذا مع موضوعك السابق
عشان الي يدخل موضوعك الاول يحصله مكتمل والكامل وجه الله
واذا الأمر هذا يصعب عليك بإمكانك طلبه من الإدراه

تحياتي لك